كەزدەسۋدىڭ باستى ماقساتى – ەلباسىنىڭ جولداۋىن ەڭبەك ۇجىمدارىمەن جانە تۇرعىلىقتى حالىقپەن كەزدەسىپ, تالقىلاۋ. پالاتا سپيكەرى قازاقستاندىق «ەلەكتروليز» زاۋىتىندا بولىپ, كاسىپورىننىڭ جۇمىسىمەن تانىسىپ, ءىرى ونەركاسىپ نىساندارىندا بولدى.
وندىرىستىك قۋاتتىلىعى جىلىنا 250 مىڭ توننا ءونىم وندىرەتىن زاۋىت اليۋميني, تەحنولوگيالىق اليۋميني قۇيمالارىن شىعارادى. ىشكى نارىقتان باسقا, ونىمدەر الەمنىڭ 20-دان استام ەلىنە, سونىڭ ىشىندە رەسەي, بەلارۋس, وزبەكستان جانە ەۋروپا ەلدەرىنە جونەلتىلەدى.
جىلدان جىلعا وندىرىستىك قۋاتتىلىعىن ارتىپ كەلە جاتقان زاۋىتتىڭ اشىلۋىنا ون جىل بۇرىن مەملەكەت باسشىسى نۇرسۇلتان نازارباەۆ ءوزى باستاماشى بولعان. سوندىقتان دا, ەلباسىنىڭ بارلىق باستامالارى زاۋىت ۇجىمى تاراپىنان ەرەكشە قولداۋ تابادى. كاسىپورىننىڭ قىزمەتكەرلەرى پرەزيدەنتتىڭ باستامالارىنا بەلسەندى تۇردە ءوز ۇلەستەرىن قوسۋعا دايىن.
پالاتا سپيكەرى الداعى ۋاقىتتا وڭدەۋشى ونەركاسىپتى قولداۋعا ەرەكشە نازار اۋدارىلاتىنىن, سونداي-اق, جاڭا تەحنولوگيالاردى دامىتۋعا زور كوڭىل بولىنگەنىن ايتتى. ءماجىلىس توراعاسى ودان ءارى جولداۋدىڭ باسىم باعىتتارىنا توقتالا كەلىپ, ول بۇكىل حالىقتىڭ, ءاربىر شاڭىراقتىڭ, ءاربىر ازاماتتىڭ جاعدايىن جاقسارتۋعا ارنالعانىن اتاپ ءوتتى.
وندا ەڭ الدىمەن الەۋمەتتىك سالانىڭ ماڭىزدى مىندەتتەرى, وتباسى, تۇرعىن ءۇي, شاعىن بيزنەس, ەڭبەكاقى, جاستار, اۋىلشارۋاشىلىعى, قۇقىق قورعاۋ جۇيەسىن جاڭعىرتۋدىڭ جولدارى كورسەتىلدى.
ەڭ باستىسى - ولاردىڭ بارلىعى ورىندالاتىن, ناقتى جانە قاجەتتى ماقساتتار. وسىنداي ناقتى جوسپارعا قۇرىلعان, حالقىمىزدىڭ, ەلىمىزدىڭ يگىلىگىن كوزدەيتىن, ء ىرى ىستەرگە جول اشاتىن جولداۋدى ورىنداۋعا بەلسەنە قاتىسۋ – ءاربىر ازاماتتىڭ ابىرويلى مىندەتى ەكەنىن ايتقان ن. نىعماتۋلين بۇل دەپۋتاتتىق كورپۋستىڭ زاڭ شىعارۋ جۇمىسىنىڭ دا ەڭ نەگىزگى باعىتى ەكەنىن اتاپ ءوتتى.
