ەل تاۋەلسىزدىگىنىڭ 20 جىلدىعىنا وراي ەلباسى ن.نازارباەۆتىڭ سالتاناتتى جيىندا سويلەگەن ءسوزىن ىنتا قويا تىڭدادىق. ءيا, اۋىز تولتىرىپ ايتاتىنداي ءناتيەجە دە, باسقا ەل قىزىعاتىن تابىستار دا بارشىلىق ەكەن. ەلباسى ءوز بايانداماسىنا تاۋەلسىزدىك العان 20 جىلدا قول جەتكەن كورسەتكىشتەردى سارالاپ ايتىپ بەردى. جان باسىنا شاققاندا ون مىڭ دوللاردان استام تابىسقا قول جەتكەن ەكەن. اۋىل شارۋاشىلىعى سالاسىندا دا ايتارلىقتاي ناتيجە بار, بىراق قول جەتكەندى مىسە تۇتپاي, مال تۇقىمىن اسىلداندىرۋ, ەت پەن ءسۇتتى وندىرۋدە ءالى كوپ ىستەر اتقارۋ قاجەتتىگى نازاردان تىس قالعان جوق.
ەلباسىنىڭ مەرەيلى مەرەكەدە سويلەگەن ءسوزىن تىڭداپ وتىرعاندا كوز الدىما وسىدان جيىرما جىل بۇرىنعى قيىندىقتار مەن پروبلەمالار كەلدى. كەندى التايدا ەڭ ءبىرىنشى بولىپ مەن كەڭشاردى ساتىپ الىپ, ءوز بەتىمشە تىربانىپ ەڭبەك ەتە باستادىم. بۇل 1988 جىل بولاتىن. نارىق كەلگەننەن كەيىن قىسپاققا الا باستادى. ءتىپتى, جابىلۋدىڭ از-اق الدىندا قالدىق. اۋىل شارۋاشىلىعىن تاراتىپ جىبەرۋ وڭاي بولعانىمەن, بارلىعىن قايتادان باستاۋعا تۋرا كەلدى. اقىرى بىرتىندەپ قيىندىقتاردى تۇزەي باستادىق. نەسيە الدىق, بىرنەشە جىل بۇرىن كوكونىستى گوللاندىق تاسىلمەن ەگىپ, ءوسىرۋدى جۇزەگە اسىردىق. جاڭا تەحنيكا, قاجەتتى گەربيتسيدتى پايدالانىپ, كوكونىستەن جوعارى ءونىم الا باستادىق.
قازىر مەن باسقاراتىن شارۋا قوجالىعىندا ەلۋدەن استام ادام ەڭبەك ەتەدى. جالاقىلارىن ۋاقتىلى تولەپ تۇرامىز. قازاقستاننىڭ سوڭعى جىلداردا قول جەتكەن تابىستارى شىنىندا دا ماقتاۋعا تۇرارلىق. سامميت وتكىزۋ, ەقىۇ-عا توراعالىق ەتۋ, ازيا ويىندارىندا توپ جارۋ كەز كەلگەن دامىعان مەملەكەتتەردىڭ قولىنان كەلە بەرمەيدى. ەلباسىنىڭ ابىرويى ارتىپ, قازىر بۇكىل الەم جۇرتشىلىعى قازاقستاندى تاني باستادى. ەلدەگى تاتۋلىق پەن ىنتىماق, بەيبىتشىلىك باستى قۇندىلىقتارىمىز بولسا كەرەك. الايدا, جات پيعىلدى ادامداردىڭ ەل تىنىشتىعىن بۇزعىسى كەلەتىنى, اركىمدى ويلاندىرۋى كەرەك دەگەن ويدامىن. كەشەگى جاڭاوزەندەگى جاعداي, تەررورلىق ارەكەت جاساعىسى كەلگەندەردىڭ بولۋى سونىڭ ارەكەتى ەمەس پە. ەندەشە, قازاقستاننىڭ گۇلدەنۋى ءۇشىن ارقايسىمىز ۇلەس قوسا بەرەيىك.
تولەگەن ەكىمباەۆ, شارۋا قوجالىعىنىڭ توراعاسى, «قۇرمەت» وردەنىنىڭ يەگەرى. شىعىس قازاقستان وبلىسى.
