ۇلانباتىرداعى جيىنعا قورعانىس ۆەدومستۆولارىنىڭ باسشىلارى سەرگەي شويگۋ مەن نيامااگين ەنحبولد قاتىستى.
بۇعان دەيىن شويگۋ رەسەيدىڭ موڭعوليامەن اسكەري سەرىكتەستىگىن وركەندەتپەك جوسپارىمەن بولىسكەن بولاتىن. سەرىكتەستىك وقۋ-جاتتىعۋ تاجىريبەلەرى مەن اسكەري ءبىلىم بەرۋ شارالارىنىڭ اياسىن كەڭەيتۋگە نەگىزدەلگەن. «موڭعوليانىڭ رەسەي فەدەراتسياسىمەن اسكەري قارىم-قاتىناسىن سىرتقى ساياساتتاعى ماڭىزدى شارالاردىڭ ءبىرى دەپ قاراستىرۋى ءبىز ءۇشىن ماڭىزدى. اسكەري تەحنيكالىق, اسكەري قارىم-قاتىناستاعى تاجىريبەمىزبەن بولىسۋگە تىرىسامىز», دەدى سەرگەي شويگۋ. رەسەي قورعانىس ءمينيسترى موڭعولياعا مەملەكەتتەر اراسىنداعى اسكەري قارىم-قاتىناس ماسەلەلەرىن تالقىلاۋعا كەلگەن بولاتىن. كەزدەسۋ بارىسىندا رەسەي قورعانىس مينيسترلىگىنىڭ اتىنان موڭعولياعا اسكەر جاراقتارىن تابىستاۋ جوسپارلانعان.
