دۇنيە مەن كۇندەلىكتى كۇيبەڭمەن
ۋلاندىرعان اقىل-ويىن, ساناسىن,
ەلدىگىڭە سىن كەلتىرىپ ءبىر دەمدە,
جوننەن شىعىپ, جۇرتىم, قايدا باراسىڭ؟
بار بىلگەنىن جايىپ سالماي ورتاعا,
قاريالار پەيىلدەرى قارايعان,
قاجى بولعان كەيبىر دۇمشە مولدا دا,
جەكە باسقا تىلەۋ تىلەپ قۇدايدان.
كورگەنى كوپ, جول سىلتەيتىن جاستارعا,
اقساقال جوق ءار اۋىلدى باسقارعان.
ءبىر مال شالىپ جاڭا ءىستى باستاردا,
كوپكە ارناپ جايعىزاتىن داستارقان.
سەبەبى ونىڭ ىنتىماقتا,
بولاتىن
بەرەكەسى كوپپەن شەشكەن ءىستىڭ دە.
اكىم-تورە بولسا داعى قوناعىڭ,
دامنەن اتتاپ كەتپەيتۇعىن ەشكىم دە.
ءجونسىز بولسا جاڭا ءىسىڭ باستايتىن,
ءدام ۇستىندە كەلتىرەتىن ىڭعايعا.
ءجون تىڭداۋدان ەشكىم تاعى قاشپايتىن,
شىرقىراتىپ باتسا داعى شىمبايعا.
اداسقاننىڭ ايىبى جوق,
قاتەڭدى
ءوزىڭ تۇزەت, ءوزىڭ ايىق كەسەلدەن.
جونسىزدىكتى ءجون دەگەنىڭ قاتەرلى,
داۋلى جەردە كوگەرمەيدى كوسەگەڭ.
بولە تارتساڭ ىنتىماعىڭ جوعالىپ,
ىرىس كەتەر شەتكە لاعىپ, بەتتەمەي.
ۇلتتىق مۇددە تۇرۋ كەرەك جوعارى,
جەكە توپتىڭ مۇددەسىمەن شەكتەلمەي.
مىرزابەك بەرديەۆ, پوليتسيا كاپيتانى.
