بايراقتى دودادا تۇڭعىش رەت باق سىناعان قاراعاندى وبلىسى كومانداسىنىڭ ساپىندا 10-15 جاس ارالىعىنداعى جەتى وقۋشى ەل نامىسىن قورعادى. ولاردىڭ اراسىندا قالاداعى №38 مەكتەپ-گيمنازيانىڭ وقۋشىلارى جانە «RoboClub» روبوت تەحنيكاسى مەكتەبىنىڭ تاربيەلەنۋشىلەرى بولدى.
قاراعاندىلىق وقۋشىلار «سۋمو» جانە «روبوفۋتبول» اتالىمدارى بويىنشا كۇش سىناسقان بولاتىن. روبوتتار سۋموسى – «لەگو» بولشەكتەرىنەن قۇراستىرىلعان ەكى روبوتتىڭ ءبىر-ءبىرىن بەلگىلەنگەن شەڭبەردەن ىعىستىرىپ شىعارۋى باعدارلامالانعان ءپان. ال «روبوفۋتبولدا» روبوتتاردان قۇرالعان ەكى كوماندا ءوزارا سايىسقا ءتۇستى. ولاردىڭ ماقساتى – بەلگىلەنگەن ۋاقىت ىشىندە قارسىلاس قاقپاعا مەيلىنشە كوپ گول سوعۋ.
وسىمەن ەكىنشى رەت ۇيىمداستىرىلعان چەمپيونات قورىتىندىسىندا «روبوفۋتبول» اتالىمى بويىنشا جۇپتاسىپ ونەر كورسەتكەن داۆيد شۋرالەۆ پەن ستانيسلاۆ بونە, دانيل پينيگين جانە ەۆگەني لۋكيانوۆ, سونداي-اق يليا پوۆەتين مەن دانيل مۋللەروۆتىڭ توبى ۇزدىك شىقتى. قۇرامانىڭ ەڭ جاس مۇشەسى 10 جاسار اندرەي ماشكين «سۋمو» اتالىمىندا قولا مەدالعا قول جەتكىزدى.
قايرات ءابىلدا,
«ەگەمەن قازاقستان»
قاراعاندى
