116 ءۇي جوندەلدى

بۇگىنگى كۇنى ءوزىنىڭ تۇرعىن ءۇي جاعدايىن جاقسارتۋعا ەشكىم كە­ت­ارى ەمەس. ءتىپتى ءاربىر ادام. بىراق, وكىنىشكە وراي, تەك جاقىندا عانا سالىنعاندار بولماسا, قازىرگى ۇيلەردىڭ بارلىعى بىردەي تازالىق پەن كۇتىم جاعىنان العاندا تا­لاپ­قا سايكەس كەلە بەرمەيدى. وسى جاعدايدى تۇزەتۋ ءۇشىن مەملەكەت 2010-2020 جىلدارعا ارنالعان تۇرعىن ءۇي-كوممۋنالدىق شارۋا­شى­لىقت­ى جاڭعىرتۋ باعدارلا­ما­سىن ۇسىنادى. ءيا, ازاماتتار ءومىرىنىڭ ساپا­سىن ايقىندايتىن باستى تالاپ­تار­دىڭ ءبىرى تۇرعىن ءۇيدىڭ تۇر­مىس­قا ساي ءساندى بولۋى ەكەندىگى راس. بۇل جايىندا مەملەكەت باس­شى­سى نۇرسۇلتان نازارباەۆ ءوزى­نىڭ ءار جىل سايىنعى حالىققا ار­ناعان جولداۋلارىندا ايتىپ كەلەدى. «ۇزاق جىلداردان بەرى كوم­مۋنالدىق سەكتور قالدىقتىق قا­عي­دات بويىنشا قارجىلان­دى­رى­لىپ كەلدى. وسىنىڭ سالدارىنان 2008 جىلدىڭ قارساڭىندا كوم­مۋنيكاتسيالاردىڭ 72 پايىزى جوندەۋ مەن اۋىستىرۋدى قاجەت ەتتى. سوندىقتان سۋ, جىلۋ, ەلەكتر, گازبەن جابدىقتاۋ جۇيەلەرىندە كەڭ كولەمدى جاڭعىرتۋ جۇمىس­تارىن جۇرگىزۋىمىز, سونداي-اق تۇر­عىن ءۇي قاتىناسىنىڭ ىقشام دا ءتيىمدى مودەلىن قالىپتاس­تى­رۋىمىز قاجەت», دەگەن بولاتىن ەلباسى 2011 جىلدىڭ 28 قاڭتارى كۇنى. ءسويتىپ, ۇكىمەتكە ەسكىرگەن كوم­مۋنالدىق شارۋاشىلىقتى جاڭ­عىرتۋعا مۇمكىندىك بەرەتىن جاڭا باع­دارلامانى جاساۋدى تاپ­سىر­دى. كوپتەگەن مۇددەلى مەملەكەتتىك ورگانداردىڭ قاتىسۋىمەن ءازىر­لەنگەن بۇل باعدارلاما نەگىزىنەن ءۇش باعىتتان تۇرادى. ونىڭ ءبىرىنشىسى, ۇيلەردى جوندەۋ. بۇعان قاجەتتى قارجى مىنانداي جولدارمەن قاراستىرعان. جۇمىس­تار­دىڭ 30 پايىزىنا بيۋدجەتتەن قار­جى بولىنەدى. قالعان 70 پايى­زى تاريف ەسەبىنەن وتەلەدى. بۇل تاريف بىرقاتار جىلدارعا سوزىلا­تىن­دىقتان ونىڭ اۋىرتپالىعىن ازاماتتار ونشاما سەزىنە قوي­مايدى. ەكىنشى, ءۇشىنشى باعىتتار – بۇل تۇرعىن ۇيلەردى اعىمداعى جانە كۇردەلى جوندەۋ. بۇل ىستە ءۇي­لەردى دۇرىستاپ, بۇتىندەۋ ءنا­تيجەسىندە ەنەرگيالىق قۋات­تار­دىڭ شىعىنى ەداۋىر دارەجەدە ۇنەمدەلەتىن بولادى. اسىرەسە, جىلۋ ماسەلەسىندە. مۇندا اعىم­­داعى جوندەۋگە قارجى كوم­مۋ­نال­دىق كاسىپورىندارعا بيۋد­جەتتەن نەسيە بەرۋ ارقىلى قا­راس­تىرى­لادى. قارجىنىڭ ەكىن­شى بولىگىن مەملەكەت پاتەر يەلەرىنە نەسيە ەسەبىندە بەرەدى. ونى وتەۋ ون جىلعا دەيىن مەرزىمدى قامتيدى. ۇستىمىزدەگى جىلى ۇيلەردى كۇر­دەلى جوندەۋ جۇمىستارى قا­نات­قاقتى نەگىزدە جۇرگىزىلۋدە. وعان ءاربىر قالادان 10 ءۇي ىرىكتەلىپ الىنعان. ەگەر 60 پاتەرلى تۇرعىن ءۇيدى اعىمداعى جوندەۋگە شامامەن العاندا, 10 ميلليون تەڭ­گە قاجەت بولسا, كۇردەلى جوندەۋگە 25-30 ميلليون تەڭگە كەتەدى. مىنە, وسىنداي جولدارمەن بيىلعى جىلدىڭ وزىندە 116 ءۇي جوندەۋدەن وتكىزىلدى.