تاعىلىمدامانىڭ نەگىزگى ماقساتى اسكەري وقۋ ورنىندا اسكەري ماماندىق پاندەرىن وقۋ بارىسىندا العان تەوريالىق بىلىمدەرىن بەكىتۋ, لاۋازىمدىق ارنالىمىنا بايلانىستى تاجىريبە جيناقتاۋ, جەكە قۇراممەن جۇمىس جاساۋ بارىسىندا كومانديرلىك جانە تاربيەلىك ماشىقتار بويىنشا تاجىريبە جيناقتاۋ, پايدالانۋدى ۇيىمداستىرۋ, اسكەري تەحنيكانى جوندەۋ جانە ساقتاۋ بولىپ تابىلادى.
اسكەري بولىمدەردىڭ ۇيىمدىق-شتابتىق قۇرىلىمىمەن تانىسقاننان كەيىن لاۋازىمدىق مىندەتتەرىن, ءبولىم كومانديرلەرىنىڭ بۇيرىقتارىن زەردەلەگەن سوڭ كۋرسانتتار ءوز لاۋازىمدارى بويىنشا مىندەتتەرىن ورىنداۋعا كىرىسۋگە جىبەرىلەدى. ءوز كەزەگىندە, كۋرسانتتار كەلگەن اسكەري بولىمدەردىڭ وفيتسەرلەرى تالىمگەرلەر اسكەري ءبولىمنىڭ نەگىزگى قۇرامىنا كىرىپ, ولارعا جۇكتەلگەن مىندەتتەردى ءساتتى ورىنداۋلارى ءۇشىن بار كۇشتەرىن سالۋدا.
− مەن اسكەري تاعىلىمدامانى اتىراۋ قالاسىنداعى 41433 اسكەري بولىمىندە ءوتىپ جاتقانىما قاتتى قۋانىشتىمىن. ءبىر اي ىشىندە ءبىز ۆزۆود كومانديرى لاۋازىمىن اتقاراتىن بولامىز, سەنىپ تاپسىرىلعان جەكە قۇراممەن تاكتيكا, وق اتۋ جانە دەنە دايىندىعى بويىنشا ساباقتار وتكىزەمىز. اسكەري ءىس جۇرگىزۋدىڭ نەگىزدەرىن وقىپ بىلەمىز. اسكەري ءبولىم باسشىلىعى بىزدەردىڭ ارقايسىسىمىزعا ءبىر جەتەكشى وفيتسەردەن تاعايىندادى, ولار بىزگە اسكەري ومىرمەن تانىسۋعا كومەكتەسىپ, تولىق قولداۋ كورسەتۋدە, دەدى قۇرلىق اسكەرلەرى اسكەري ينستيتۋتىنىڭ 3-كۋرس كۋرسانتى ەراسىل ەرماعامبەتوۆ.
ءبىر قىزىعى, تاعىلىمداماعا كەلگەن كۋرسانتتاردىڭ باسىم بولىگى اسكەري وقۋ ورنىنىڭ اياقتاعان سوڭ, «باتىس» وڭىرلىك قولباسشىلىعىنىڭ اسكەري بولىمدەرىنە تۇسۋلەرىن قالايدى, اسىرەسە تەڭىز جاياۋ اسكەرى مەن بارلاۋ بولىمشەلەرىنە.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
