– ءبىزدىڭ الدىمىزدا ەلباسى قويعان اۋقىمدى مىندەتتەر تۇر. ول مىندەت ەكونوميكالىق وسۋگە, اۋىلشارۋاشىلىعىنداعى ينۆەستيتسيالىق احۋالدى جاقسارتۋعا باعىتتالعان. ول ءۇشىن بىزدە قاجەتتى مۇمكىندىكتەر مەن الەۋەت بار. جولداۋدا مەملەكەت باسشىسى «بيزنەستىڭ جول كارتاسى-2020» باعدارلاماسىن جۇزەگە اسىرۋ ءۇشىن جىل سايىن 30 ميلليارد تەڭگە بولىنەتىنىن ايتىپ, وڭدەۋ ونەركاسىبى مەن شيكىزاتتىق ەمەس ەكسپورتتى قولداۋعا الداعى 3 جىلدا قوسىمشا 500 ميلليارد تەڭگە بولىنەدى دەدى. قازاقستاننىڭ قازىرگى كەزدەگى ەكونوميكالىق ساياساتىنىڭ باستى باعىتى – ەكسپورتقا شىعۋ. ياعني, اۋدانىمىزدا ەگىلگەن ءونىم ءوز ەلىمىزدە عانا ەمەس, شەتەل نارىعىنا دا باعىتتالۋى كەرەك. بۇل باسەكەگە قابىلەتتى بولۋىمىزعا باعدارشام بولادى,- دەدى اۋدان باسشىسى ءوز سوزىندە.
جيىندا ءسوز العان سەرىكتەستىك باسشىسى م.ەسجانوۆ «اۋىل - ەل بەسىگى» جوباسىنان ديحانداردىڭ مول ءۇمىت كۇتىپ وتىرعاندىعىن ايتتى. كەڭەستە ءسوز العان باسقا ازاماتتار دا شاعىن جانە ورتا بيزنەسكە ەلباسىنىڭ ايىرىقشا نازار اۋدارىپ وتىرعاندىعىن, ونى ورىستەتۋگە بارشا مۇمكىندىكتەر جاسالىپ جاتقاندىعىن تىلگە تيەك ەتتى.
باقتيار تايجان,
«ەگەمەن قازاقستان»
قىزىلوردا وبلىسى
