شەكارا قىزمەتىنىڭ شەكارا ايماقتارىندا تۇرعان اسكەري بولىمدەرىندە ەلباسى جولداۋىن قولداۋعا ارنالعان ءىس-شارالار وتكىزىلىپ, جەكە قۇرامعا, سونداي-اق ولاردىڭ جانۇيا مۇشەلەرىنە جان-جاقتى ءتۇسىندىرۋ جۇمىستارى جۇرگىزىلەتىن بولادى. مەملەكەت باسشىسى ءوزىنىڭ 26 جىلدىق تاريحى بار ۇقك شەكارا قىزمەتىنىڭ ماتەريالدىق-تەحنيكالىق بازاسىنىڭ تولىققاندى بولۋىن ءاردايىم نازارىندا ۇستاپ كەلەدى. وسىنداي قامقورلىقتىڭ ناتيجەسىندە ەلىمىزدىڭ ۇلاڭ-عايىر شەكاراسىن قورعاۋعا قاجەتتى قارجى-قاراجات پەن كەرەك-جاراقتار جەتكىلىكتى تۇردە بولىنۋدە. بۇعان قوسا, شەكاراشىلاردىڭ الەۋمەتتىك جاعىنان قورعالۋى دا وزەكتى ماسەلە رەتىندە كۇن تارتىبىنەن تۇسكەن ەمەس.
ەلباسىنىڭ بيىلعى قازان ايىنداعى قازاقستان حالقىنا جولداۋىندا 2019-2021 جىلدار ارالىعىندا اسكەري قىزمەتشىلەر مەن وزگە دە مەملەكەتتىك قىزمەتشىلەردىڭ ەڭبەكاقىسىن 35 پايىزعا كوتەرۋ قاجەتتىلىگىنە توقتالدى.
ايتۋ كەرەك, بۇل – ەلباسى تاراپىنان اسكەري قىزمەتشىلەرگە, ولاردىڭ جانۇيالارى مەن ەلىمىزدىڭ وسكەلەڭ ۇرپاقتارىنا كورسەتىلگەن شىنايى قامقورلىقتىڭ جارقىن بەينەسى.
تاۋەلسىز ەلىمىزدىڭ تۇڭعىش پرەزيدەنتى – ەلباسى ن.نازارباەۆتىڭ ماقساتى قازاقستان حالقىن باسەكەگە قابىلەتتى ۇلتقا اينالدىرۋ. بۇل دەگەنىمىز, ادامداردىڭ دەنساۋلىعى مەن بىلىمىنە, مادەنيەتى مەن كاسىپكەرلىگىنە تىكەلەي بايلانىستى بولماق. تۋعان ەلىنىڭ قاسيەتتى شەبىن كۇزەتىپ جۇرگەن ءاربىر شەكاراشى – وتانىنىڭ پاتريوتى ءوز پرەزيدەنتىنىڭ وزدەرىنە دەگەن شىنايى قامقورلىعىن سەزىنىپ, وسى جولدا قارىمدى قادامداردى ىسكە اسىرا بەرەتىن بولادى.
دارحان ءدىلمانوۆ,
قر ۇقك توراعاسىنىڭ ورىنباسارى,
شەكارا قىزمەتىنىڭ ديرەكتورى
