ونىڭ اشىلۋىنا «قازاقستان ينۆەستيتسياسى قورى» اق باسقارما توراعاسى ەرمەك ساقىشەۆ, «KazFoodProducts» جشس-ءنىڭ باس ديرەكتورى ءاليحان تالعاتبەك, وبلىس اكىمى قۇمار اقساقالوۆ قاتىسىپ, ءسوز سويلەدى.
«Bio operations» ەلىمىز جانە ونىڭ ىشىندە ءوڭىر ءۇشىن ستراتەگيالىق ماڭىزعا يە ءىرى ءوندىرىس وشاعىنا اينالماق. كەلەشەگى وتە زور. العاشقى كەزەڭدە 11 ميلليارد تەڭگە ينۆەستيتسيا قۇيىلدى. تاعى 6 ميلليارد تەڭگە تارتىلماق.جىلىنا 300 مىڭ توننا بيدايدى قالدىقسىز وڭدەي الادى. تەك جەرگىلىكتى شيكىزات قولدانىلادى.
«زاۋىتتا 400 جەرگىلىكتى تۇرعىن ەڭبەكپەن قامتىلاتىن بولادى. 50 مىڭ باسقا شاقتالعان شوشقا كەشەنى دە ءوز جۇمىسىن باستادى. جۋىق ارادا ورتالىق ازياداعى تەڭدەسى جوق ەت كومبيناتى ىسكە قوسىلادى. كومبيناتتىڭ جىلدىق قۋاتتىلىعى –15 مىڭ توننا . مۇندا 1000 ادام جۇمىسقا ورنالاسادى. جەرگىلىكتى قازىناعا جىلىنا 100 ميلليون تەڭگە سالىق تۇسەدى. وسىلايشا ايماقتا كلاستەرلىك جۇيە ورنىعادى», دەدى قۇمار اقساقالوۆ.
كراحمال مەن كلەيكوۆينا شىعاراتىن تسەح ىسكە قوسىلدى. كەلەسى جىلى زاۋىت بيوەتانول وندىرىلە باستايجى. قۇرعاق بيداي وڭدەلىپ, بيوەتانول الىنعان سوڭ قالعان قالدىق مال ازىعىنا جاراتىلادى.
ءاليحان تالعاتبەكتىڭ ايتۋىنشا, ەكولوگيالىق تازا ءونىم ەۋرووداق ەلدەرىنە جونەلتىلەدى. بۇل ماقسات ءۇشىن بىرقاتار كەلىسىم جاسالىپ, نەگىزىنەن ەكسپورتقا باعدارلانىپ وتىر. وتاندىق مۇناي زاۋىتتارىنىڭ ەۋرو-5 بەنزينىن شىعارۋعا كوشكەنىن ەسكەرسەك, وتاندىق بيوەتانولعا سۇرانىس جوعارى بولماق.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
