كولىك كىلتتەرى تاپسىرىلدى

اقجايىق ايماعىن ناعىز سۋلى ولكە دەۋگە بولادى. مۇندا جالپى ۇزىن­دىعى ءۇش مىڭ شاقىرىمعا جۋىق وزەندەر جانە ەكى جۇزدەن استام سۋ ايدىن­دا­رى بار. ءسوز جوق, مۇنداعى بالىق قورىن قورعاۋدا مەملەكەتتىك بالىق ينس­پەك­تسياسىنىڭ ءرولى جوعارى. باتىس قازاقستان وبلىسى اكىمىنىڭ ورىنباسارى ەربول سالىقوۆ اۋىل شارۋاشىلىعى مينيسترلىگى بالىق شارۋاشىلىعى كومي­تەتى توراعاسىنىڭ ۇسىنىسىنا سايكەس ينسپەكتورلارعا جاڭا «ۋاز» اۆتو­كو­لىك­تەرىنىڭ كىلتتەرىن تابىس ەتتى. بۇل زاڭسىز بالىق اۋلاۋشىلارمەن جانە شەت جەر­گە بالىق وتكىزۋشىلەرمەن كۇرەستى كۇشەيتۋ ماقساتىندا بەرىلىپ وتىر, دەدى ول. وسى راسىمدە بەلگىلى بولعانداي, باتىس قازاقستانداعى بالىق ينسپەك­تسياسى ۇجىمىنا قىزمەت كولىگى جيىرما جىلدان بەرى الىنباپتى. مىسالى ورال وڭىرىندەگى كەيبىر وزەن-كولدەردىڭ ارا-قاشىقتىعى بەس ءجۇز شاقى­رىم­عا دەيىن جەتەدى. ارينە وعان بارۋ ءۇشىن ءبىرىنشى كەزەكتە سەنىمدى كولىك كەرەك. مەكەمەدەگى جالعىز ءارى ەسكى «نيۆامەن» وعان ۇلگەرە الاسىڭ با؟ ەندى مۇندا ەكى-ءۇش ينسپەكتورعا ءبىر جاڭا كولىكتەن كەلىپ وتىر. تەمىر قۇسايىن. باتىس قازاقستان وبلىسى.