ءبىز, VI سەزدىڭ قاتىسۋشىلارى – بارشا ادامزاتتىڭ گۇلدەنۋى جولىندا بەيبىتشىلىككە, كەلىسىمگە جانە جاسامپاز ىنتىماقتاستىققا بىرىڭعاي ۇمتىلىسپەن بىرىككەن الەمدىك جانە ءداستۇرلى دىندەردىڭ وكىلدەرى, مەملەكەت باسشىلارى, حالىقارالىق ۇيىمداردىڭ باسشىلارى, قازاقستان رەسپۋبليكاسىنىڭ پرەزيدەنتى, جوعارى مارتەبەلى نۇرسۇلتان نازارباەۆ مىرزاعا ءبىزدىڭ حالىقتارىمىز بەن مەملەكەتتەرىمىز اراسىنداعى بەيبىتشىلىك پەن كەلىسىمگە, ديالوگ پەن قاۋىپسىزدىككە قول جەتكىزۋ ۇدەرىسىنە تەڭدەسسىز ۇلەسى ءۇشىن شەكسىز ريزاشىلىعىمىز بەن العىسىمىزدى بىلدىرە وتىرىپ, بارشا قازاقستان حالقىنا جانە ونىڭ ۇكىمەتىنە ولاردىڭ كىشىپەيىلدىلىگى مەن قوناقجايلىلىعىنا ءوزىمىزدىڭ شەكسىز قوشەمەتىمىز بەن قۇرمەتىمىزدى كۋالاندىرا وتىرىپ, بولاشاق ۇرپاق ءۇشىن جانجالسىز كەلەشەك قۇرۋ جولىندا وركەنيەتتەر مەن دىندەر اراسىنداعى بىتىمگەرلىك ديالوگتى دامىتۋ مەن العا جىلجىتۋداعى قازاقستان رەسپۋبليكاسىنىڭ بىرەگەي ۇلەسىن مويىنداي وتىرىپ, وركەنيەتارالىق جانە دىنارالىق ديالوگتى دامىتۋ مەن نىعايتۋ ءۇشىن الەمدىك جانە ءداستۇرلى دىندەر ليدەرلەرى سەزىنىڭ ىرگەلى ءرولىن بىرەگەي جاھاندىق پلاتفورما رەتىندە قوشەمەتتەي وتىرىپ, الەمدىك جانە ءداستۇرلى دىندەر ليدەرلەرىنىڭ بەس سەزىنىڭ ناتيجەسى بويىنشا ايتىلعان الدىڭعى مالىمدەمەلەردىڭ رۋحىنا ادال بولا وتىرىپ, پلانەتامىزدىڭ ءدىني جانە مادەني ءار الۋاندىعىن ادامزات وركەنيەتىنىڭ ۇلى مۇراسى رەتىندە ساقتاۋدىڭ ماڭىزدىلىعىن راستاي وتىرىپ, الەمدىك جانە ءداستۇرلى دىندەر ليدەرلەرىنىڭ ديالوگ پەن ءپوزيتيۆتى گۋمانيستىك قۇندىلىقتاردى ناسيحاتتاۋ ارقىلى حالىقتار مەن مەملەكەتتەردىڭ بەيبىت قاتار ءومىر ءسۇرۋىن ىلگەرىلەتۋگە مۇددەلى مەملەكەتتىك جانە قوعامدىق ينستيتۋتتارمەن ىنتىماقتاستىعىنىڭ ماڭىزدىلىعىن اتاپ كورسەتە وتىرىپ, مەملەكەتتەر, قوعام جانە حالىقتار اراسىنداعى بەيبىتشىلىك پەن ءوزارا تۇسىنىستىك يدەيالارىن ىلگەرىلەتۋ مەن ناسيحاتتاۋ سالاسىنداعى ۇكىمەتتەردىڭ, سونداي-اق ۇكىمەتتىك جانە ۇكىمەتتىك ەمەس, ۇلتتىق جانە حالىقارالىق ۇيىمداردىڭ, بۇقارالىق اقپارات قۇرالدارىنىڭ ايرىقشا ءرولىن بەلگىلەي وتىرىپ, الەمدىك وركەنيەتتىڭ امبەباپ تىرەگى بولاتىن كوپكونفەسسيالىق قوعامنىڭ بەيبىت قاتار ءومىر ءسۇرۋى مەن ءوزارا ءىس-قيمىلىنىڭ بىرەگەي تاريحي ۇلگىلەرىنە سۇيەنە وتىرىپ, ءدىني, ەتنوستىق, مادەني جانە لينگۆيستيكالىق ايىرماشىلىق نەگىزىندەگى شەتتەتۋدى, توزىمسىزدىكتى, كەمسىتۋشىلىكتى, جانجالداردى جانە قايشىلىقتاردى ەڭسەرۋ جولىنداعى ىنتىماقتاستىقتىڭ رۋحاني باعدارىنان تايماۋدىڭ ماڭىزدىلىعىنا ايرىقشا ءمان بەرە وتىرىپ, يگى ىستەردىڭ, قايىرىمدىلىققا قىزمەت ەتۋدىڭ, بەيبىتشىلىك پەن ادىلدىك يدەيالارىنا بەرىلگەندىكتىڭ حالىقتار مەن مەملەكەتتەرگە اسكەري تەكەتىرەستەرگە قاراعاندا الدەقايدا كوپ پايدا اكەلۋى مۇمكىن ەكەنىن تۇسىنە وتىرىپ, پلانەتانىڭ ءتۇرلى وڭىرلەرىندەگى اسكەري جانجالدار مەن ناقاق قانتوگىستەردى شۇعىل رەتتەۋگە جانە تۇبەگەيلى شەشۋگە باعىتتالعان ساياسي ليدەرلەردىڭ جىگەرىن قولداي وتىرىپ, حالىقارالىق تەرروريستىك ۇيىمدار تاراپىنان جالعاسىپ وتىرعان دورەكى, جۇيەلى جانە ادام قۇقىقتارىنا جاپپاي نۇقسان كەلتىرۋ مەن حالىقارالىق گۋمانيتارلىق قۇقىق نورمالارىن بۇزۋدى جانە/نەمەسە ءتۇرلى دىندەرگە سەنۋشىلەر اراسىنداعى جانە سول ءبىر سەنىمگە نانۋشىلار اراسىنداعى ءوزارا سەنىم مەن ءوزارا ءىس-قيمىلدى بۇزاتىن تەرروريزمگە قولداۋ كورسەتۋدى بارىنشا قاتاڭ تۇردە سىنعا الا وتىرىپ, ءدىندى ساياسي جانجالداردا ءارتۇرلى تەرىس پايدالانۋدان, وزىمشىلدىك پەن توزىمسىزدىك بىلدىرۋدەن, اگرەسسياشىل ۇلتشىلدىقتان جانە ەرەكشەلەنۋگە ۇمتىلۋدان باس تارتا وتىرىپ, شەتەلدىك جاۋىنگەر-تەرروريستەردىڭ ورالۋ جانە ورىن اۋىستىرۋ پروبلەمالارىن بارلىق مەملەكەتتەردىڭ حالىقارالىق تەرروريزممەن جانە ءدىني ەكسترەميزممەن كۇرەسىندەگى كەلەسى جاھاندىق قاتەر رەتىندە ەسكەرە وتىرىپ, جوعارى ەتيكا نورمالارىنىڭ ۇستەمدىك قۇرۋىنا, ۇمتىلىستارىمىزدىڭ ورتاقتىعىنا, تۇراقتىلىق, بارلىق ادامداردىڭ سالاماتتىلىعى, قاۋىپسىزدىگى ماقساتىندا ءوزارا سەنىم مەن ءوزارا قۇرمەت كورسەتۋگە بەيىلدىلىكتى راستاي وتىرىپ, الەمدىك جانە ءداستۇرلى دىندەر ليدەرلەرى سەزىنىڭ قازاقستان رەسپۋبليكاسىنىڭ ەلورداسى استانا قالاسىندا شاقىرىلۋىن جالعاستىرۋ نيەتىن قولداي وتىرىپ,
مىنالارعا:
1) الەمدىك جانە ءداستۇرلى دىندەر ليدەرلەرىنىڭ ۇزاق مەرزىمدى تۇراقتىلىققا قول جەتكىزۋ جانە وشپەندىلىك پەن توزبەۋشىلىكتەن تۋىندايتىن زورلىق-زومبىلىق وقيعالارىن بولعىزباۋ جونىندەگى اسا بەلسەندى كۇش-جىگەر سالۋعا تارتىلۋىنا بارىنشا جاردەمدەسۋگە,
2) الەمدەگى قاۋىپسىزدىكتى تولىق فورماتتى قامتاماسىز ەتۋگە باعىتتالعان ومىرلىك ماڭىزى بار ۇسىنىمدار مەن باعدارلامالاردى تابىستى جۇزەگە اسىرۋ ءۇشىن نەگىزگى يدەيا رەتىندە ءدىني ليدەرلەردىڭ حالىقارالىق ينستيتۋتتارمەن, ۇكىمەتتەرمەن جانە قوعامدىق ينستيتۋتتارمەن ىنتىماقتاستىعىن نىعايتۋعا,
3) ناسىلىنە, دىنىنە, نانىمىنا, تىلىنە جانە جىنىسىنا قاراماستان, بارلىق قوعامدار مەن حالىقتارعا بەيبىت ومىرگە اجىراماس قۇقىقتى يەلەنۋگە بارىنشا جاردەمدەسۋگە,
4) ناسىلدىك, تىلدىك, ءدىني, ۇلتتىق, ەتنوستىق نەمەسە الەۋمەتتىك شىعۋ تەگىنە, م ۇلىكتىك, جىكتىك نەمەسە وزگە دە جاعدايىنا قاراماستان, بارلىق ازاماتتاردىڭ تەڭ قۇقىقتارى مەن بوستاندىقتارىن قۇرمەتتەۋگە جانە ءبىر-بىرىمىزبەن باۋىرلاستىق رۋحىنداعى قارىم-قاتىناستا بولۋعا,
5) حالىقارالىق قوعامداستىقتىڭ ءادىل جانە تارتىسسىز الەمدىك احۋالدى قۇرۋ جونىندەگى قىزمەتىنىڭ نەگىزگى ءارى اجىراماس باعىتتارىنىڭ ءبىرى رەتىندە دىنارالىق جانە كونفەسسياارالىق ديالوگتى نىعايتۋ سالاسىنداعى كۇش-جىگەردى تانۋ جونىندەگى باستامالاردى قولداۋعا,
6) ەكسترەميستەر مەن تەرروريستەر تاراپىنان قۇقىقتارىنا شەكتەۋ قويىلعان جانە زورلىق-زومبىلىققا ۇشىراعان بارلىق ءدىني توپتار مەن ەتنوستىق قاۋىمدارعا نيەتتەستىك بىلدىرۋگە,
7) بوسقىنداردى, ولاردىڭ قۇقىقتارى مەن ار-نامىسىن قورعاۋعا باعىتتالعان كۇش-جىگەرگە قولداۋ كورسەتۋگە, سونداي-اق ولارعا بارلىق قاجەتتى كومەكتى كورسەتۋگە,
8) ساياسي قايراتكەرلەردى جانە الەمدىك باق-تى تەرروريزمدى دىنمەن تەڭدەستىرۋ پراكتيكاسىن توقتاتۋعا شاقىرۋعا, ويتكەنى بۇل يدەيالار ءبىزدىڭ دىندەرىمىزدىڭ بولمىسىنا جانە ولاردىڭ بەيبىت قاتار ءومىر سۇرۋىنە زيان كەلتىرەدى, ءبىر عانا دىنگە جانە ءارتۇرلى دىندەرگە ەرۋشىلەر اراسىنداعى ءوزارا سەنىم مەن ءوزارا ءىس-قيمىلعا زالال كەلتىرەدى,
9) الەمدىك قوعامداستىقتىڭ پروگرەسسيۆتى بولىگىنىڭ قوعامدى ءدىني, ناسىلدىك نە ەتنوستىق قاعيداتتار بويىنشا ءبولۋ ارەكەتتەرىنىڭ جولىن كەسۋ جونىندەگى كۇش-جىگەرىن قولداۋعا,
10) ءدىني ليدەرلەردى باق-تا, الەۋمەتتىك جەلىلەردە جانە قوعامدىق جينالىستاردا بەيبىتشىلىك, ءوزارا تۇسىنىستىك جانە تولەرانتتىق قۇندىلىقتارىن ىلگەرىلەتۋگە شاقىرۋعا, سونداي-اق بارلىق دىندەر ءۇشىن قاسيەتتى جەرلەردە ارانداتۋشىلىقتاردى جانە زورلىق-زومبىلىقتى بولعىزباۋ جونىندەگى بارلىق كۇش-جىگەردى سالۋعا,
11) بارلىق دىندەردىڭ قۇلشىلىق ەتۋ ورىندارىندا جانە قاسيەتتى جەرلەردە, ونىڭ ىشىندە بارلىق اۆراامدىق دىندەر وكىلدەرى ءۇشىن قاسيەتتى جەر سانالاتىن يەرۋساليمدە ارانداتۋلاردى جانە زورلىق-زومبىلىقتى بولدىرماۋ ءۇشىن بۇكىل كۇش-جىگەردى سالۋعا,
12) وركەنيەتارالىق دىنارالىق جانە مادەنيەتارالىق ديالوگتى ءادىل, بەيبىت ءارى جاۋاپتى ازاماتتىق قوعامدى قۇرۋدىڭ ەڭ جاقسى ءتاسىلى رەتىندە قاراستىراتىن باستامالار مەن ينستيتۋتتاردى ىلگەرىلەتۋگە,
13) قازاقستان رەسپۋبليكاسى تۇڭعىش پرەزيدەنتىنىڭ بەيبىتشىلىك پەن كەلىسىم جولىنداعى جاھاندىق ءوزارا ءىس-قيمىل پروتسەسىنە قوسقان ايرىقشا ۇلەسىن تانۋدىڭ بەلگىسى رەتىندە «كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعىن» قۇرۋدى قولداۋعا,
14) تەرروريستىك جانە ەكسترەميستىك ۇيىمداردىڭ يدەولوگيالارىن تاراتۋ ءۇشىن نەگىز رەتىندە ءدىني ىلىمدەردى بولشەكتەۋدى جانە ءدىني قۇندىلىقتاردى ديففاماتسيالاۋدى تەرىسكە شىعارۋعا,
15) الەم قۇرىلىسىنىڭ, ءارتۇرلى دىندەردى ۇستانۋشىلار اراسىنداعى ءوزارا تۇسىنىستىكتى نىعايتۋدىڭ, الەمدىك جانە ءداستۇرلى دىندەر اراسىندا بولىپ تۇراتىن شيەلەنىستەردى شەشۋدىڭ داستۇرلەرىن كوتەرمەلەۋگە جانە ولاردى ءىس جۇزىندە قولدانۋعا,
16) ءوز ءدىنىمىزدىڭ وكىلدەرى اراسىندا بارلىق كونفەسسيا وكىلدەرىمەن بەيبىت قاتار ءومىر ءسۇرۋدىڭ قاجەتتىلىگى مەن ماڭىزدىلىعى تۋرالى يدەيانى ىلگەرىلەتۋگە,
17) وڭالتۋ جانە دەراديكاليزاتسيالاۋ باعدارلامالارى شەڭبەرىندە ءوز ەلدەرىنە قايتا ورالعان شەتەلدىك سودىر تەرروريستەرگە قاتىستى ءتيىمدى شارالار ازىرلەۋگە جاردەمدەسۋگە جانە قاتىسۋعا,
18) ۇلتتىق, ءدىني جانە حالىقارالىق دەڭگەيلەردە دىنارالىق ديالوگتى, ءوزارا قۇرمەتپەن قاراۋدى جانە ۇيلەسىمدى نىعايتا تۇسۋگە ىقپال ەتۋگە,
19) ادام مەن ادامنىڭ قاتار ءومىر ءسۇرۋىنىڭ ەڭ ماڭىزدى نەگىزى رەتىندە ءارتۇرلى وركەنيەتتەر مەن دىندەردىڭ جاقىنداسۋىنا ىقپال ەتۋگە,
20) مەملەكەتتەرگە جانە ساياسي ليدەرلەرگە ءدىني ەكسترەميزمنىڭ جانە حالىقارالىق تەرروريزمنىڭ تۋىنداۋىنىڭ قاينار كوزدەرى مەن نەگىزگى سەبەپتەرىن تالداۋدا جانە زەرتتەۋدە جاردەم كورسەتۋگە,
21) جاستاردىڭ راديكاليزمگە بەت بۇرۋىن بولعىزباۋ ماقساتىندا ۇكىمەتتەردى ولارمەن جۇمىس جۇرگىزۋدى جانداندىرۋعا شاقىرۋعا,
22) بەدەلدى ءدىني ليدەرلەردىڭ سوزدەرى عانا ء«دىن پىكىرى» رەتىندە قابىلداناتىنداي پوزيتسيانى انىق ۇستانۋعا,
23) الەمدىك جانە ءداستۇرلى دىندەر ليدەرلەرىنىڭ VII سەزىن 2021 جىلى قازاقستان رەسپۋبليكاسى, استانا قالاسىندا وتكىزۋگە
ءازىر ەكەندىگىمىز جونىندە مالىمدەيمىز.
ءبىز بارشا ادال نيەتى مەن سەنىمى بار ادامداردى وسىنداي كۇردەلى كەزەڭدە بىرىگۋگە جانە عالامشارىمىزدا بەيبىتشىلىك پەن كەلىسىمدى قامتاماسىز ەتۋگە ءوزىنىڭ جاۋاپكەرشىلىك ۇلەسىن قوسۋعا شاقىرامىز.
قازاقستان رەسپۋبليكاسى, استانا قالاسى,
2018 جىلعى 11 قازان
