عىلىمي جۇمىستىڭ حالىققا جول تارتۋىنا عالىمنىڭ ءومىرىنىڭ سوڭعى جىلدارىندا قىزمەتتەس بولعان ارىپتەستەرى سەپتىگىن تيگىزگەن. بۇل جۇمىس اقپارات پەن قارا قۇردىمنىڭ بايلانىسى تۋرالى. ناقتى ايتار بولساق, ەڭبەك تەوريالىق فيزيكاداعى «اقپاراتتىق پارادوكس» تۇسىنىگىنە ارنالعان.
مالكولم پەرري كەمبريدج ۋنيۆەرسيتەتىنىڭ تەوريالىق فيزيكا ءبولىمىنىڭ پروفەسسورى, «قارا قۇردىم ەنتروپياسى» ماقالاسىنىڭ اۆتورى ستيۆەن حوكينگتىڭ ءوزى «اقپاراتتىق پارادوكستى» 40 جىل بويى باسىنان كەشىرگەنىن ايتادى.
بۇل ەڭبەك حوكينگ دۇنيەدەن وتپەس بۇرىن ناۋرىز ايىندا اياقتالعان. سوڭعى جۇمىستارى مەن باسپا ءىسىن كەمبريدج بەن گارۆارد ۋنيۆەرسيتەتتەرىنىڭ پروفەسسورلارى ساشا حاكو, مالكولم پەرري, ەندريۋ سترومينگەر تامامدادى. عىلىمي ەڭبەك كورنەل ۋنيۆەرسيتەتىنىڭ ونلاين-كىتاپحاناسىندا جاريالانعان.
