سۋرەتتى تۇسىرگەن:رۋفينا تورپيششەۆا
وقۋ ورنىندا وتكەن جارمەڭكەگە كەلگەندەر وبلىس ورتالىعىنداعى جەكە كاسىپورىندار-كونديتەرلەردىڭ تاتتىلەرىن, قولونەر شەبەرلەرىنىڭ تۋىندىلارىن ساتىپ الۋ مۇمكىندىگىنە يە بولدى. شارا بارىسىندا ءتۇرلى تاقىرىپتارداعى ادەبي كىتاپتاردى ساتۋ, قاجەت ەتكەندەرگە حنامەن سۋرەت سالۋ قىزمەتى دە كورسەتىلدى.
اۋتيست بالالاردىڭ قولداۋ قايىرىمدىلىق جارمەڭكەسىنە دەمەۋشىلەر رەتىندە 14 كاسىپورىن قاتىستى. ولاردىڭ قاتارىندا سۇلۋلىق سالوندارى, دۇكەندەر, كيىم-كەشەك ساتۋمەن اينالىساتىن بيزنەس وكىلدەرى كەلدى.
وبلىس ورتالىعىندا قازىر اۋتيزم اۋرۋىنا شالدىققان بالالارعا ارنالعان ارنايى وڭالتۋ ورتالىعى جۇمىس جاساۋدا. ورتالىقتا «اۋتيست-بالالار اتا-انالارىنىڭ اسسوتسياتسياسى» جانە «التىن باتا» قوعامدىق قورى» ۇكىمەتتىك ەمەس ۇيىمدارى اۋتيست-بالالاردى جانە ولاردىڭ وتباسىلارىن وڭالتۋ مەن الەۋمەتتەندىرۋ سالاسىندا قىزمەت اتقارادى.
اۋتيست دەگەن مي قىزمەتىنىڭ بۇزىلۋ دەرتىنە شالدىققان بالالار. ولار جاڭادان اشىلعان ورتالىقتا ارتيكۋلياتسيالىق جاتتىعۋمەن وقىتىلۋدا. وڭىردەن بۇنداي دەرتكە شالدىققان 2 مىڭداي بالا بار.
-ارينە, ءبىز ءبىر كۇنگى جارمەڭكە وتكىزۋمەن بالالاردىڭ ماسەلەسىن تولىق شەشۋ قولدان كەلمەسە دە, بۇل بالالار جايلى جۇرتشىلىق ءبىلۋ كەرەك دەپ ويلايمىز. ءبارىمىز حاباردار بولساق, قوعام دا, ورتا دا قايىرىمدى بولارى ءسوزسىز. اركىم ءوز ۇلەسىن قوسا الادى,- دەيدى «La vie دوبرو» ەرىكتىلەر وتريادىنىڭ جەتەكشىسى كارينا زاكارينا.
جارمەڭكە قاتىسۋشىلارى اراسىندا ۇتىس ويىنى ۇيىمداستىرىلدى. جەڭىمپازدارعا ءتىل كۋرستارى, فوتوسەسسياعا ارنالعان سەرتيفيكاتتار سياقتى سىيلىقتار تابىستالدى.
شارانىڭ ناتيجەسىندە 100 مىڭ تەڭگە جينالدى. قاراجات اۋتيست-بالالاردى وڭالتۋعا جۇمسالادى.
فاريدا بىقاي,
«ەگەمەن قازاقستان»
پاۆلودار
