قازاقستان • 11 قازان، 2018

ق. ءابدىراحمانوۆ ماجارستان سىرتقى ىستەر مينيسترىمەن جانە بۇۇ ەەك اتقارۋشى حاتشىسىمەن كەزدەستى

162 رەتكورسەتىلدى

سىرتقى ىستەر ءمينيسترى قايرات ءابدىراحمانوۆ ماجارستاننىڭ سىرتقى ىستەر جانە ساۋدا ءمينيسترى پەتەر سييارتومەن جانە بۇۇ ەۋروپالىق ەكونوميكالىق كوميسسياسىنىڭ (ەەك) اتقارۋشى حاتشىسى ولگا الگاەروۆامەن كەزدەستى.

مارتەبەلى قوناقتار قازاقستانعا ترانسشەكارالىق اعىن سۋلار مەن حالىقارالىق كولدەردى قورعاۋ جانە پايدالانۋ تۋرالى كونۆەنتسيانىڭ تاراپتارى كەڭەسىنىڭ 8-ءشى سەسسياسىنا قاتىسۋ ءۇشىن كەلدى.

قازاقستان مەن ماجارستان وسى ماڭىزدى حالىقارالىق شارانىڭ نەگىزگى قاتىسۋشىلارى بولا وتىرىپ، ءبىزدىڭ ەلىمىز اتالعان كوميسسيادا الداعى 3 جىلعا (2019 – 2021 جىلدارى) ماجارستاننان توراعالىقتى قابىلداپ الۋدا.

ق. ءابدىراحمانوۆتىڭ ايتۋىنشا، استاناداعى كەزدەسۋ ازيا ايماعىنداعى سۋ كونۆەنتسياسى تاراپتارىنىڭ ءبىرىنشى وتىرىسى بولىپ تابىلادى. «ترانسشەكارالىق ىنتىماقتاستىق ءبىزدىڭ ەلىمىز ءۇشىن اسا ماڭىزدى. ول كەشەندى، بىرىكتىرىلگەن جانە ستراتەگيالىق ءتاسىلدى تالاپ ەتەدى»، - دەدى قازاقستان ءسىم باسشىسى.

سۇحباتتاستار سونداي-اق ەكى ەل اراسىنداعى ەكىجاقتى جانە كوپجاقتى فورماتتاعى ءوزارا ارەكەتتەستىك ستراتەگيالىق سەرىكتەستىكتىڭ سيپاتىنا نەگىزدەلگەن ءىس-قيمىلدىڭ بارلىق نەگىزگى اسپەكتىلەرىن تالقىلادى. مينيسترلەر ورتاق پىكىردە باسىمدىققا يە ساۋدا-ەكونوميكالىق ىنتىماقتاستىقتى دامىتۋدىڭ وڭدى ەكەنىن اتاپ ءوتتى. ەكونوميكالىق ىنتىماقتاستىق جونىندەگى ۇكىمەتارالىق كوميسسيا، ىسكەرلىك جانە ستراتەگيالىق كەڭەستەر ءساتتى جۇمىس ىستەپ كەلەدى، استانادا «ماجارستان ساۋدا ءۇيى» اشىلدى، ەكونوميكا سالاسىندا قاجەتتى شارت-قۇقىقتىق بازا قۇرىلعان، ەكى ەل استانالارى اراسىندا تىكەلەي اۋەقاتىناس اشىلدى. ماجارستان جىل سايىن قازاقستان ازاماتتارىنا 200 ءبىلىم بەرۋ گرانتىن ءبولىپ تۇرادى جانە ولاردىڭ سانىن 250-گە دەيىن وسىرمەكشى. ماجارستاننىڭ ۇكىمەتى وتكەن ايدا شولپان-اتاداعى تۇركى كەڭەسىنىڭ ءسامميتى بارىسىندا باقىلاۋشى بولىپ، ۇيىممەن بايلانىستاردى تەرەڭدەتۋ باعىتىندا بىرقاتار قادامدار جاساۋدى كوزدەپ وتىر.

و. الگاەروۆامەن كەزدەسۋ بارىسىندا سۋ، ەكولوگيالىق، ەنەرگەتيكالىق جانە ازىق-ت ۇلىك قاۋىپسىزدىگىن قامتاماسىز ەتۋ ماسەلەلەرى تالقىلانىپ، بۇۇ-نىڭ تۇراقتى دامۋ ماقساتتارىن ىسكە اسىرۋدىڭ ماڭىزدىلىعى اتاپ ءوتىلدى.

بۇل تۇرعىدا، ءسىم باسشىسى قازاقستان حالىقارالىق قۇقىققا نەگىزدەلە وتىرىپ، كونۆەنتسيانى جۇزەگە اسىرۋ بويىنشا بەلسەندى جۇمىس اتقارىپ جاتقانىن اتاپ ءوتتى. قازاقستان بۇۇ ەەك-پەن ىنتىماقتاستىقتى دامىتۋعا ۇلكەن ءمان بەرەدى جانە ەنەرگەتيكا، كولىك، ساۋدا، قورشاعان ورتانى قورعاۋ، ستاندارتتار، سونداي-اق «جاسىل» تەحنولوگيالاردى پايدالانۋ سياقتى سالالاردا ىنتىماقتاستىقتى نىعايتۋدا كوميسسيا ءرولى مەن ۇلەسىن جوعارى باعالايدى. تاراپتار ورتالىق ازياداعى جان-جاقتى ىنتىماقتاستىقتى تەرەڭدەتۋ مەن كەڭەيتۋدىڭ ەرەكشە وزەكتىلىگى بويىنشا كەلىستى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار