حالىقارالىق مادەنيەتتەر مەن دىندەر ورتالىعىنىڭ ديرەكتورى ايدار ءابۋوۆ مەيماندارعا ارناعان سوزىندە حالىقارالىق يادرولىق سىناقتارعا قارسى ءىس-قيمىل كۇنى اشىلعان «بەيبىتشىلىك قابىرعاسى» قازاقستاننىڭ يادرولىق پوليگوندى جاپقانىن عانا ەمەس, ءتورتىنشى يادرولىق الەۋەتتەن باس تارتقانىن ايعاقتايتىنىن ەسكە سالدى. مونۋمەنت تاريحتاعى قايعىلى وقيعالاردىڭ زارداپتارىن ۇمىتپاي, جەر جۇزىندەگى بەيبىتشىلىك پەن ىنتىماقتى قاستەرلەۋگە ۇندەيدى.
پرەزيدەنت نۇرسۇلتان نازارباەۆتىڭ يادرولىق قارۋعا قارسى «الەم. ءححى عاسىر» مانيفەسىنىڭ يدەياسى جوبانىڭ نەگىزىنە اينالعان بولاتىن. مانيفەستىڭ يدەيالىق مازمۇنى الەمدىك جانە ءداستۇرلى دىندەر ليدەرلەرى سەزىنىڭ سەكتسيالىق العاشقى وتىرىسىنىڭ نەگىزگى تاقىرىبى بولىپ تابىلادى.
جينالعاندارعا ارناپ قازاقستان مۇسىلماندارى ءدىني باسقارماسىنىڭ باسشىسى سەرىكباي قاجى وراز دا ء سوز سويلەدى.
مۇسىلمان, بىرقاتار حريستيان كونفەسسيالارىنىڭ, بۋدديزم, داوسيزم, زورواستريزم جانە باسقا دا ءدىني نانىمداردىڭ وكىلدەرى بار ءدىني ليدەرلەر سەزىنىڭ دەلەگاتتارى جەر جۇزىندەگى بەيبىتشىلىك ءۇشىن ءمىناجات ەتتى.
