ەۋرووداق سامميتىنە دەيىن ەكى تاراپ ورتاق كەلىسىمگە كەلەدى دەگەن بولجام بار. ەۋروپا وداعىنىڭ ىشكى ساۋدا كوميسسارى ميشەل بارنە دە مۇنى راستاپ وتىر. ءوز حابارلاماسىندا بارنە: « ۇلىبريتانيا كەلىسىمنىڭ 168 ءبولىمى مەن گيبرالتار, كيپر, يرلانديا حاتتاماسىنىڭ 80-85%-مەن كەلىستى», دەدى.
دەگەنمەن, باستى ماسەلە – يرلانديا مەن سولتۇستىك يرلانديا شەكاراسى. ويتكەنى, ەكى جاق ورتاق مامىلەگە كەلمەدى. تىعىرىقتان شىعۋ ءۇشىن ۇلىبريتانيادان يمپورتتالعان تاۋارلاردى كەدەندىك باقىلاۋدان وتكىزۋ شاراسى ۇسىنىلدى. الايدا, بۇنى اعىلشىندار مەملەكەتتىڭ ەگەمەندىگىنە قول سۇعۋ دەپ قابىلداۋدا.
سولتۇستىك يرلانديا حالقى بريتانيا پرەمەر-ءمينيسترى تەرەزا مەي بريۋسسەلگە مۇنداي مۇمكىندىك بەرسە, كونسەرۆاتورلارمەن بىرىككەن ساياسي وداقتى بۇزىپ, مەملەكەتتىك بيۋدجەت جوباسىنا قارسى داۋىس جينايتىنىن ايتتى. بۇل ءوز كەزەگىندە مەملەكەتتى داعدارىسقا الىپ كەلۋى مۇمكىن.
ەستەرىڭىزگە سالساق, الداعى اپتا ەۋروپا وداعىنىڭ ءسامميتى بولادى. سامميت بارىسىندا لوندون مەن بريۋسسەل كەلىسىمى تالقىلانباق.
