ۇنەمدەۋ يگىلىككە باستايدى
ەگەمەن ەلىمىزدىڭ تۇراقتى دامۋىن قامتيتىن, بارلىق سالاعا تىڭ سەرپىن بەرەتىن, حالقىمىزدىڭ يگىلىگىن كوزدەيتىن شىنايى ءىس-جوسپارعا قۇرىلعان تاريحي قۇجاتتا كۇردەلى كەزەڭدە بولىنەتىن ءاربىر تەڭگەنىڭ قايتارىمىنىڭ مول بولۋىنا قول جەتكىزۋ كەرەكتىگى ايتىلدى. جۇكتەلگەن ىسكە جاۋاپكەرشىلىك تانىتساق, بيۋدجەتتىڭ جۇزدەگەن ميلليارد تەڭگەسىن ۇنەمدەپ, تۇرعىنداردىڭ ناقتى قاجەتىنە باعىتتاۋعا بولاتىنى دا ەسكەرتىلدى. سونداي-اق جولداۋدا ەلباسى ۇكىمەتكە ءتيىمسىز ءارى ۋاقتىلى ەمەس شىعىنداردى بولدىرماي, شىعىستاردى وڭتايلاندىرىپ, قاراجاتتى ۇنەمدەۋ ءۇشىن جۇيەلى شارالار قابىلداۋدى تاپسىردى.
وسى ورايدا ۇكىمەتكە ەكى ۇسىنىس ايتۋعا بولادى. مەملەكەت باسشىسى تۇركىستاننىڭ ەرتەڭگى ءوسىپ-وركەندەۋىنە ەرەكشە ءمان بەرىپ وتىر. ءوڭىر تۇرعىندارىنىڭ وبلىستى كوركەيتۋ ماقساتىندا جاساعان ەلباسىنىڭ قامقورلىعى ءۇشىن ريزاشىلىعىن دا جەتكىزە كەتەيىن. قالانى كوركەيتۋ ماقساتىندا ناقتى تاپسىرمالار بەرىلىپ, جوسپارلار جاسالۋدا. مىسالى, مەملەكەت باسشىسىنىڭ توراعالىعىمەن وتكەن تۇركىستان وبلىسىن دامىتۋعا قاتىستى القالى جيىندا بىرقاتار كومپانيا قاجەتتى نىسانداردى سالۋعا ۋادە ەتسە, «قازاتومپروم» ۇلتتىق كومپانياسى وبلىسقا قارجىلاي كومەك كورسەتۋگە دايار ەكەنىن ءبىلدىردى. كومەك ارينە قاجەت. دەگەنمەن بىرمەزەتتىك بولماعانىن قالار ەدىك. كومپانياعا قاراستى ءوندىرىستىڭ 75-80 پروتسەنتى تۇركىستان وبلىسىنىڭ سوزاق, وتىرار جانە قىزىلوردا وبلىسىنىڭ شيەلى, جاڭاقورعان اۋداندارى اۋماعىندا. ياعني ءارى كەتسە تۇركىستاننان 150 شاقىرىم قاشىقتىقتا. ەگەر ۇلتتىق كومپانيا ءوزىنىڭ باس كەڭسەسى عيماراتىن تۇركىستاندا ستاندارتقا ساي سالىپ, كوشىپ كەلسە بارلىق جاعىنان ءتيىمدى بولار ەدى. جۇمىسىنىڭ العا قاراي ورىستەۋىنە سەپتىگى تيەدى, ءوندىرىستىڭ ءونىمدى جۇمىس ىستەۋىنە تىكەلەي باسشىلىق ەتە الادى. ەڭ باستىسى جىل سايىن تۇسەتىن قوماقتى سالىق تۇركىستان وبلىسىنىڭ, قالانىڭ كوركەيۋىنە ۇلكەن كومەك بولار ەدى.
ەكىنشى ۇسىنىسىم, قازىر جوسپارلانىپ جاتقان تۇركىستانعا اەروپورت سالۋ ماسەلەسىنە قاتىستى بولىپ وتىر. دۇرىس, اۋەجاي وتە قاجەت نىسان. شىمكەنت قالاسى دا قازىرگى اۋەجايدا جاڭا جولاۋشىلار تەرمينالىنىڭ قۇرىلىسىن جۇزەگە اسىرماق. «سكات» əۋەكومپانياسى» جەكە ينۆەستور رەتىندە جاڭا تەرمينالدى ءوز ەسەبىنەن سالۋعا قىزىعۋشىلىق تانىتىپ وتىر ەكەن. ينۆەستيتسيا كولەمى 50 ملن اقش دوللارىن قۇرايدى. وسى ورايدا ەكى جوبانى قوسىپ, شىمكەنت پەن تۇركىستاننىڭ ورتاسىنان ۇلكەن اەروپورت سالىنسا دەگەن تىلەك بار. بۇكىل وركەنيەتتى ەلدەردەگى قالالاردا اەروپورتتىڭ ەڭ جاقىنى 30 شاقىرىم جەردە ورنالاسقان. كەيبىرىنىڭ قاشىقتىعى 100 شاقىرىمعا جۋىقتايدى. ياعني قالادان بولەك ورنالاسقان. ەكى جوباعا جۇمسالار قارجىنى قوسىپ, ونىڭ 75-80 پروتسەنتىنە بۇكىلالەمدىك ستاندارتقا ساي كەلەتىن, ۇلكەن اۆيالاينەرلەر قابىلداي الاتىن اۋەجاي سالۋعا بولادى. ول حالىقارالىق تراسساعا قوسىلسا وراسان پايدا اكەلەتىن بولادى. تۋريستەر قاتارىنىڭ وسۋىنە دە سەپتىگىن تيگىزەدى. قازىر شىمكەنت پەن تۇركىستاندى ۇلكەن اۆتوبان بايلانىستىرىپ جاتىر. ياعني اۋەجايدان شىمكەنتكە دە, تۇركىستانعا دا جىلدام جەتۋگە بولادى.
ەلباسى جولداۋى شەڭبەرىندە الدا اتقارىلار جۇمىس كوپ, ول بويىنشا ءىس-شارالار جوسپارى جاسالاتىنى دا زاڭدى. قوعام مەملەكەتىمىزدىڭ بۇگىنگى جانە الداعى ۋاقىتتا اتقارۋعا ءتيىستى ءىس-ارەكەتىنە باعدار رەتىندە ەرەكشە ىقىلاسپەن قابىلداعان جولداۋدى مۇقيات تىڭداپ, وي ەلەگىنەن وتكىزگەن سوڭ تۋىنداعان پىكىر-ۇسىنىسىمدى ءتيىستى ورىندارعا قۇلاققاعىس ەتىپ وتىرمىن.
شالاتاي مىرزاحمەتوۆ,
تەحنيكا عىلىمدارىنىڭ دوكتورى, پروفەسسور
تۇركىستان وبلىسى
ساپالى ورىندالۋدا
جاڭا مۇمكىندىكتەرگە جول اشاتىن جولداۋ حالىقتىڭ بولاشاققا دەگەن سەنىمىن نىعايتا تۇسەرى ءسوزسىز. ەڭ باستىسى, مەملەكەتتىك قىزمەتشىلەر مەملەكەت باسشىسىنىڭ قولداۋىن سەزىنىپ وتىر جانە جولداۋدا ايتىلعان بارلىق باستامالارىن ءبىراۋىزدان قولدايدى.
ەلباسىنىڭ «100 ناقتى قادام» ۇلت جوسپارىنىڭ 5 جانە 6-قادامدارىن جۇزەگە اسىرۋدا 2018 جىلى اگەنتتىكتىڭ, ادىلەت مينيسترلىگىنىڭ, استانا قالاسى مەن ماڭعىستاۋ وبلىسى اكىمدىكتەرىنىڭ بازاسى نەگىزىندە اكىمشىلىك مەملەكەتتىك قىزمەتشىلەر ءۇشىن فاكتورلىق-بالدىق نەگىزدە لاۋازىمدىق اقى مەن بونۋستار كىرگىزىلگەن قاناتقاقتى رەجىمدە ەڭبەكاقى تولەۋدىڭ جاڭا جۇيەسى جۇزەگە اسىرىلۋدا. ونىڭ اياسىندا ورتالىق مەملەكەتتىك ورگاندار مەن اۋماقتارداعى قىزمەتشىلەر ايلىق اقىسىنداعى ايىرماشىلىق 70%-تەن 10%-كە دەيىن تومەندەگەن.
ماڭعىستاۋ وڭىرىندە قاناتقاقتى جوبا ءوز جەمىسىن بەردى دەۋگە تولىق نەگىز بار, سەبەبى مەملەكەتتىك قىزمەتتەن كەتۋشىلەر سانى ازايىپ, كەرىسىنشە كەلۋشىلەر سانىنىڭ ارتقاندىعىن بايقاۋعا بولادى. قازىرگى تاڭدا ماڭعىستاۋدا جەرگىلىكتى اتقارۋشى ورگاندارداعى بوس ورىندار سانى – 90, ال وتكەن جىلدىڭ وسى كەزەڭىمەن سالىستىرعاندا بۇل كورسەتكىش 172 بولاتىن, ياعني بيىل شتاتتىق بىرلىك 6,7% قۇراپ وتىر, ال 2017 جىلى 12,8% بولعان ەدى.
2018 جىلدىڭ 1 قازانىنداعى مالىمەت بويىنشا مەملەكەتتىك قىزمەت جۇيەسىنەن ءوز ەركىمەن كەتكەندەردىڭ سانى 37 بىرلىك (2,7%) بولسا, وتكەن جىلدىڭ 1 قازانىندا بۇل كورسەتكىش 90 (6,7%) بىرلىكتى قۇراعان. وتكەن جىلمەن سالىستىرمالى تۇردە تازا اۋىسىمدىلىقتىڭ سانى 4 پروتسەنتكە جۋىق ازايعاندىعىن بايقاۋعا بولادى, ياعني ەڭبەكاقى مولشەرىنىڭ كوبەيۋى اتقاراتىن قىزمەتكە دەگەن جاۋاپكەرشىلىك پەن قىزىعۋشىلىقتى ارتتىردى.
ارينە, بۇل ەڭ الدىمەن ەلباسىنىڭ تاپسىرماسىن ورىنداۋدىڭ ناتيجەسىندە بولىپ وتىر. قازىرگى تاڭدا مەملەكەتتىك قىزمەتشىلەردىڭ جاعدايىن جاقسارتۋ باعىتىندا بىرقاتار مىندەتتەر ماڭعىستاۋ وڭىرىندە ۋاقتىلى ءارى ساپالى ورىندالۋدا.
نۇرگۇل جاننازاروۆا,
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنت باسشىسى, ادەپ جونىندەگى كەڭەس ءتورايىمى
ماڭعىستاۋ وبلىسى
الەمدىك مەديتسينانىڭ جەتىستىگىن ۇيرەنۋىمىز كەرەك
ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىن تىڭداي وتىرىپ, مەملەكەتىمىزدىڭ الداعى دامۋ جوسپارىنان تاعى دا جاقسى حاباردار بولدىق. الەمدەگى وزىق وتىز ەلدىڭ قاتارىنان كورىنۋدى ماقسات تۇتقان ەلىمىزدىڭ كەلەشەگىنىڭ قاندايلىعى ءبىزدىڭ ومىرىمىزدەن, جۇمىسىمىزدان ايقىن كورىنەدى.
وسىدان ون-ون بەس جىل بۇرىن الىس اۋىلدار ەمەس, قالالاردىڭ وزىندە مەديتسينالىق قوندىرعىلاردىڭ جاعدايى سىن كوتەرمەيتىن ەدى. ءتىپتى جاڭا قوندىرعىلاردىڭ الدى ەلگە كەلىپ جاتقاندا ماماندارىمىزدىڭ قاۋقارسىزدىعى سونشالىق, قوسىپ-اجىراتۋدىڭ ءوزىن قيىندىق كورەتىن. سودان بەرى بۇل ءۇردىس ۇزدىكسىز جۇرگىزىلىپ جاتىر.
مەملەكەت باسشىسى باسقا سالا ماماندارىمەن قاتار, دارىگەرلەر قاۋىمىنىڭ دا بىلىكتىلىگىن شەتەلدە ارتتىرۋعا ءمان بەرىپ, مۇمكىندىك تۋعىزدى.
قازىر دۇنيەجۇزىندە وڭتۇستىك كورەيانىڭ مەديتسيناسى ۇلكەن بيىككە كوتەرىلگەندىگى ايتىلادى. وڭىرىمىزگە سول جاقتان ماماندار شاقىرتىلىپ قانا قويماي, دارىگەرلەرىمىز, اتاپ ايتقاندا, بالالار حيرۋرگياسى جانە جۇرەك قان تامىرلارى دارىگەرلەرى سول جاقتان ءتالىم الىپ كەلىپ جاتىر. الايدا تاجىريبە الماسۋ ءبىردى-ەكىلى مامانداردىڭ العان تالىمىمەن ولشەنبەيدى. سوندىقتان, وبلىستىق دەنساۋلىق ساقتاۋ باسقارماسىنىڭ باسشىسى وڭتۇستىك كورەياعا ءوزى ارنايى جۇمىس ساپارىمەن بارىپ, مەديتسينالىق ءتۋريزمدى دامىتۋ ماقساتىندا ەكىجاقتى مەموراندۋمعا قول قويىپ قايتتى.
كادرلاردىڭ بىلىكتىلىگىن ارتتىرۋ وزىمىزدەگى عىلىمي-زەرتتەۋ ينستيتۋتتارىمەن دە قابىرعالاس ءجۇرىپ جاتىر. مەملەكەت باسشىسى جولداۋىندا بىزدەگى كەيبىر سىرقاتتاردىڭ شەتەلدەگى ەمحانالاردى تاڭدايتىندىعىن ايتتى. بۇل الەمدە بار قۇبىلىس. ەلىمىزدىڭ مەديتسينا قىزمەتكەرلەرى بۇل دۇرىس سىننان قورىتىندى شىعارىپ, وتاندىق مەديتسينانىڭ الەۋەتىن ءالى دە كوتەرۋ ءۇشىن تىنىمسىز جۇمىس جاساۋى كەرەك.
بۇل ءبىزدىڭ قولىمىزدان كەلەدى دەپ ويلايمىن.
ەلەنا تسحاي,
جوعارى ساناتتى دارىگەر-ەندوكرينولوگ
قىزىلوردا وبلىسى
ۇدەدەن شىعايىق
ەلباسى جولداۋى نەگىزگى باعدارلامالىق قۇجات رەتىندە ەلىمىزدىڭ دامۋ كەلەشەگىنە باعىت-باعدار بەرىپ, بارشا قازاقستان جۇرتىن ەل كەلەشەگىنىڭ دامۋىنا جۇمىلدىرۋعا باعىتتالىپ وتىر. وسى ورايدا پرەزيدەنت ەلدىڭ الەۋمەتتىك جاعدايىن كوتەرۋدەگى ءاربىر ۆەدومستۆونىڭ جاۋاپكەرشىلىگىن ناقتى دالەلدەرمەن كورسەتىپ بەردى. الەۋمەتتىك سالا, اۋىل شارۋاشىلىعى, ونەركاسىپكە, سوت جۇيەسىنە, ىشكى ىستەر سالاسىنا قاتىستى ناقتى تالاپتار قويدى.
بۇگىندە قول جەتكىزگەن جەتىستىكتەرىمىز بارشىلىق. ەكونوميكامىز دامىپ, سالالاردا سەرپىن بايقالادى. «رۋحاني جاڭعىرۋ» باعدارلاماسى اياسىندا قانشاما قۇندى دۇنيەلەرگە قول جەتكىزدىك. ەندىگى كەزەكتە ءاربىر قازاقستان ازاماتى ەل الدىنداعى جاۋاپكەرشىلىگىن تۇسىنە وتىرىپ, زاماناۋي جاڭالىقتاردى يگەرۋمەن قاتار, ءوز وتباسىنىڭ ءبىلىم الۋىنا, دەنساۋلىعىنىڭ سالاماتتى بولۋىنا ەرەكشە ىجداھاتتىقپەن قاراۋى ءتيىس. سونىمەن قاتار وركەنيەتتەن جىراقتا جاتقان اۋىل-ايماقتار قالالارمەن تىعىز بايلانىستا دامىپ, اۋىل-قالا اراسىنداعى الشاقتىقتار جويىلسا, اۋىل ءوندىرىسى مەن قالا تىرشىلىگى تىعىز بايلانىستا بولسا, كوپتەگەن ماسەلەلەر شەشىمىن تاپقان بولار ەدى. ءوندىرىس, ونەركاسىپتەردەگى جۇمىسشىلارعا تولەنەتىن ەڭبەكاقى مولشەرى ءوز دەڭگەيىندە تولەنىپ, جۇمىسكەردىڭ الەۋمەتتىك قاجەتتىلىكتەرى قيىندىقسىز شەشىلىپ وتىرسا, وسى قادامنىڭ ءوزى ءبىزدىڭ جارقىن كەلەشەگىمىزگە جاسالعان قادامداردىڭ ءبىرى بولىپ تابىلاتىنى ءسوزسىز.
شاحيسمايل اسيەۆ,
«احىسكا» تۇرىك ەتنومادەني بىرلەستىگى توراعاسىنىڭ ورىنباسارى
الماتى
مۇعالىمدەرگە ەرەكشە ءمان بەرىلگەنىنە ريزامىز
ءوزىم «قازپوشتادا» ەڭبەك ەتەتىندىكتەن قاراپايىم حالىقپەن كۇندەلىكتى جۇمىس ىستەيمىز. جۇمىس بارىسىندا اڭگىمەلەسەمىز, پىكىرىن تىڭدايمىز. سوندا بايقاعانىم, حالىققا جولداۋدا ايتىلعان «ەڭ تومەنگى جالاقىنى 1,5 ەسەگە وسىرەمىز» دەگەن ءسوز ەرەكشە ۇناعان سەكىلدى. قازىرگىدەي ازىق-ت ۇلىك قىمباتتاپ, تەڭگە باعامى ءبىر كوتەرىلىپ, ءبىر ءتۇسىپ تۇرعان ۋاقىتتا بۇل وڭدى شەشىم بولعان سياقتى.
ءوزىم وتباسىندا بەس بالا تاربيەلەپ وتىرمىن. قازاق «بالا – باۋىر ەتىڭ» دەيدى. ارينە بالانىڭ بولاشاعىنا الاڭدايمىز. جاسىراتىنى جوق, بالامىزعا ءدارىس بەرەتىن, تاربيەلەيتىن مەكتەبىنىڭ, ونداعى مۇعالىمىنىڭ بىلىكتى بولعانىن قالايمىز. جولداۋدا وزىمە ۇناعان تاعى ءبىر دۇنيە – مۇعالىمدەر تۋرالى زاڭ قابىلداۋ جايىنداعى اڭگىمە. وزدەرىڭىز جاقسى بىلەسىزدەر, بالاعا, ونى قورعاۋعا قاتىستى زاڭ كوپ. دۇرىس. بالانى قورعاۋىمىز كەرەك. ال سول بالانى تاربيەلەيتىن, دۇرىس ازامات رەتىندە قالىپتاسۋعا باعىت-باعدار سىلتەيتىن مۇعالىمدەردى كىم قورعايدى؟ سوندىقتان كەلەسى جىلى قابىلداناتىن زاڭ مۇعالىمدەردى قورعاپ قانا قويماي, ولاردىڭ مارتەبەسىن كوتەرىپ, مەرەيىن اسىرادى دەپ ويلايمىن.
ەلباسىنىڭ بيىلعى جولداۋى وزىمە وسىنداي تۇستارىمەن ۇنادى. بيىلعى جولداۋ حالىقتىڭ كوڭىل پەرنەسىن ءدوپ باسقان جولداۋ بولدى.
ايدار سىدىقوۆ,
كوكپەكتى اۋداندىق پوشتا بايلانىس تورابىنىڭ باسشىسى
شىعىس قازاقستان وبلىسى,
كوكپەكتى اۋدانى
بۇل قولداۋ جاستاردى قاناتتاندىرادى
مەملەكەت باسشىسى نۇرسۇلتان نازارباەۆتىڭ جىلداعى داستۇرمەن جاساعان بيىلعى جولداۋى – ەلىمىزدەگى ساياسي وقيعالاردىڭ ەڭ ماڭىزدىسى رەتىندە قابىلداناتىن تاريحي قۇجات. جولداۋدان قازاقستان حالقى ۇلكەن ءۇمىت, جاقسىلىققا ۇمتىلىس, جاڭالىق كۇتىپ ۇيرەنگەنى دە راس. ەلىمىزدىڭ الەۋمەتتىك-ەكونوميكالىق ءال-اۋقاتىن كوتەرۋگە باعىتتالعان بيىلعى جولداۋ وزگەشە پىشىندە وتۋىمەن ەل نازارىن اۋداردى. پرەزيدەنت حالىقتىڭ جاعدايى مەن مەملەكەت دامۋىنا جاۋاپ بەرەتىن ءاربىر سالا جەتەكشىلەرىنىڭ جۇمىسىن سىنعا الدى. جالتارۋعا, جاۋىردى جابا توقۋعا جول بەرمەي, سالا جۇمىسى بويىنشا كوزبە-كوز ەسەپ سۇرادى. بۇل نە دەگەن ءسوز؟ ەڭ الدىمەن, پرەزيدەنت حالىقتىڭ جاعدايىنان جاقسى حاباردار. پرەزيدەنت قازاقستاننىڭ ءاربىر ادامى ءۇشىن, تۇتاس حالقى ءۇشىن الاڭدايتىنىن, ءسات سايىن قامقورلىق جاسالۋ كەرەگىن, مينيسترلەردىڭ, اكىمدەردىڭ سول ماقسات ءۇشىن تاعايىندالىپ, حالىققا قىزمەت ەتۋى باستى مىندەتى ەكەنىن ەسكە سالدى. اسىرەسە پوليتسيا جۇمىسى, سوت ءىسى, ءبىلىم بەرۋ, دەنساۋلىق سالاسى – بۇل حالىقتىڭ كۇن سايىن بەتپە-بەت, قويان-قولتىق ارالاسىپ وتىرعان جەرى. بۇل جولداۋ وسى سالالاردىڭ جۇمىسىن جانداندىرۋعا, قوزعاۋ سالىپ, شيراتۋعا ۇلكەن سەرپىن بەرەدى دەپ ويلايمىن.
پرەزيدەنت تاۋەلسىزدىك العالى بەرى جاستاردان قولداۋىن اياعان ەمەس. عىلىم, ونەركاسىپ, ونەر, ءبىلىم, جالپى بارلىق سالادا مەملەكەتتىك گرانتپەن شەتەلدە ءبىلىم العان بىلىكتى جاستاردىڭ قاتارى ارتىپ كەلەدى. ءبىز ەڭبەك ەتەتىن م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا جالپى اكتەرلىك قۇرامنىڭ 70 پايىزىن جاستار ءتۇزىپ وتىر. تەاترىمىزعا جاس رەجيسسەرلەر, جاس دراماتۋرگتەر كەلدى. سەبەبى بۇگىنگى ساحنا تىنىسى بولەك, كورەرمەن سۇرانىسى دا وزگەرگەن – مۇنى جاستار جاقسىراق سەزەدى جانە ماقسات-مۇراتىن تۇتىنۋشى تالابىنا لايىق قۇرا بىلەدى. بيىلدىڭ وزىندە قاراشاڭىراق تەاتر ءتورت رەت رەسپۋبليكالىق, حالىقارالىق دەڭگەيدەگى تەاتر فەستيۆالىن وتكىزدى. باسى-قاسىندا جۇرگەندە, قازاقتىڭ تەاتر ونەرى ەشبىر ەلدىڭ ساحنا ونەرىنەن كەم ەمەس ەكەنىن دالەلدەپ, جاڭاشىلدىققا بەيىمدىلىگىن بايقاتىپ, قىزىقتىرىپ وتكىزگەن دە وسى جاستارىمىز. بەتبۇرىس اتاۋلىنىڭ باستاماشىسى دا, تىرەگى دە وسى جاستار. ەندىگى جەردە مەملەكەت تاراپىنان ولارعا قولداۋ كورسەتىلگەنى ءسوزسىز قاناتتاندىراتىن بولادى.
ءسوز جوق, پرەزيدەنت جولداۋىن جالپى ەلىمىزدىڭ وركەندەۋى جولىنداعى اۋقىمدى سىن-تەگەۋرىندەردى ەڭسەرۋدىڭ مۇمكىندىگى جانە سونى جولى دەپ بىلەمىن. ەلىمىزدىڭ دامۋى الدىنداعى بارلىق مىندەتتەردىڭ ەلباسىنىڭ باعىت بەرۋىمەن جەمىستى جۇزەگە اسىرىلاتىنىنا كامىل سەنەمىن.
ەسمۇحان وباەۆ,
قازاقستاننىڭ حالىق ءارتىسى, پروفەسسور
الماتى
كەلەشەك – كەمەل بىلىمدە
پرەزيدەنتىمىزدىڭ جولداۋى نەگىزىنەن ەلدىڭ تابىسىن ارتتىرىپ, تۇرمىس ساپاسىن جاقسارتۋعا ارنالىپ وتىر. حالىقتىڭ الەۋمەتتىك جاعدايىنىڭ ارتۋى دا ەلىمىزدىڭ ەكونوميكالىق دامۋىنا اسەر ەتەدى. بۇل جاقسىلىقتىڭ نىشانى. اتالعان جولداۋدا ەكونوميكالىق دامۋ, الەۋمەتتىڭ الەۋەتىن كوتەرۋ, ادام دەنساۋلىعىن نىعايتۋ, ءبىلىم ساپاسىن جاقسارتۋ سياقتى ەلىمىز ءۇشىن ماڭىزدى باستامالار بار. نەگىزىنەن قوعامداعى بەلسەندى باستامالاردىڭ ءبارىن دە ادامنىڭ ساپاسى, ياعني ونىڭ ءبىلىمى, ءتارتىبى مەن تاربيەسى سياقتى قۇندىلىقتار جۇزەگە اسىرادى. مۇنىڭ ءبارىنىڭ دە ءتيىستى دەڭگەيدە جۇزەگە اسۋى ءاربىر جەكە ادامعا بايلانىستى. ادام كاپيتالى ەلباسى بەلگىلەپ بەرگەن مىندەتتەردى بۇگىن دە, ەرتەڭ دە جۇزەگە اسىرا بەرەتىن بولادى. سوندىقتان بىزگە بۇگىندە ادام ساپاسىن ارتتىرۋ ماڭىزدى بولىپ وتىر. ەلباسىنىڭ «ادام كاپيتالى» يدەياسى دا ادام ساپاسىن ارتتىرۋ ارقىلى قوعام دامۋىنا ۇلەس قوسۋ بولىپ وتىر. سونىمەن قاتار بيىلعى جولداۋدا ايتىلعان ماقساتتاردى ورىنداۋ دا ۇلكەن جاۋاپكەرشىلىك جۇكتەيدى.
بۇگىندە ەكونوميكالىق دامۋ الەمدىك دەڭگەيدەگى باسەكە بولعاندىقتان, ءبىزدىڭ مەملەكەتىمىزدە دە ەكونوميكالىق دامۋ ماسەلەسى ءبىرىنشى ورىندا تۇر. ول ءۇشىن عىلىمعا ەرەكشە كوڭىل ءبولىنۋ كەرەك. الەمدىك دەڭگەيدە دامىعان بارلىق مەملەكەتتە دە اۋەلى عىلىم العا وزادى. ەلباسى بيىلعى جولداۋىندا عىلىمعا كوڭىل ءبولۋ كەرەكتىگى تۋرالى دا ايتتى. ەلباسىنىڭ جولداۋدا ايتىلعان مەكتەپكە دەيىنگى ءبىلىم بەرۋ ساپاسىن تۇبەگەيلى جاقسارتۋ تۋرالى ماقساتى دا كەلەشەكتىڭ ادامى كەمەل ءبىلىمنىڭ يەسى بولۋ كەرەكتىگىن بىلدىرەدى. ەگەر وتاندىق عىلىم بولمايىنشا, پەداگوگيكا قايدا بارادى؟ ول ءۇشىن بارىمىزگە ورتاق نارسە, ازاماتتاردىڭ سانالىق دەڭگەيىن كوتەرۋ قاجەت. ادامداردىڭ سانالىق دەڭگەيىنىڭ كوتەرىلۋى ارقىلى عىلىم مەن ءبىلىم قاتار داميتىن بولادى. سەبەبى مەملەكەتتىڭ ماقساتى دا بولاشاقتى باعدارلاۋ ارقىلى كەلەشەكتىڭ كەمەل ويلى ازاماتتارىن تاربيەلەۋ بولىپ وتىر. ەلىمىز ءۇشىن ەڭ باستى مۇرات بولىپ سانالاتىن «ماڭگىلىك ەل» يدەياسىنا تولىققاندى جەتۋ ءۇشىن بۇل جولداۋدىڭ ماڭىزى زور دەپ ەسەپتەيمىن.
نەسىپبەك داۋتاي ۇلى,
جازۋشى, قازاقستاننىڭ ەڭبەك سىڭىرگەن قايراتكەرى
جامبىل وبلىسى
