سونداي-اق الداعى 2019 جىلعا ارنالعان باستى باعدارلامالىق قۇجاتتىڭ ەلدەگى بارلىق وتباسىعا قاتىسى بار ەكەنى دە ايقىن كورىنەدى. بۇعان ءومىر سۇرۋگە ورنىقتى دا جايلى جاعداي تۋعىزۋ, تابىس پەن تۇرمىس ساپاسىن ارتتىرۋ جونىندە ەڭ كوكەيكەستى ماسەلەلەردىڭ وزەك بولعانى ايقىن ايعاق.
ەلباسىنىڭ بۇعان دەيىنگى قىزمەتى مەن جۇرگىزىپ وتىرعان ساياساتى ەڭبەك ادامىنىڭ مارتەبەسى مەن مەرەيىن وسىرۋگە, ونىڭ ەسىمىن ارداقتاۋعا ارنالىپ كەلە جاتقانى دالەلدەۋدى قاجەت ەتپەيدى. يا, ەڭبەك – ءبارىن دە جاڭبەك. وسىعان ورايلاس ايتار ويىمنىڭ باستى نەگىزى وسى كەزەكتى جولداۋىندا دا پرەزيدەنت ەڭبەك ادامى مەملەكەتىمىزدىڭ باستى تىرەگى ەكەنىن تاعى ءبىر مارتە تۇيىندەپ بەرگەنىن جەتكىزۋ ەدى. ەڭبەك ۇجىمدارىندا جۇمىس جاسايتىن ازاماتاردىڭ ەڭبەگى مەن مۇددەلەرىن قورعايتىن قوعامدىق ۇيىم –كاسىپوداقتار قوزعالىسىنىڭ وڭىردەگى وكىلى رەتىندە بۇل ماسەلە ەلدىك دامۋ مەن وركەنيەت كوشىنە بەت بۇرۋدىڭ باستى ءبىر جولى دەپ تۇسىنەمىن.
جولداۋ جولدارىنا زەر سالىپ تەرەڭ ۇڭىلە قاراعان ءار ادام مۇندا ەڭبەك ادامى مارتەبەسىن ودان ءارى كوتەرۋگە باعىتتالعان باعدار تۇرعانىنا ايقىن كوز جەتكىزە الادى. ەڭ باستىسى جولداۋ الەۋمەتتىك-ەڭبەك قاتىناستارىن ودان ءارى تەرەڭدەتە تۇسۋگە دەم بەرۋىمەن دە ەرەكشەلەنە الادى. جۇمىسسىزى جوق بىردە-ءبىر مەملەكتە بلومايدى. بۇنىڭ ءوزى – تابيعي زاڭدىلىق. ال سول جۇمىسسىزداردىڭ سانىن ازايتۋ جونىندە شارالار بەلگىلەنسە – بۇل باسقا ءبىر اڭگىمەنىڭ ەنشىسى. تۇپتەي كەلگەندە جولداۋ وسى ءبىر الەۋمەتتىك ماسەلەنى العا قويۋىمەندە ايىرىقشا. بۇعان شاعىن جانە ورتا بيزنەستىڭ ءورىسىن ءوسىرۋ, «بيزنەستىڭ جول كارتاسى» باعدارلاماسىنىڭ ەكىنشى تىنىسىن اشۋ جانە اۋىل ازاماتتارىنا شارۋاشىلىق جۇرگىزۋدىڭ جاڭا داعدىلارىن ۇيرەتۋ جونىندە بەلگىلەنگەن ءىس-قمىل جوسپارلارى دالەل.
جالاقى مولشەرىن كوبەيتۋ جونىندە ەلباسى تاراپىنان ۇكىمەتكە بەرىلگەن تاپسىرمالاردىڭ الەۋمەتتىك جاۋاپكەرشىلىگى جوعارى. وندىرىستىك كاسىپورىنداردا قىزمەت جاسايتىن جۇمىسشىلاردىڭ, سونىمەن بىرگە الەۋمەتتىك سالا قىزمەتكەرلەرى, مۇعالىمدەر مەن دارىگەرلەردىڭ ەڭبەكاقىسى ءوسۋى –ەلباسى تاراپىنان ولاردىڭ ەڭبەگىنىڭ لايىقتى تۇردە باعالانۋى دەپ ۇعىنعانىمىز ءجون. بۇل ولار ءۇشىن ماتەريالدىق جانە مورالدىق تۇرعىدان ۇلكەن قولداۋ مەن ستيمۋل بولا الادى. ال تۇتاستاي العاندا مەملەكەت باسشىسىنىڭ قازاقستاندىقتاردىڭ ءال-اۋقاتىن ودان ءارى جاقسارتۋعا باعىتتالعان تەرەڭ ماڭىزدى جولداۋى ەلىمىزدىڭ ودان ءارى ءوسىپ-وركەندەي تۇسۋىنە ەلەۋلى سەپتىگىن تيگىزەدى دەپ بىلەمىز.
التىنبەك امىرعاليەۆ,
اقتوبە وبلىسىنداعى كاسىپوداقتار ورتالىعىىڭ توراعاسى
اقتوبە
