«كامشات اپا تۋرالى وبلىستىق راديودا قىزمەت ىستەپ جۇرگەندە جارتى ساعاتتىق سۇحبات جاساعان ەدىم. ول قازىر راديونىڭ التىن قورىندا بولۋى ءتيىس. كامشات اپا تەك ەڭبەك ادامى عانا بولعان جوق, ول قازاقتىڭ داناگوي انالارىنىڭ قاتارىنا, قازاق حالقىنىڭ ماقتانىشى دارەجەسىنە كوتەرىلدى. ونىڭ ءومىرى مەن قىزمەتى بۇگىندە بارلىق جاستارعا, قازاق ايەلىنە ۇلگى ونەگە دەر ەدم. ول بالا تاربيەلەدى, ۇلكەن كىسىلەرىن, اتا-ەنەسىن باقتى, جۇمىسىنا اسا جاۋاپكەرشىلىكپەن قارادى. قازاقتىڭ قارا قىزىنىڭ وسىنىڭ بارلىعىنا كۇش-قۋاتى جەتكەن ەدى» دەدى اقىلبەك شاياحمەت.
ءسىڭىلىسى مۇگىلسىم اپاسىنىڭ وزىنە قامقورلىعى تۋرالى ايتتى. وبلىستىق ءارحيۆتىڭ قىزمەتكەرى اننا كارپۋحينا كەشكە قاتىسقان جاستارعا كەڭەس وداعى كەزىندەگى قۇرمەتتى اتاقتار تاريحى, ولاردى ءبىزدىڭ وبلىستا كىمدەر العانى جونىندە اڭگىمەلەپ بەردى. قۇربىسى, سىيلاس ءسىڭىلىسى بولعان سارا وماروۆا كامشات بايعازىقىزىنىڭ مەحانيزاتور بولا ءجۇرىپ, دەپۋتاتتىق قىزمەتىن قالاي ۇقىپتىلىقپەن, بىلىكتىلىكپەن اتقارعانىن ەسكە الدى.
«كامشات بايعاقىزىنا ايىنا 300-دەن اسا حات كەلەتىن. ولاردى ءوزى ىرىكتەپ, قايسى حات بويىنشا قانداي مينيسترلىكتەرگە, ءتيىستى ورىندارعا بارۋى, حات جولداۋى كەرەكتىگىن رەتتەيتىن. ونىڭ ارالاسۋىمەن قانشاما ادامداردىڭ ادىلەتتىلىككە قولى جەتتى, كومەك الدى», دەدى سارا ۋاليقىزى.
ال كەلىنى اقمارال جاقسىباەۆانىڭ ەنەسى تۋرالى ايتار اڭگىمەسى مول. ول ەنەسىنىڭ سونداي جاۋاپكەرشىلىكتى, اۋىر جۇمىسىندا ءجۇرىپ بالالارىن ەڭبەككە تاربيەلەگەنىنە ريزاشىلىعى بار ەكەنىن ايتتى. ەنەسىنىڭ كوزى تىرىسىندە كەلىنىنە ايتىپ بەرگەن اڭگىمەلەرىن ەسكە الدى.
«مەنىڭ ەنەمنىڭ ەنەلەرى دە دانا كىسىلەر بولعان. انامىز ولاردىڭ تاربيەسىن الا بەرگەن. بىردە مامام ءبىر شەلەك قورىتىلعان سارى مايدى توگىپ الادى. ول دەرەۋ جەردى قىرىپ, الىپ تاستايدى. ەنەسى تۇك بىلمەگەندەي, كامشاتقا ەشتەڭە ايتپايدى. كەيىن كوپ جىلدار وتكەندە مامام ەنەسىنەن وسى جايدايدى ەسكە الىپ سۇرايدى. «اپا سوندا مەنىڭ مايدى توگىپ العانىمدى ءبىلدىڭىز بە؟» دەيدى. «ارينە ءبىلدىم, قالقام» دەيدى. سوندا مامامنىڭ كوڭىلىنە ءتيىپ ەشتەڭە ايتپاعانى ۇلكەن اجەمىزدىڭ دانالىعى ەمەس پە؟» دەدى اقمارال. ول جاقىندا ەنەسى تۋرالى ەستەلىكتەر جيناعى شىعاتىنىن جانە قالاداعى كامشات اتىنا بەرگەن كوشەدە گۇلزار مەن ونىڭ ەسكەرتكىش ءمۇسىنى ورناتىلاتىنىنان حاباردار ەتتى. وبلىستىق كىتاپحانانىڭ ديرەكتورى داريعا دۇيسەنباەۆا كوپشىلىككە كتاپحانا قىزمەتكەرلەرى دايىنداعان كامشات تۋرالى جازىلعان دۇنيەلەردىڭ كورسەتكىشىن تانىستىردى.
كەشكە كەلۋشىلەر كامشات دونەنباەۆا مەن ونىڭ زامانداستارى تۋرالى وبلىستىق ارحيۆ قىزمەتكەرلەرى ۇيىمداستىرعان كورمەنى تاماشالادى.
ءنازيرا جارىمبەت,
«ەگەمەن قازاقستان»
قوستاناي
