سوڭعى دەرەكتەرگە سايكەس, جەرگىلىكتى بيۋدجەتكە سالىقتار مەن تولەمدەردى جيناۋ 82% - عا ورىندالدى, جوسپار بويىنشا 132 668,2 ملن. تەڭگە ءىس جۇزىندە 108 843,3 ملن. تەڭگە ءتۇستى, وتكەن جىلدىڭ وسى كەزەڭىمەن سالىستىرعاندا كورسەتكىش جوعارى, ياعين ءوسۋ قارقىنى 103,6% - دى قۇرادى.
ماڭعىستاۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى د. ە. جانالينوۆ بايانداما جاسادى. باياندامادا زاڭدى تۇلعالاردىڭ كولىك قۇرالدارىنا سالىناتىن سالىق, جەكە تۇلعالاردان تۇسەتىن تۇسىمدەر بويىنشا بيۋدجەتكە قوسىمشا تۇسىمدەردىڭ ءتۇسۋى ماقساتىندا اتقارىلعان جۇمىستار تۋرالى ەسەپتەر, جەكە تۇلعالاردىڭ بەرەشەك سومالارىنان قوسىمشا رەزەرۆتەر بويىنشا جۇمىستار, قورشاعان ورتاعا ەميسسيالار ءۇشىن تولەمدەر بويىنشا, 2018 جىلدىڭ 3-ءشى توقسانىندا جتس جانە الەۋمەتتىك سالىق بويىنشا حابارلامالاردى وڭدەۋ بويىنشا جۇمىستار, ونلاين بكم شەڭبەرىندە دەرەكتەردى وڭدەۋ بويىنشا جۇمىستار ايتىلدى. بۇدان باسقا, مكد باسشىسى وبلىس اكىمىنە جانە قاتىسۋشىلاردىڭ الدىندا جەرگىلىكتى بيۋدجەتتى تولىقتىرۋ ماقساتىندا سالىق تولەۋشىلەرمەن جۇمىس ىستەۋ كەزىندەگى جوسپارلارى تۋرالى باياندادى.
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ باسشىسى ن. جاننازاروۆا ءوز بايانداماسىندا كىرىستەر دەپارتامەنتى قىزمەتكەرلەرى تاراپىنان ادەپ نورمالارىنىڭ ساقتالماۋى ءجيى ورىن الىپ وتىرعاندىعىن جانە تارتىپتىك جاۋاپقا تارتىلعاندار جايىندا باياندادى. جىل باسىنان بەرى ماڭعىستاۋ وبلىستىق كىرىستەر دەپارتامەنتىنىڭ 120 قىزمەتكەرىنىڭ 111 تارتىپتىك جاۋاپكەرشىلىككە, قالعان 9 اكىمشىلىك جازاعا تارتىلعان. ال تارتىپتىك جاۋاپقا تارتىلعانداردىڭ 18 باسشىلىق قۇرامىنىڭ لاۋازىمدى تۇلعالارى.
- كىرىستەر دەپارتامەنتىنىڭ قىزمەتكەرلەرى 56 - ەسكەرتۋ, 27 - سوگىس, 5 - قاتاڭ سوگىس, 12 - قىزمەتكە تولىق سايكەس ەمەستىگى تۋرالى ەسكەرتۋ, 2 - قىزمەتىنەن تومەندەتۋ, 2 - قىزمەتىنەن بوساتىلعان. سونىمەن قاتار 5 مەملەكەتتىك قىزمەتشى «تەرىس» سەبەپتەرمەن قىزمەتتەن بوساتىلعان. مەملەكەتتىك قىزمەت كورسەتۋدىڭ مەرزىمدەرىن نەمەسە ءتارتىبىن بۇزعانى ءۇشىن كىرىستەر دەپارتامەنتىنىڭ كەدەندىك باقىلاۋ باسقارماسىنىڭ 2 قىزمەتكەرىنە 72150 تەڭگە كولەمىندە اكىمشىلىك ايىپپۇل سانىلعان, دەدى دەپارتامەنت باسشىسى ن.جاننازاروۆا.
ءوز سوزىندە ە. توعجانوۆ مەملەكەتتىك كىرىستەر دەپارتامەنتىنىڭ ءاربىر قىزمەتكەرىنىڭ فۋنكتسيونالدىق مىندەتتەرىن قايتا قاراستىرۋ كەرەك ەكەندىگىن ايتتى. سەبەبى اتقارىلاتىن قىزمەت دەڭگەيى ءبىر-بىرىمەن تىعىز بايلانىستى بولعاندىقتان, جۇمىستىڭ ساپاسىز ورىندالىپ جاتقاندىعىن بايقاۋعا بولادى. دەپارتامەنت باسشىسى مەن كەڭەستە كوتەرىلگەن ماسەلەلەردى ەسكەرە وتىرىپ, ايماق باسشىسى ۋاكىلەتتى ورگاندارعا, قالالار مەن اۋداندار اكىمدەرىنە بىرقاتار تاپسىرمالار بەردى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
