ال ەلدى دامىتۋدىڭ ۇسىنىلعان باعىتى قازاقستاننىڭ الەۋمەتتىك-ەكونوميكالىق تۇراقتى وسۋىنە كەپىل بولادى دەپ پايىمدايمىز.
ەلدەرىمىزدىڭ الەۋمەتتىك سالادا ىشكى ساياسي ستراتەگيالارىنىڭ ۇقساستىعىن اتاپ وتكىم كەلەدى. ماجارستاندا 2018 جىل وتباسى جىلى دەپ جاريالاندى, ياعني قازىرگى جاستاردىڭ بويىندا وتباسى قۇندىلىقتارىن قالىپتاستىرۋعا باعىتتالعان جىل بولماق. قازاقستاندا 2019 جىل جاستار جىلى دەپ جاريالانىپ وتىر. ماجارستان قازاقستانداعى جاستار ساياساتىنا ءوز ۇلەسىن قوسىپ جاتقانىن اتاپ كورسەتسەم دەيمىن. ماجارستاننىڭ جەتەكشى جوعارى وقۋ ورىندارىندا شامامەن 400 قازاقستاندىق ستۋدەنت وقيدى, بولاشاقتا ولار اعا بۋىننىڭ يگى باستامالارىن ىلگەرىلەتۋدى ءوز قولدارىنا الىپ, قازاقستاننىڭ ءال-اۋقاتىن ارتتىرۋعا ءوز ۇلەستەرىن قوسادى دەپ سانايمىن.
ماجارستان – قازاقستاننىڭ ورتالىق ەۋروپاداعى ستراتەگيالىق ارىپتەسى. قازاقستان ەكىجاقتى قارىم-قاتىناستاردىڭ بارلىق باعىتىندا ماجارستانمەن دوستىق قارىم-قاتىناستى دامىتۋعا ەرەكشە كوڭىل بولەتىنىن انىق اڭعارامىز. ءبىز تەك ساياسي سالادا عانا ەمەس, سونىمەن قاتار ساۋدا-ەكونوميكالىق جانە مادەني-گۋمانيتارلىق سالالاردا دا ىنتىماقتاستىعىمىزدىڭ ودان ءارى نىعايىپ كەلە جاتقانىن كورىپ وتىرمىز.
ەكى مەملەكەت باسشىسىنىڭ كۇش-جىگەرىنىڭ ارقاسىندا قازاقستان مەن ماجارستان اراسىنداعى ءوزارا سەنىم نەگىزىندە قۇرىلعان ستراتەگيالىق ارىپتەستىك ەكى ەل اراسىنداعى ىنتىماقتاستىقتى دامىتۋعا ىقپالىن تيگىزەتىنىنە كامىل سەنەمىز.
ماجارستان قىپشاقتار وداعىنىڭ قۇرمەتتى كوشباسشىسى نۇرسۇلتان نازارباەۆتىڭ سىندارلى ساياساتى قازاقستان رەسپۋبليكاسىن ودان ءارى ءوسىپ-وركەندەتۋگە, ماجار مەن قازاق دوستىعىنىڭ نىعايۋىنا دانەكەر بولاتىنى كۇمانسىز.
شاندور كوۆاچ,
ماجارستان مەملەكەتتىك جينالىسىنىڭ دەپۋتاتى, ماجارستان قىپشاقتار وداعىنىڭ توراعاسى
