اتاپ ايتقاندا, كەلەر جىلدان باستاپ تومەنگى جالاقى مولشەرىن ءبىر جارىم ەسەگە ارتتىرۋعا وراي بەرىلگەن تاپسىرمانى ورىنداۋ ءۇشىن, وبلىس بيۋدجەتىنەن قوسىمشا قارجى قارالاتىن بولدى. بۇگىندە الماتى وبلىسى بويىنشا 100 مىڭعا جۋىق ادام ەڭ تومەنگى جالاقى الاتىن بولسا, ونىڭ ىشىندە 41 مىڭ ادام بيۋدجەتتىك سالا قىزمەتكەرلەرى ەكەن. ولارعا 2019 جىلدىڭ العاشقى ايىنان باستاپ تولەنەتىن جالاقى مولشەرى 42 000 تەڭگە مولشەرىن قۇراماقشى.
پرەزيدەنت جولداۋىندا ناقتىلانعان باعىتتىڭ ءبىرى ايماقتارداعى 3 اۋسىمدى مەكتەپتەردى ازايتۋ بولاتىن. بۇل تاراپتان جەتىسۋدا ايتارلىقتاي جەتىستىك بار. الايدا, ايماقتاعى دەموگرافيالىق ءدۇمپۋ مەن ىشكى ميگراتسيانىڭ جوعارى بولۋى ورتا ءبىلىم الۋعا دەگە نسۇرانىستى جىل وتكەن سايىن ارتىرىپ وتىر. قازىر وبلىستاعى 34 مەكتەپتىڭ وقۋشىلارى 3 اۋىسىمدا وقۋعا ءماجبۇر. ايماقتا مەكتەپ سالۋ ءىسى قارقىندى جۇرگىزىلگەنىمەن, وقۋشىلار سانىنىڭ جىل سايىن كوبەيۋى ءۇش اۋىسىمدى تولىق جويۋعا مۇمكىندىك بەرمەۋدە. مىسالعا, بيىلعى وقۋ جىلىنىڭ باسىندا وبلىس بويىنشا 46 مىڭ بالا 1-سىنىپقا بارعان. دەگەنمەن, ەلباسىنىڭ جاڭا جولداۋى جۇكتەگەن مىندەت بويىنشا مەكتەپ قۇرىلىسىنا سەرپىن بەرىلەدى. كەلەر جىلعا جوسپارلانعان جاڭا ءبىلىم وشاقتارىنىڭ سانىن 26 نىسانعا دەيىن كوبەيتۋ كۇن تارتىبىنە قويىلدى.
ايتپاقشى, تۇرعىنداردى باسپانمەن قامتۋ ماقساتىندا باستالعان «7-20-75» باعدارلاماسىنىڭ ايماقتاعى اياق الىسى اۋىز تولىتىرىپ ايتارلىقتاي ەمەسە ەكەن. باعدارلاما جۇزە اسا باستاعالى جارتى جىلدان استام مەرزىم وتسە دە, تۇرعىنداردان تۇسكەن ءوتىنىشتى قاناعاتتاندىرۋ ماردىمسىز. ياعني, ەكىنشى دەڭگەيلى بانكتەر ارقىلى جالپى قۇنى 849 ملن تەڭگەنى قۇرايتىن باسپانا ءۇشىن 73 ءوتىنىم قابىلدانىپ, ونىڭ ىشىنەن 53 ءوتىنىم عانا ءتيىستى تالاپقا ساي بولعان. ال ناقتى بەرىلگەن پاتەر سانى تورتەۋ عانا. سونداي-اق, ايماقتا تۇرعىن ءۇي قۇرىلىسىنا جەكە ينۆەستورلاردى تارتۋ جۇمىستارى دا سىن كوتەرمەيدى. دەمەك, تۇرىعنداردى قول جەتىمدى باسپانامەن قامتۋ ءۇشىن جاسالاتىن جۇمىستاردى جانداندىرۋ كەرەك. ال وبلىس بويىنشا بۇگىندە 42 مىڭ ادام باسپانا كەزەگىندە تۇر...
جولداۋدا ءومىر سۇرۋگە قولايلى ورتا قالىپتاستىرۋ جايى كەڭىنەن ايتىلعان بولاتىن. بۇل باعىت بويىنشا جەتىسۋ وڭىرىندە بىرقاتار جۇمىستار جۇرگىزىلۋدە. نەگىزىنەن اۋىل شارۋاشىلىعىنا ارقا سۇيەگەن ايماقتا ادامداردىڭ ءومىر سۇرۋىنە قاجەتتىڭ بارلىعى بار. جەر ەمىپ, ءونىم الۋعا, ءوندىرىس جاعالاپ, تابىس تابۋعا تولىق جاعداي جاسالعان. باسپانادان بولەك, ەلدى مەكەندەردى اۋىز سۋمەن قامتاماسىز ەتۋ جانە ىشكى قاتىناس جولدارىن جوندەۋ بويىنشا قارجى بولىنۋدە. تازا اۋىز سۋمەن قامتۋ دەڭگەيى بيىل 89,6 پايىزعا جەتپەكشى. بۇل ەلىمىزدەگى ەڭ وزىق كورسەتكىش. ال ىشكى جولداردى جوندەۋگە بولىنەتىن قارجى 30 ملرد تەڭگەگە دەيىن كوبەيمەك.
جالپى, ايماقتا جولداۋ جۇكتەگەن مىندەتتەردى جۇزەگە اسىرۋ كەزەڭ-كەزەڭىمەن ىسكە اسىرىلماقشى. ەلباسى تاپسىرماسىن ورىنداۋ وبلىس اكىمى مەن ونىڭ كومانداسىنا تىڭ سەرپىن بەرىپ, ەل سەنىمىن اقتاۋ جولىنداعى تاعى ءبى رسىناق بولماق.
- مەملەكەت باسشىسى نۇرسۇلتان نازارباەۆتىڭ ءداستۇرلى جولداۋىن جەتىسۋ جۇرتى ۇلكەن قۋانىشپەن قابىلدادى. جولداۋدا ايتىلعان مىندەتتەر الەۋمەتتىڭ ءال-اۋقاتىن كوتەرىپ, وڭىردەگى ماسەلەلەردى شەشەدى. جالاقى كوتەرىلەدى, ءومىر سۇرۋگە قولايلى جاعداي تۋعىزۋ جولعا قويىلادى. قول جەتىمدى باسپانامەن قامتۋ, مەكتەپ سالۋ ىسىنە ەكپىنمەن كىرىسەمىز. بۇعان وبلىستىڭ تولىق مۇمكىندىگى بار. جولداۋ جۇكتەگەن مىندەتتەردى مۇلتىكسىز ورىنداۋ – ءبىزدىڭ پارىزىمىز, - دەيدى الماتى وبلىسىنىڭ اكىمى اماندىق باتالوۆ.
قالماحانبەت مۇقامەتقالي,
«ەگەمەن قازاقستان»
الماتى وبلىسى
