پارلامەنت سەناتىنىڭ توراعاسى قاسىم-جومارت توقاەۆ الەمدىك جانە ءداستۇرلى دىندەر كوشباسشىلارىنىڭ كەڭەسىنىڭ ءۇشىنشى وتىرىسى جۇمىسىن باستادى.
«الەمدىك جانە ءداستۇرلى دىندەر كوشباسشىلارىنىڭ استانا سەزىنىڭ يدەيالارى مەن باستامالارىنا تۇراقتى قولداۋ كورسەتىپ, ونىڭ جوعارعى باسقارۋشى ورگاندارى ءدىني كوشباسشىلارىنىڭ كەڭەسىنىڭ جۇمىسىنا قاتىسىپ وتىرعاندارىڭىز ءۇشىن بارشاڭىزعا العىسىمدى بىلدىرەمىن. كەڭەسىمىزدىڭ جوعارى جانە بەدەلدى قۇرامى وركەنيەت ارالىق جانە دىنارالىق ىنتىماقتاستىقتىڭ جاڭا يدەيالارىن ىلگەرىلەتىپ, تۇپكى ماقساتى قوعامدار مەن مەملەكەتتەردەگى بەيبىتشىلىك پەن قاۋىپسىزدىكتى نىعايتۋدى كوزدەيتىن ءىس-شارالاردى ىسكە اسىرۋ باعدارلامالارىن ازىرلەۋى قاجەت.
ق. توقاەۆ دىنارالىق قاتىناستاردىڭ قارقىندى دامۋى سەزد جانە ونىڭ كەڭەسى قىزمەتىنىڭ باستى جەتىستىگى دەپ ايتتى.
اتاپ ايتقاندا فورۋم دىنارالىق ءسامميتتىڭ نەگىزگى قاتىسۋشىلارىنىڭ ءوزارا پىكىر الماسۋداعى ەرىك-جىگەرىن ولاردىڭ ءبىر-بىرىنە دەگەن سەنىمىمەن بىرلەسىپ, ءىس-قيمىل جاساۋ كەزىندە ورىن الاتىن ماسەلەلەرگە قاتىستى ورتاق كوزقاراسىن قالىپتاستىرادى. سىزدەردىڭ قوعام الدىنداعى يگزى قىزمەتتەرىڭىزدىڭ ارقاسىندا رۋحاني الەم مەن ءدىني داستۇرلەر قالىڭ جۇرتشىلىققا كەڭىنەن تاراتۋدا», دەدى سەنات توراعاسى.
جەر جاھاندا بولىپ جاتقان شيەلەنىستەردى شەشۋگە مۇددەلى VI سەزد ءتورت نەگىزگى باعىت بويىنشا وتەدى:
- «الەم. ءححى عاسىر مانيفەسى» جاھاندىق قاۋىپسىزدىك تۇجىرىمداماسى رەتىندە»;
- «قۇبىلمالى گەوساياسات جاعدايىنداعى دىندەر: ادامزاتتى بىرىكتىرۋگە ارنالعان جاڭا مۇمكىندىكتەر»;
- ء«دىن جانە جاھاندانۋ: سىن-تەگەۋرىندەر مەن جاۋاپتار»;
- ء«دىن كوشباسشىلارى مەن ساياسي قايراتكەرلەر ەكسترەميزم مەن تەرروريزمدى ەڭسەرۋ جولىندا»
سەزد حرونولوگياسى:
2003, 2006, 2009, 2012 جانە 2015 جىلدارى استانا قالاسىندا وتكەن الەمدىك جانە ءداستۇرلى دىندەر كوشباسشىلارىنىڭ ءتورت سەزىنە يسلام, حريستيان, يۋدايزم, بۋدديزم, سينتويزم, داوسيزم جانە وزگە دە ءداستۇرلى دىندەردىڭ باسشىلارى مەن كورنەكتى وكىلدەرى قاتىستى.
اقمارال اعزامقىزى,
«ەگەمەن قازاقستان»
