پرەمەر-مينيستر مۇمكىندىكتەرى شەكتەۋلى جانداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋدان تۇراتىن الەۋمەتتىك ماسەلەنىڭ ماڭىزدىلىعىن اتاپ ءوتتى.
«مۇمكىندىكتەرى شەكتەۋلى ادامداردى الەۋمەتتىك قورعاۋ ماسەلەلەرى جىل سايىن قارالادى. بۇل وتە ماڭىزدى ماسەلە. مەملەكەت باسشىسى ءوز جولداۋىندا مۇمكىندىكتەرى شەكتەۋلى ادامدار ءۇشىن كەدەرگىسىز ورتا قۇرۋ قاجەتتىگىنە باسا نازار اۋداردى. زاماتتاردىڭ قوعام ومىرىنە
بەلسەندى اتسالىسۋى, ءبىلىم الۋى, ەڭبەك ەتۋى, ساپالى مەديتسينالىق قىزمەت الۋى وتە ماڭىزدى», — دەدى ب. ساعىنتاەۆ.
پرەمەر-ءمينيستردىڭ ايتۋىنشا, بيىل مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ بويىنشا ءىس-شارالار جوسپارى اياقتالادى. سوندىقتان ەڭبەك جانە حالىقتى الەۋمەتتىك قورعاۋ مينيسترلىگى جىلدىڭ سوڭىنا دەيىن جاڭا جوسپار ازىرلەۋى كەرەك. جوسپاردا ءاربىر شارا بويىنشا ينديكاتورلار مەن ناقتى مەرزىمدەر كورسەتىلۋى ءتيىس.
دەنساۋلىق ساقتاۋ مينيسترلىگىنە مۇگەدەكتىكتىڭ كوبەيۋ سەبەپتەرىنە تالداۋ جۇرگىزىپ, وعان اكەلىپ سوعاتىن اۋرۋلاردىڭ الدىن الۋ جانە مەديتسينالىق وڭالتۋ ساپاسىن ارتتىرۋ بويىنشا شارالار ازىرلەۋ تاپسىرىلدى.
ءبىلىم جانە عىلىم مينيسترلىگى مەكتەپتەر, كوللەدجدەر مەن جوعارى وقۋ ورىندارىنا ەركىن قول جەتكىزۋ ارقىلى بارلىق جەرلەردە ينكليۋزيۆتى ءبىلىم بەرۋدى ەنگىزۋدى قامتاماسىز ەتۋ تاپسىرىلدى.
