فەستيۆال بارىسىندا اقمولا وبلىستىق «كÓKSHE» تەلەارناسىنىڭ «رودينا» اگروفيرماسى» جاۋاپكەرشىلىگى شەكتەۋلى سەرىكتەستىگىنىڭ ديرەكتورى, قازاقستاننىڭ ەڭبەك ەرى يۆان اداموۆيچ ساۋەر تۋرالى تۇسىرگەن «روجدەننىي, بىت ۋسپەشنىم!» تەلەوچەركى جۇلدەلى ورىنعا يە بولىپ, ارنايى ديپلوممەن ماراپاتتالدى. جاس جۋرناليست يۋري وبەرديەنكونىڭ تەلەشىعارماسىندا ەسىمى ەلىمىزگە كەڭىنەن تانىمال وسى ءبىر ىسكەر باسشىنىڭ اۋىل شارۋاشىلىعى سالاسىنداعى ەرەن ەڭبەگى تۋرالى اسەرلى اڭگىمە ءوربىپ, ايگىلى اگروونەركاسىپ كەشەنىنىڭ بۇگىنگى تىنىس-تىرشىلىگى ءساتتى بەينەلەنەدى.
جىل سايىن تمد ەلدەرى جانە شەتەلدىك تەلەۆيزيالىق كومپانيالار اراسىندا وتكىزىلەتىن حالىقارالىق بايقاۋ بيىل تۇڭعىش رەت تاشكەنت قالاسىندا ۇيىمداستىرىلدى. بايقاۋعا 12 ەلدەن 13 شىعارماشىلىق جۇمىس ىرىكتەلىپ الىنعان. سولاردىڭ ىشىندە توپ جارىپ, بايقاۋ جۇلدەگەرلەرى قاتارىنان كورىنۋ جالعىز «كÓKSHE» تەلەارناسى ەمەس, بۇكىل اقمولالىق بۇقارالىق اقپارات قۇرالدارى ءۇشىن ۇلكەن مەرەي دەپ بىلەمىز. جۇلدە قۇتتى بولسىن, قىمباتتى ارىپتەستەر!
بايقال ءبايادىل,
«ەگەمەن قازاقستان»
اقمولا وبلىسى
