يندونەزيانىڭ سۋلاۆەسي ارالىنداعى جەر سىلكىنىسى مەن تسۋناميدەن زارداپ شەككەندەر سانى 2000-عا جۋىقتاپ قالدى. مەملەكەت باسشىلىعى بەيسەنبى كۇنى ىزدەستىرۋ-قۇتقارۋ جۇمىستارىن توقتاتۋدى جوسپارلاپ وتىر.وعان قوسا, سوڭعى مالىمەتتەرگە سۇيەنسەك, ءىز-ءتۇسسىز جوعالعاندار سانى 5000-نان اسىپ كەتكەن.
پالۋ قالاسىنداعى كەيبىر مەكتەپتەر اشىلدى, بىراق ساباق ءالى باستالمادى. سەبەبى, الدىمەن قايتا ورالاتىن وقۋشىلاردىڭ ناقتى سانىن شىعارىپ, كەيىننەن سىنىپتاردى ساباق وتكىزۋگە دايىنداۋ قاجەت. قالاداعى مەكتەپتەردىڭ بىرىنە دۇيسەنبى كۇنى كەلۋى ءتيىس 697 وقۋشىنىڭ 50-گە جەتەر-جەتپەسى عانا قاتىسقان.
ء«بىز بالالارعا بۇل اۋىر جاعدايدى جەڭۋگە, ولاردىڭ مەكتەپكە بارۋعا دەگەن ىقىلاسىنىڭ ارتۋىنا كومەكتەسىپ جاتىرمىز. كەشە بىرنەشە وقۋشى كەلدى, ولار ءتىپتى ءبىز سۇراماساق تا, مەكتەپتەگى ساباقتارىن ساعىنعاندارىن ايتتى» - دەيدى ورتالىق سۋلاۆەسي پروۆينتسياسىندا ورنالاسقان №3 وم ديرەكتورى كاسيلۋدين تاحيا.
ايماقتىڭ 200 مىڭعا جۋىق تۇرعىن جەدەل گۋمانيتارلىق كومەككە ءزارۋ. سوعان قاراماستان, كەيبىر شالعاي ەلدى مەكەندەرگە تەك جاقىن ارادا عانا تىكۇشاقتار ارقىلى ازىق-ت ۇلىك پەن العاشقى قاجەتتىلىكتەر جەتكىزىلدى.
