بەيجىڭ باسشىلىعى مەن حۋنۆەيدى ۇستاعانىن راستادى. بۇل ءىستى قىتايدىڭ مەملەكەتتىك باقىلاۋشى ورگانى تەكسەرىپ جاتىر. حۋنۆەي ينتەرپولدىڭ باسشىسى قىزمەتىمەن قاتار قىتايدىڭ قوعامدىق قاۋىپسىزدىك ءمينيسترىنىڭ ورىنباسارى قىزمەتىن اتقاردى.
ليونداعى ينتەرپول حاتشىلىعىنا مەن حۋنۆەيدىڭ قىزمەتتەن كەتۋى تۋرالى ءوتىنىش كەلىپ تۇسەدى. ەڭبەك دەمالىسىنداعى مەن حۋنۆەي 29 قىركۇيەك كۇنى قىتايدان كەتكەننەن ەش بايلانىسقا شىقپاعان. ليون پروكۋراتۋراسى ءىز-ءتۇسسىز جوعالۋى بويىنشا تەرگەۋ جۇمىستارىن باستادى. ازىرگە ينتەرپول باسشىلىعىنىڭ تىزگىنى وڭتۇستىك كورەيانىڭ وكىلى كيم چەن يانعا وتكەن. ينتەرپولدىڭ جاڭا پرەزيدەنتى 18-21 قاراشا ارالىعىندا وتەتىن دۋبايداعى فورۋمدا انىقتالادى.
