كەزدەسۋدە ەكى ەل كوشباسشىلارى نۇرسۇلتان نازارباەۆ پەن رەجەپ تايىپ ەردوعاننىڭ ءوزارا تۇسىنىستىككە نەگىزدەلگەن بىرلەسكەن ءتيىمدى جۇمىسىنىڭ ارقاسىندا قازاقستان مەن تۇركيا كوپقىرلى ارىپتەستىكتى نىعايتۋدا جوعارى ناتيجەلەرگە قول جەتكىزگەنىن اتاپ ءوتتى.
بۇگىنگى تاڭدا ەكى ەل اراسىنداعى قارقىندى ساياسي ديالوگ پەن تەرەڭ ەكونوميكالىق بايلانىستار ورناتىلىپ, ءوزارا ءىس-قيمىل ىنتىماقتاستىقتىڭ بارلىق سالالارىندا ءتيىمدى دامىپ كەلەدى.
ءماجىلىس توراعاسىنىڭ پىكىرىنشە, قازاقستان مەن تۇركيا ەلدەرىنىڭ قارىم-قاتىناسىنا 2017 جىلدىڭ قىركۇيەك ايىنداعى تۇركيا پرەزيدەنتىنىڭ قازاقستانعا رەسمي ساپارى جانە قازاقستان پرەزيدەنتىنىڭ وسى جىلدىڭ قىركۇيەك ايىنداعى تۇركياعا رەسمي ساپارى ەلدەر اراسىنداعى بايلانىستىڭ نىعايۋىنا تىڭ سەرپىن بەردى.
كەزدەسۋدە مەملەكەت باسشىسى نۇرسۇلتان نازارباەۆتىڭ 5 قازانداعى قازاقستان حالقىنا جولداۋىندا ايتىلعان نەگىزگى باعىتتاردى اتاپ وتكەن ءماجىلىس توراعاسى, كولىك جانە لوگيستيكا, تۋريزم جانە اۋىل شارۋاشىلىعى سالالارى ەكىجاقتى ىقپالداستىقتىڭ باسىم باعىتتارى بولا الاتىنىنا توقتالدى.
نۇرلان نىعماتۋلين مەن بينالي يىلدىرىم پارلامەنتارالىق بايلانىستىڭ نىعايۋى استانا مەن انكارانىڭ ءوزارا جان-جاقتى ءتيىمدى ىنتىماقتاستىعىن دامىتۋعا ىقپال ەتەتىنىنە سەنىم ءبىلدىردى.
