استانا اكىمياتىنىڭ بيۋدجەت قىزمەتكەرلەرىنىڭ پاتەرلى بولۋىن بيۋدجەت تاراپىنان قولداۋ تاجىريبەسىن مىسالعا كەلتىردى. وسى وزىق تاجىريبەنى بيۋدجەت قىزمەتكەرلەرى ءۇشىن ءبىزدىڭ وبلىس اكىمشىلىگى جانە بيزنەس كومپانيالارى دا قولدانار, بالكىم. قوستانايداعى ۇيلەردىڭ ءبىرازىن سالعان ءبىزدىڭ «بك-ستروي» قۇرىلىس كومپانياسى كەزەكتەگى 180 ادامنىڭ ءۇيلى بولۋىنا قولقابىس تيگىزۋدى ويلاستىرىپ وتىر. ءبىزدىڭ كومەگىمىز – بيۋدجەت قىزمەتكەرلەرىنە پاتەر اقىسىن ارزانداتامىز, بۇل باسپانا الاتىندارعا ءبىزدىڭ تاراپىمىزدان سىيلىق بولادى.
ەلباسى نۇرسۇلتان نازارباەۆ «7-20-25» باعدارلاماسىنىڭ تيىمدىلىگىن وتە ناق ءارى دۇرىس ايتتى. قازىر جاستاردىڭ كوپشىلىگى باسپاناسىز, پاتەر جالدايدى. ءبىز ولارعا اينالدىرعان ەكى جىل بار مۇمكىندىگىن سالىپ ەڭبەك ەتىپ, اقشا جيناسا, ءبىزدىڭ كومپانيا سالعان ۇيلەردەن پاتەر الۋعا تولىق مۇمكىندىك بولاتىنىنت ايتىپ وتىرمىز. قازىر جوعارى وقۋ ورىندارىنىڭ, كوللەدجدەردىڭ ستۋدەنتتەرىمەن اڭگىمە جۇرگىزىپ جاتىرمىز. ارينە, باسپانا جەتپەيدى, ۇيلەردى كوبىرەك سالۋعا ءتيىسپىز.سالىنعان ۇيلەردىڭ ساپاسىن تەكسەرىپ الۋدى مەن دە قوددايمىن. جاسىراتىنى جوق, سالىنعان ۇيلەردىڭ ءبىر-ەكى جىلدا تۇرۋعا جاراماي جاتقان وكىنىشتى مىسالدارى ءار جەردەن-اق كەزدەسىپ ءجۇر. بۇل ادامداردىڭ سەنىمىنە, ەڭبەگىنە قيانات بولىپ تابىلادى. زاڭدا ايتىلعانداي, ءۇيدىڭ ساپاسىنا مەردىگەر, جوبالاۋشى, قۇرىلىستى سالۋشى, تەحنيكالىق باقىلاۋشى ءتورت مەكەمە جاۋاپتى بولۋى ءتيىس. ءبىزدىڭ «بك-ستروي» قۇرىلىس كومپانياسى ساپاعا باسىمدىق بەرەدى. ءبىز قۇرىلىستى ءوزىمىز جوبالايمىز, ءوزىمىز سالامىز. ۇيلەردى قابىلداپ العاندا تەك قول قويۋ جەتكىلىكسىز, ونى بۇرىنعىداي تەكسەرىپ العاندا عانا جاۋاپكەرشىلىك ارتادى دەپ ويلايمىز.
ەلباسىنىڭ جولداۋدا باسپانا تۋرالى ايتقانى ەڭ الدىمەن جاستارعا قامقورلىق دەپ بىلەمىن. سوندىقتان وعان جاستار دا جاقسى ىستەرىمەن جاۋاپ بەرۋى ءتيىس. ەڭبەك ەتسە قازىر جۇمىس تابىلادى. جالىندى جاستىق شاقتى بوس وتكىزبەۋدىڭ, ونى ءتيىمدى پايدالانۋدىڭ امالىن ءاربىر جاس قاراستىرۋى ءتيىس. جاس كەزدە ىستەگەن ەڭبەكتىڭ قايتارىمى بۇكىل عۇمىرىنا جەتەدى ءارى ەلىمىزدىڭ بولاشاعى دا مىقتى بولادى. ەلباسى باسپانامەن قوسى جاستارعا مۇنى دا مەڭزەپ وتىرعانداي.
يگور كيم,
«بك-ستروي» جاۋاپكەرشىلىگى شەكتەۋلى سەرىكتەستىگىنىڭ ديرەكتورى,
وبلىستىق كورەي ەتنو-مادەني بىرلەستىگىنىڭ توراعاسى,
«نۇر وتان» پارتياسى وبلىستىق فيليالى ساياسي كەڭەسىنىڭ مۇشەسى
