بۇگىن انتاليادا (تۇركيا) «ەكونوميكالىق ىنتىماقتاستىق, قورشاعان ورتا جانە ەۋرازياداعى ورنىقتى دامۋ» تاقىرىبىنا ارنالعان فورۋم باستالدى.
كەزدەسۋ بارىسىندا تاراپتار وسى سۇحبات الاڭىنىڭ ماڭىزدىلىعىن جانە ءار جيىن سايىن قاتىسۋشى ەلدەر مەن ادامدار سانىنىڭ ارتىپ كەلە جاتقانىن اتاپ ءوتتى. بيىل فورۋمعا الەمنىڭ 40 ەلى مەن 5 حالىقارالىق ۇيىم قاتىسۋدا.
نۇرلان نىعماتۋلين قازاقستان مەن رەسەي اراسىنداعى قارىم-قاتىناس تۋرالى, قازاقستان پرەزيدەنتى نۇرسۇلتان نازارباەۆ پەن رەسەي پرەزيدەنتى ۆلاديمير ءپۋتيننىڭ دوستىق جانە ءوزارا ءىس-قيمىلىنا نەگىزدەلگەن ەكى ەل اراسىنداعى قارىم-قاتىناستىڭ ستراتەگيالىق سيپاتىنا توقتالدى.
ءماجىلىس توراعاسىنىڭ پىكىرىنشە, بۇل ەكى ەل پرەزيدەنتتەرىنىڭ كەلىسىمدەرىن زاڭنامالىق تۇرعىدان قولدايتىن قوس مەملەكەت پارلامەنتىنىڭ جۇمىسىنا سەرپىن بەرەدى.
نۇرلان نىعماتۋلين مەن ۆياچەسلاۆ ۆولودين ەۋرازيا ەلدەرىنىڭ پارلامەنتتەرى سپيكەرلەرىنىڭ ءۇشىنشى جينالىسىنا ۇسىنىلعان تاقىرىپتىڭ وزەكتىلىگىنە نازار اۋداردى. سونىمەن قاتار, قازاقستان مەن رەسەي بىرىڭعاي ەكونوميكالىق كەڭىستىكتە ورنالاسقانىن العا تارتا وتىرىپ, ەكولوگيا مەن قورشاعان ورتانى قورعاۋ ماسەلەلەرىنىڭ ماڭىزدىلىعىن دا اتاپ ءوتتى.
