مۇعالىمنىڭ ابىروي بەدەلىنىڭ تومەندەپ بارا جاتقانى جونىندەگى جانايقايىمىزدىڭ وسىنداي ناتيجە بەرگەنىنە قالايشا قۋانبايمىز؟! ەلىمىزدەگى ءبىلىم, دەنساۋلىق سالاسىنىڭ جاعدايىنان جانە ونداعى وزەكتى ماسەلەلەردەن جاقسى حاباردار ەلباسى زاڭ ازىرلەۋ جونىندە تاپسىرما بەرىپ وتىر. جاسىراتىنى جوق, سوڭعى كەزدەرى قولعا الىنىپ جاتقان رەفورمالاردى جۇزەگە اسىرادى دەگەن مۇعالىمدەرىمىزدىڭ اراسىندا داۋ-دامايمەن باسى قاتىپ, سوتقا جۇگىنەتىندەرى كوبەيە تۇسكەن بولاتىن.
مۇعالىمدەردى بالاعاتتاۋ ازداي, تاياق جەپ جاتقاندارى جونىندە دە اقپارات قۇرالدارىندا جاريالانىپ جاتتى. كوشە سىپىرتاتىنى, سايلاۋ, ساناق دەگەن ناۋقاندارعا جۇگىرتەتىنى دە از ايتىلعان جوق. مەكتەپ ديرەكتورى مەن قاراپايىم مۇعالىمنىڭ سوتتاسىپ جاتقانى جونىندە كوپتەگەن دەرەك كەلتىرۋگە بولادى. زاڭ قابىلدانسا, مۇعالىم تەك نەگىزگى مىندەتىن اتقاراتىن, باسقا جۇمىسقا الاڭدامايتىن بولادى. بۇل ورايدا ايتار ۇسىنىس-تىلەكتەرىمىز دە جوق ەمەس. ەڭ الدىمەن, اتالعان زاڭ جوباسى باق بەتتەرىندە اشىق تالقىعا تۇسكەنىن, ونى دايىنداۋعا قاتارداعى مۇعالىمدەردىڭ تارتىلعانىن قالار ەدىك. سونداي-اق زاڭدا ءبىلىم باسقارمالارىن جەرگىلىكتى اكىمشىلىكتەن ءبىلىم جانە عىلىم مينيسترلىگىنىڭ قۇزىرەتىنە وتكىزۋ ماسەلەسى قامتىلسا دەگەن ۇسىنىس بار. بۇل – مۇعالىمدەردى ءوز مىندەتىنە جاتپايتىن جۇمىستاردان قۇتقاراتىن بىردەن-ءبىر جول.
مۇعالىمگە قول جۇمساعان ادامعا قاتاڭ جازا تاعايىندالۋى ءتيىس. بيۋدجەتتەن مەكتەپتەردى جوندەۋگە بولىنگەن قاراجات باق بەتىندە جاريالانۋى قاجەت. سوندا مۇعالىمدەر مەن اتا-انالاردان مەكتەپتى جوندەۋگە اقشا جيناۋعا توقساۋىل قويىلادى. مىنە, وسىنداي ماسەلەلەردىڭ زاڭدا قامتىلعانىن قالايمىز. جولداۋدا ايتىلعان بۇكىل مەكتەپتەر مەن بالاباقشالاردى بەينەباقىلاۋ جۇيەسىمەن قامتاماسىز ەتۋ, مەكتەپ پسيحولوگتەرىنىڭ جۇمىسىن كۇشەيتۋ دە بۇگىندە وتە وزەكتى. بۇل بالالاردىڭ قاۋىپسىزدىگىن قامتاماسىز ەتەدى.
مۇعالىمدەر عانا ەمەس, بۇكىل اتا-انالار ءۇش اۋىسىمدى مەكتەپتەر ماسەلەسىنىڭ شەشىمىن تاباتىنىنا قۋانۋلى. بۇل ورايدا ەلباسى جولداۋىندا 2019-2021 جىلدارى قوسىمشا 50 ملرد تەڭگە بولىنەتىنى ايتىلدى. ياعني, ناقتى مەرزىم مەن بولىنەتىن قاراجات كولەمى اتالدى. قاراپايىم حالىق جولداۋدا جۇكتەلگەن نەگىزگى مىندەتتەردىڭ مەرزىمىندە ورىندالاتىنىنا سەنىمدى.
ء ومىر شىنىبەك ۇلى,
№41 مەكتەپ-ليتسەيى تاريح ءپانىنىڭ مۇعالىمى
شىمكەنت
