ونى قحا توراعاسىنىڭ ورىنباسارى – حاتشىلىق مەڭگەرۋشىسى لەونيد پروكوپەنكو اشىپ, جۇرگىزىپ وتىردى. وتىرىسقا پارلامەنت ءماجىلىسى توراعاسىنىڭ ورىنباسارى ۆ.بوجكو, قحا توراعاسىنىڭ ورىنباسارى ۆ.تۆاريوناس, ءماجىلىس دەپۋتاتتارى, قحا عىلىمي-ساراپشىلىق كەڭەسىنىڭ مۇشەلەرى, عىلىم مەن مادەنيەت قايراتكەرلەرى, ەتنو-مادەني بىرلەستىكتەردىڭ, باق وكىلدەرى قاتىستى.
قحا توراعاسىنىڭ ورىنباسارى ل.پروكوپەنكو ءوزىنىڭ كىرىسپە سوزىندە بيىلعى جولداۋدىڭ ماڭىزىنا توقتالدى. «ەلباسىنىڭ بيىلعى جولداۋىن ايرىقشا الەۋمەتتىك سيپاتتا دەپ ايتۋىمىزعا بولادى. سونىڭ ىشىندە بىرقاتار ماسەلەلەردى اتاي كەتەيىك. بىرىنشىدەن, جاھاندىق قارجى-ەكونوميكالىق تۇراقسىزدىققا قاراماستان, پرەزيدەنت ن.نازارباەۆ الەۋمەتتىك جاۋاپتى مەملەكەتتى قۇرۋ ساياساتىن جالعاستىرىپ كەلەدى. مەملەكەتتىڭ ەڭ باستى بايلىعى – ادام جانە ونىڭ ءومىر ءسۇرۋ دەڭگەيىنىڭ جوعارى بولماعى دەگەندى ەلباسى ۇنەمى قاداعالاپ وتىرادى. قحا جۇمىسىنىڭ دا باستى باعىتى پرەزيدەنت جۇمىسىنىڭ وسى باسىمدىعىن جان-جاقتى قولداۋعا باعىتتالادى. ەكىنشىدەن, حالىقتى الەۋمەتتىك قولداۋدىڭ مىسالىنا 2019 جىلدىڭ
1 قاڭتارىنان باستاپ ەڭ تومەنگى جالاقىنى 1,5 ەسە ارتتىرۋدى اتاۋعا بولادى. بۇل جالاقى بۇگىنگى 28 مىڭ تەڭگەدەن 42 مىڭ تەڭگەگە دەيىن وسىرىلەدى دەگەن ءسوز. ەكونوميكانىڭ بارلىق مەنشىك تۇرلەرىندە ىستەيتىن 1 ملن 300 مىڭ ادامعا بۇل تىكەلەي قاتىستى بولاتىندىعى ايتىلدى. بيۋدجەتتەن ەڭبەكاقى الاتىن 275 مىڭ قىزمەتكەردىڭ تابىسى ورتا ەسەپپەن 35 پروتسەنتكە دەيىن ارتاتىن بولدى. بۇلاردىڭ ءبارىن ادام كاپيتالىنا سالىنعان ينۆەستيتسيا دەپ ۇعۋ كەرەك», دەي كەلىپ ودان ءارى ل.پروكوپەنكو جولداۋدىڭ باسقا دا ەرەكشەلىكتەرىنە توقتالدى. ءسوزىنىڭ سوڭىندا ول الەۋمەتتىك پاكەت قۇنىنىڭ 1,5 ترلن تەڭگەگە جەتۋى بۇرىن بولماعان وقيعا ەكەنىن اتاپ ءوتتى. «مۇنداي قادامداردى جاساۋ كەز كەلگەن مەملەكەتتىڭ قولىنان كەلمەيدى. جولداۋ قوعامداعى تۇراقتىلىقتىڭ نەگىزى بولاتىن الەۋمەتتىك ادىلەتتىكتى ورناتۋعا باعىتتالعان دەپ ايتۋىمىزعا بولادى. قازاقستان حالقىنىڭ بىرلىگى مۇنداي جاعدايدا نىعايا بەرەرى ءسوزسىز», دەدى ول.
ءسوزىنىڭ سوڭىندا ل.پروكوپەنكو اسسامبلەيانىڭ الدىندا تۇرعان مىندەتتەرگە دە توقتالىپ, الداعى جۇمىس جوسپارلارىنا جولداۋدى قولداۋ ماسەلەلەرى بويىنشا وزگەرىستەر مەن تولىقتىرۋلار ەنگىزىلەتىنىن ايتتى. سونىمەن قاتار پرەزيدەنتتىڭ الداعى جىلدىڭ «جاستار جىلى» دەپ جاريالانۋىنا بايلانىستى اسسامبلەيا قۇرىلىمىنىڭ بارلىق فيليالدارى مەن بولىمشەلەرىندە توراعانىڭ جاستار ءىسى بويىنشا ورىنباسارلارى الىناتىنىن ەسكەرتتى.
وتىرىستا العاشقى ءسوزدى ءماجىلىس توراعاسىنىڭ ورىنباسارى, قازاقستاننىڭ ورىس, سلاۆيان جانە كازاك ۇيىمدارى اسسوتسياتسياسىنىڭ توراعاسى ۆلاديمير بوجكو الدى. ول پرەزيدەنتتىڭ جاڭا جولداۋىنىڭ ماڭىزدىلىعىن اتاپ ءوتىپ, وندا ايتىلعان ماسەلەلەردىڭ ىسكە اسۋىنا قاجەتتى زاڭنامالىق اكتىلەردىڭ ءبىرازى قازىردىڭ وزىندە پارلامەنت قورجىنىندا جاتقانىن ايتا كەلىپ, دەپۋتاتتىق كورپۋس ولاردى جانە وسى باعىتتاعى جاڭادان ازىرلەنەتىن زاڭ جوبالارىن دا قابىلداۋدا ايانباي ەڭبەك ەتەتىنىنە سەندىردى. سونىڭ ىشىندە ۆ.بوجكو قازىر پارلامەنت پرەزيدەنتتىڭ جولداۋىن زاڭنامالىق تۇرعىدان ىسكە اسىرۋعا تەتىك بولاتىن اۋىل شارۋاشىلىعى ءوندىرىسى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار تۋرالى, الداعى ءۇش جىلدىق بيۋدجەت تۋرالى زاڭ جوبالارىن جانە ت.ب. بەلسەندى تۇردە قاراپ جاتقانىن جەتكىزدى.
جارىسسوزدە قحا توراعاسىنىڭ ورىنباسارى ۆيتالي تۆاريوناس, ءماجىلىس دەپۋتاتى ناتاليا جۇمادىلداەۆا جانە ت.ب. سويلەپ, جاڭا جولداۋدىڭ ەرەكشەلىكتەرىنە توقتالدى. ءبارى دە جاڭا جولداۋدىڭ ماڭىزى حالىق ءۇشىن اسا زور ەكەنىن اتاپ ءوتتى.
وتىرىس قورىتىندىسىندا قحا پرەزيدەنت ن.نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىن قولداۋ بويىنشا ۇندەۋ قابىلدادى. ۇندەۋدىڭ ءماتىنى بولەك بەرىلىپ وتىر.
جاقسىباي سامرات,
«ەگەمەن قازاقستان»
