- بيىل اتىراۋدا رەكوردتىق كورسەتكىشتە تۇرعىن ءۇي, قالا ماڭىنداعى اۋىلدىق وكرۋگتەردە جاڭا جولدار سالىنادى جانە بالاباقشالار مەن مەكتەپتەردىڭ قۇرىلىسى بەلسەندى جۇرگىزىلۋدە. كوشەنى جارىقتاندىرۋ بويىنشا جوبالار ىسكە اسىرىلىپ, قوعامدىق كولىك تۇجىرىمداماسى ەنگىزىلۋدە. قالادا شاعىن جانە ورتا بيزنەس سۋبەكتىلەرىن دامىتۋ ءۇشىن بارلىق جاعدايلار جاسالىپ وتىر. بۇگىنگى كۇنى وتاندىق كومپانيالار مەن جەر قويناۋىن پايدالانۋشىلاردىڭ الەۋمەتتىك جاۋاپكەرشىلىگىنىڭ ارقاسىندا قالا كۇن سايىن كوركەيىپ كەلەدى. اتىراۋلىق بارشا تۇرعىنداردى قالا كۇنىمەن قۇتتىقتايمىن جانە سىزدەرگە, وتباسىلارىڭىزعا دەنساۋلىق پەن باقىت تىلەيمىن, دەدى اليمۇحاممەد قۇتتۇمۇرات- ۇلى.
سونىمەن قاتار وبلىس ورتالىعىندا الەۋمەتتىك جانە قايىرىمدىلىق جوبالاردى جۇزەگە اسىراتىن دەمەۋشى كومپانيالار مەن مەتسەنات كاسىپكەرلەر ماراپاتتالدى. ەلباسىنىڭ «بولاشاقكا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ اياسىندا كاسىپكەر يبراگيم اقدراشەۆ , دەپۋتات الىبەك سەمعاليەۆ, ء«ومىر گ ۇلى» ءانسامبلىنىڭ جەتەكشىسى تانىش جاكۋپوۆا, «كتك جانە ك» كومپانياسىنىڭ جانە «Wheels brothers» موتوكلۋبىنىڭ وكىلدەرى ءتۇرلى نوميناتسيالاردا ماراپاتتالدى.
كورەرمەن الدىندا ايماقتىڭ جەرگىلىكتى شىعارماشىلىق ۇجىمدارى, سونداي-اق قازاقستاندىق جانە رەسەيلىك ەسترادا جۇلدىزدارى - ءمادينا سادۋاقاسوۆا, رايم مەن ارتۋر, Natan جانە MBand ونەر كورسەتتى. مەرەكە سوڭىندا 20 مىڭعا جۋىق كورەرمەن مۋزىكالىق وتشاشۋ تاماشالادى.
