بالالار – ەلىمىزدىڭ بولاشاعى. ولاردىڭ ءبىلىمدى, بىلىكتى, تاربيەلى, مادەنيەتتى بولىپ قالىپتاسۋى اسا ماڭىزدى. بۇل ورايدا نەگىزگى مىندەت ۇستازدارعا جۇكتەلەتىنى بەلگىلى. بۇل ابىرويلى مىندەتتى مۇعالىمدەرىمىز ويداعىداي ورىنداۋى ءۇشىن ولارعا دەگەن دۇرىس كوزقاراس قاجەت. بۇل ارادا ۇستازداردىڭ الەۋمەتتىك جاعدايىن جاقسارتۋ, قوعامداعى مارتەبەسىن كوتەرۋ ماسەلەلەرى باستى نازاردا بولۋى ءتيىس. وسى ورايدا ەلباسى ورىندى ماسەلەلەردى كوتەرىپ, باستى باعىتتارعا باسا كوڭىل اۋداردى. ناقتىلاي ايتقاندا, مەملەكەت باسشىسى كەلەسى جىلى «پەداگوگ مارتەبەسى تۋرالى» زاڭدى ازىرلەپ, قابىلداۋ قاجەتتىگىن ايتتى. بۇل زاڭ مۇعالىمدەر مەن مەكتەپكە دەيىنگى مەكەمەلەر قىزمەتكەرلەرى ءۇشىن ءوز تيىمدىلىگىن كورسەتەدى دەپ ويلايمىن. جولداۋداعى بۇل ورىندى كوتەرىلگەن جايت مۇعالىمدەردىڭ عانا ەمەس, بۇكىل قوعامنىڭ كوڭىلىنەن شىعاتىنى ءسوزسىز.
بىزدەر, دەپۋتاتتار ەلباسى الدىمىزعا قويعان مىندەتتەردى جۇزەگە اسىرۋ ءۇشىن قاجەتتى زاڭدار قابىلداۋ باعىتىندا جۇمىس ىستەيتىن بولامىز.
مايرا ايسينا,
پارلامەنت ءماجىلىسىنىڭ دەپۋتاتى
