«ەڭ باستىسى, بيىل بىزدە ۇلتتىق سپورت تۇرلەرىنەن سپورت مەكتەبى اشىلدى. بيىل ءبىرىنشى رەت ۇلتتىق ات سپورتى تۇرلەرى ءبولىمى جۇمىس ىستەي باستادى. ارنايى اتتار ساتىپ الىندى. قازىر مەكتەپكە ءجۇز شاقتى جاستار مەن بالالار بارادى. كەلەسى جىلى ات سپورت ماۋسىمىندا ءبىزدىڭ ۇلتتىق سپورت مەكتەبىنىڭ تاربيەلەنۋشىلەرى قاتىساتىن جارىستار باعدارلاماعا ەنەتىن بولادى», دەيدى وبلىستىق دەنەشىنىقتىرۋ جانە سپورت باسقارماسىنىڭ باسشىسى ەۆگەني ۆيليامس.
جالپى وسى جولى ات سپورتى ويىندارىنا 50 ات قاتىستى. الامان بايگەگە 14 تۇلپار جىبەرىلدى. سولاردىڭ ىشىنەن قاراعاندىلىق اتبەگى مۇرات ەسماعانبەتوۆتىڭ تۇلپارى مارەنى ءبىرىنشى قيىپ, يەسىنە قوستانايداعى «سارىارقااۆتوپروم» ماشينا زاۋىتىنان شىققان JAC تەمىر تۇلپارىن مىنگىزىپ قايتتى.
ءنازيرا جارىمبەت,
«ەگەمەن قازاقستان»
قوستاناي
