بۇگىن نازارباەۆ ۋنيۆەرسيتەتى جوعارى مەملەكەتتىك ساياسات مەكتەبى مەن استانا مەملەكەتتىك قىزمەت حابى «پوستكەڭەستىك ەۋرازياداعى مەملەكەتتىك باسقارۋدىڭ زاماناۋي ماسەلەلەرى» تاقىرىبىندا كونفەرەنتسيا وتكىزدى.
كونفەرەنتسياعا 30-دان استام ەلدىڭ, سونىڭ ىشىندە, قازاقستان, قىرعىزستان, وزبەكستان, رەسەي, ۋكراينا, گرۋزيا, ۆەنگريا, سينگاپۋر, قىتاي, نيدەرلاندى, مالايزيا, ءۇندىستان, اۋستراليا جانە وزگە دە ەلدەردىڭ زەرتتەۋشىلەرى, ساراپشىلارى جانە مەملەكەتتىك قىزمەتشىلەرى قاتىستى.
استانا مەملەكەتتىك قىزمەت حابى باسقارۋشى كوميتەتىنىڭ توراعاسى اليحان بايمەنوۆ: ء«بىزدىڭ ءوڭىر ەلدەرى الەۋمەتتىك-ەكونوميكالىق رەفورمالاردىڭ بىرەگەي جولىن مەملەكەت ءرولىن ترانسفورماتسيالاۋ جانە مەملەكەتتىك قىزمەتتىڭ وزىندىك مودەلدەرىن دامىتۋمەن قاتار ءوتتى. وتكەن جولدى وي ەلەگىنەن وتكىزۋ, جەتىستىكتەر مەن ماسەلەلەردى تالداۋ عالىمدار ءۇشىن دە, مەملەكەتتىك قىزمەتشىلەر ۇشىندە ماڭىزدى», - دەپ اتاپ ءوتتى.
ءوز كەزەگىندە, نۋ جمسم دەكانى ۆەن تات حۋەي بىلاي دەدى: «كونفەرەنتسيا 30-دان استام ەلدىڭ زەرتتەۋشىلەرى مەن پراكتيكتارىنىڭ باسىن قوسقانىنا قۋانىشتىمىز, ولار ءبىر-بىرىمەن مەملەكەتتىك باسقارۋ ءسالاسىندابىلىم مەن تاجىريبە الماسىپ, ءبىر-بىرىنەن ۇيرەنۋ مۇمكىندىگىنە يە بولدى. ناتيجەسىندە,پوستكەڭەستىك ەۋرازيا ەلدەرىنىڭ كوشباسشىلارىنا ارنالعان دالەلدى ساياسات قابىلدانادى دەپ سەنەمىن».
كونفەرەنتسيانىڭ اشىلۋ سالتاناتىندا ورتالىق جانە شىعىس ەۋروپاداعى مەملەكەتتىك باسقارۋ مەكتەپتەرى مەن ينستيتۋتتار جەلىسىنىڭ پرەزيدەنتى گەورگي حادجنالدا قۇتتىقتاۋ ءسوز سويلەدى.
كونفەرەنتسيا اياسىندا مەملەكەتتىك مەنەدجمەنت, مەملەكەتتىك قىزمەتتى رەفورمالاۋ, ۇكىمەت, بيزنەس جانە ازاماتتىق قوعام اراسىنداعى ءوزارا ارەكەتتەستىك جانە باسقا دا تاقىرىپتار بويىنشا سەسسيالار وتكىزىلىپ, وندا 60-تان استام بايانداما جاسالدى. كونفەرەنتسياعا قاتىسۋشىلار ءوز زەرتتەۋلەرىنىڭ ناتيجەلەرىمەن ءبولىسىپ, ءبىلىمى مەن تاجىريبەسىمەن الماسىپ, ارىپتەستىكبايلانىستارىن كەڭەيتتى.
مەملەكەتتىك ساياسات جانە باسقارۋ ماسەلەلەرى جونىندەگى حالىقارالىق كونفەرەنتسيا ەكىنشى رەت وتكىزىلىپ وتىر. وسى جىلى باس ۇيىمداستىرۋشىلارمەن قاتار, لي كۋان يۋ مەملەكەتتىك ساياسات مەكتەبى, بريتان اكادەمياسى جانە ولستەر ۋنيۆەرسيتەتى دە قولداۋ كورسەتتى.
