وبلىستىق ءماسليحات دەپۋتاتى سۆەتلانا ايتباەۆا: «مەن پرەزيدەنتتىڭ جولداۋىن مۇقيات تىڭدادىم. بۇل دەر كەزىندەگى, وزەكتى قۇجات, ونىڭ ءاربىر تارماعى ۋاقىتتىڭ قازىرگى جاعدايىمەن ايتىلعان. ەلباسى بارلىق قازاقستاندىقتاردى تولعاندىراتىن بىرقاتار پروبلەمالاردى اتاپ ءوتتى. مۇعالىمدەر كۇنى قارساڭىندا نۇرسۇلتان نازارباەۆتىڭ مۇعالىمدەر مارتەبەسىن كوتەرۋ ماسەلەسىن كوتەرگەنى قۋانتادى. ونىڭ تاپسىرماسىمەن «پەداگوگتاردىڭ مارتەبەسىن كوتەرۋ تۋرالى» زاڭ ازىرلەنىپ, وندا جۇكتەمەنى قىسقارتۋ, مۇعالىمدەر مەن بالاباقشا قىزمەتكەرلەرىن ىنتالاندىرۋ سۇراقتارى قارالادى دەپ جوسپارلانىپ وتىر. بۇل دۇرىس, ويتكەنى كەز كەلگەن مەملەكەتتىڭ بولاشاعى ەڭ الدىمەن, وسكەلەڭ ۇرپاقتىڭ تاربيەسىنە بايلانىستى ەمەس پە. مۇنى قازاقستاننىڭ كەلەشەگى ءۇشىن ىستەۋ كەرەك», - دەپ ءوزىنىڭ پىكىرىمەن ءبولىستى.
«سونىمەن قاتار, مەن شىعارماشىلىق ادامى رەتىندە مادەنيەت سالاسىنداعى وزگەرىستەر تۋرالى جاڭالىقتاردى كۇتكەن ەدىم. ءوز سۇراقتارىمنىڭ بارلىعىنا دا جاۋابىمدى الدىم. ەلىمىز ءۇشىن وزەكتى ماسەلە - ءتۋريزمدى دامىتۋ بولىپ قالا بەرەدى. اتالمىش سالانى شەتەلدىك تاجىريبەنى ەسكەرە وتىرا كۇش سالىپ دامىتۋىمىز قاجەت جانە ول ءۇشىن بىزدە بارلىق مۇمكىندىكتەر بار», - دەپ قوستى ول.
№6 قالالىق ەمحانانىڭ باس دارىگەرى جەكسەنبى كوپتىلەۋوۆتىڭ ايتۋىنشا پرەزيدەنت ءوزىنىڭ جىل سايىنعى جولداۋىندا ءداستۇر بويىنشا شەشىمى قاراپايىم ازاماتتاردىڭ تۇرمىس ساپاسىن ايتارلىقتاي جاقسارتۋعا مۇمكىندىك بەرەتىن مىندەتتەردى قويادى.
باس دارىگەر: «پرەزيدەنتتىڭ جىل سايىنعى جولداۋىن ۇلكەن قىزىعۋشىلىقپەن قابىلدادىم. دەنساۋلىق ساقتاۋ سالاسىنىڭ وكىلى رەتىندە بەس جىلدىڭ ىشىندە ءبىلىم, عىلىم مەن دەنساۋلىق ساقتاۋ سالاسىنا كەتەتىن شىعىن جالپى ىشكى ونىمنەن جالپى العاندا 10% دەيىن جەتكىزىلەتىنى قۋانتادى. بۇل ءبىزدىڭ سالا تۇراقتى داميدى دەگەن ءسوز. بۇگىندە مەملەكەت دەنساۋلىق ساقتاۋ سالاسىن دامىتۋ ءۇشىن بارلىق جاعدايدى جاساپ جاتىر: مەديتسينا مەكەمەلەرى سوڭعى تەحنيكالارمەن جاراقتانعان, بىزدە قانداي دا ءبىر دارىلىك زاتتاردان پروبلەما جوق. بىزگە تەك ەمدەۋدىڭ جاڭا تەحنولوگيالارى مەن ادىستەرىن ەنگىزۋگە كوڭىل اۋدارۋ عانا قالىپ تۇر. سونداي جاعدايدا ءبىز نۇرسۇلتان نازارباەۆتىڭ العاشقى مەديتسينالىق-سانيتارلىق جاردەمگە, اسىرەسە اۋىلدىق جەرلەردە قول جەتكىزۋدى ارتتىرۋ بويىنشا تاپسىرماسىن ءتيىمدى ورىنداي الامىز», - دەپ ەسەپتەيدى..
بۇعان قوسا اقتوبەلىكتەر, ەلدىڭ تۇپكىر-تۇپكىرىندە اقپاراتتىق-ءتۇسىندىرۋ جۇمىستارىن كۇشەيتۋ جانە ەلباسىنىڭ بارلىق تاپسىرمالارىن ءاربىر ازاماتتقا جەتكىزۋ قاجەت دەپ سانايدى.
