جۇمىس ساپارى بارىسىندا اقمولا وبلىسى تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ اقمول اۋىلىنىڭ № 22 ءورت ءسوندىرۋ ءبولىمىنىڭ, جايناق اۋىلىنىڭ «اگروفيرما اكتىك» جشس-ءنىڭ ەرىكتى ءورت ءسوندىرۋ قۇرالىمدارىن بايقاپ تەكسەرۋ بولدى, سونىمەن قاتار «استانا حالىقارالىق اۋەجاي» اق-نىڭ مەملەكەتتىك ەمەس ورتكە قارسى قىزمەتىنىڭ وبەكتىسىنە بارىپ شىقتى.
وسى ءىس-شارانى وتكىزۋ ماقساتى مەملەكەتتىك ورتكە قارسى قىزمەت ءورت ءسوندىرۋ بولىمشەلەرىنىڭ, سونداي-اق اۋىلدى جەرلەردە ءورت سوندىرۋگە تارتىلاتىن ەرىكتى ءورت ءسوندىرۋ قۇرالىمدارىنىڭ جاعدايىمەن جانە جۇمىسىمەن تانىسۋ بولىپ تابىلادى.
بۇگىنگى كۇنى رەسپۋبليكامىزدا 422 ءورت ءسوندىرۋ بولىمشەلەرى جانە 2695 ءتۇرلى فۋنكتسيونالدىق ماقساتتاعى ءورت تەحنيكاسى بىرلىكتەرى بار. مەملەكەتتىك ءورت ءسوندىرۋ مەكەمەلەرى جەكە قۇرامىنىڭ سانى 17 729 ادام.
جىل سايىن ەلىمىزدە ءورت ءسوندىرۋ بولىمشەلەرى ورتكە جانە جانۋعا 45 مىڭنان استام شىعۋ جاسايدى. تەك 2017 جىلى ءورتتى جويۋ جانە اۆاريالىق-قۇتقارۋ جۇمىستارىن جۇرگىزۋ كەزىندە ءورت سوندىرۋشىلەر 4 مىڭ ادام قۇتقارىپ جانە 20 مىڭنان استام ادام ەۆاكۋاتسيالاندىردى.
2018 جىلدىڭ 9 اي ىشىندە ءورتتى جويۋ جانە اۆاريالىق-قۇتقارۋ قىزمەتى 2 806 ادام قۇتقارىپ, 15 159 ەۆاكۋاتسيالاندىردى, ورتتەرگە جانە اۆاريالىق-قۇتقارۋ جۇمىستارىنا, ورتەنۋ ۋاقيعالارىنا دابىل بويىنشا 39 523 شىعۋ جاسالدى.
2014 جىلى «ازاماتتىق قورعاۋ تۋرالى» زاڭنىڭ قابىلدانۋىمەن شالعاي اۋىلدىق وكرۋگتەردە ورتتەرگە جانە جانۋعا دەن قويۋ جۇيەسىن دامىتۋ ءۇشىن اكىمدىكتەردىڭ قۇزىرەتىنە مەملەكەتتىك ورتكە قارسى قىزمەت بولىمشەلەرى جوق ەلدى مەكەندەردە ەڭ از تەحنيكالىق رەسۋرستارمەن ءورت ءسوندىرۋ بەكەتتەرىن قۇرۋ بويىنشا تىكەلەي نورما بەكىتىلدى.
رەسپۋبليكامىزدا ءورت ءسوندىرۋ بەكەتتەرى سانى 202, جالپى سانى 600 مىڭ ادامنان استام 648 ەلدى مەكەندى جابۋمەن قامتىلعان. قارۋ-جاراقتا 209 ءارتۇرلى بىرلىك ءورت جانە بەيىمدەلگەن تەحنيكا بار.
مەملەكەتتىك ورتكە قارسى قىزمەت بولىمشەلەرىن تارتپاي ەرىكتىلەردىڭ كۇشىمەن اۋىلداعى ورتتەر مەن جانۋلاردى ءسوندىرۋ دەڭگەيىنىڭ تۇراقتى وڭ ديناميكاسىن اتاپ وتكەن ءجون. 2015 جىلدان باستاپ 2017 جىلعا دەيىن ەوق دەربەس 3 877 ء ورت پەن جانۋلار جويىلدى.
جالپى, قازىرگى ۋاقىتتا اۋىلدا 4814 ەرىكتى ورتكە قارسى قۇرالىمدار قۇرىلدى, ولاردىڭ قارۋ-جاراعىندا 8 مىڭنان استام ءورت ءسوندىرۋ اۆتوكولىكتەرى, بەيىمدەلگەن تەحنيكا مەن ءورت ءسوندىرۋ موتوپومپالارى بار. قۇرامالاردىڭ جەكە قۇرامى 50 مىڭ ادام.
