ەلباسىنىڭ بيىلعى جولداۋى سوڭعى ۋاقىتتاردا قوعامدا ەڭ كوپ تالقىلانىپ جۇرگەن ماسەلەلەردى قوزعاپ قانا قويماي, ولاردى شەشۋدىڭ ناقتى جولدارىن ۇسىنۋىمەن ماڭىزدى. سونىڭ ىشىندە قۇقىق قورعاۋ ورگاندارىن جاڭعىرتۋ تۋرالى تاپسىرماسى كوپشىلىك كوڭىلىنەن شىققان ماسەلەنىڭ ءبىرى بولدى دەپ ويلايمىن.
جالپى, مەملەكەت باسشىسى ەلىمىزدىڭ قۇقىق قورعاۋ جۇيەسىن جاڭعىرتۋدى ءجىتى نازاردا ۇستاپ كەلە جاتقانى بەلگىلى. ياعني, سالانىڭ جاڭعىرۋى كەشەلى-بۇگىن ەمەس, ىلگەرىدە باستالعان رەفورمالار جۇزەگە استى. ماسەلەن, 2011 جىلى ىشكى ىستەر مينيسترلىگىنىڭ مىندەتىنە كىرمەيتىن كەيبىر مەديتسينالىق, حالىققا قىزمەت ەتۋ ورتالىقتارى جانە باسقا دا قىزمەت تۇرلەرىن ادىلەت جانە دەنساۋلىق ساقتاۋ مينيسترلىكتەرىنىڭ قۇزىرەتىنە بەرگەن ەدى. بۇل جۇمىستار تىزبەگى ءالى دە جالعاسۋدا.
ەكىنشى ءبىر ايتا كەتەتىن جايت, ىشكى ىستەر قۇرىلىمىنىڭ وزگەرتىلۋى. جولداۋدا پرەزيدەنت ەرەكشە توقتالىپ وتكەن تاعى ءبىر ماسەلە – پوليتسيا قىزمەتكەرىنىڭ ستاندارتى جانە ونىڭ جۇمىسىنىڭ تيىمدىلىگىن باعالاۋ. ولاردىڭ لاۋازىمىن ءوسىرۋ, اتتەستاتسيادان وتكىزۋ جانە باسقالارى بۇل سالاداعى ىلگەرىلەۋشىلىكتەرگە نەگىز بولۋى ءتيىس.
كەزەكتى جولداۋدىڭ قازاقستاندىقتاردىڭ ءال-اۋقاتىن وسىرۋگە باعىتتالعانىنا تاعى ءبىر مارتە كۋا بولدىق. وندا ازاماتتارىمىزدىڭ ءال-اۋقاتىن, تابىسىن قورعاۋ ءۇشىن قاۋىپسىزدىك سالاسىنا دا ەرەكشە ءمان بەرىلدى. ال قاۋىپسىزدىك پوليتسيا قىزمەتكەرىنىڭ كاسىبي دەڭگەيىنە بايلانىستى ەكەنى اقيقات. سول سەبەپتى ەلباسى پوليتسيا قىزمەتكەرىنىڭ دەڭگەيىن وسىرۋگە ءمان بەرۋ ارقىلى, قوعامداعى وزەكتى ماسەلەنى ءدوپ باسىپ وتىر. مۇنىڭ بارلىعى قوعامداعى ءاربىر ماسەلە, ونى شەشۋ جولدارى ءاردايىم ەلباسىنىڭ نازارىندا ەكەنىن بايقاتادى.
الۋا جولدىبالينا,
قازاقستان رەسپۋبليكاسى پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ءبولىم باسشىسى
