فورۋمنىڭ كۇن تارتىبىنە شەكارالىق ايماقتاردا سەنىم مەن وڭىرلىك ىنتىماقتاستىق ارقىلى جاڭا قاۋىپ-قاتەرلەرگە قارسى تۇرۋ ماسەلەلەرى ەنگەن بولاتىن.
سەسسيا بارىسىندا «ورتالىق ازياداعى جانە ودان تىس جەرلەردە قاۋىپسىزدىك جونىندەگى ۇنقاتىسۋعا جاردەمدەسۋ» تاقىرىبى بويىنشا پارلامەنتتىك كونفەرەنتسيا ءوتتى. سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ حاتشىسى تولەۋبەك مۇقاشەۆ كونفەرەنتسيادا سويلەگەن سوزىندە قازاقستاننىڭ سىرتقى ساياساتىنداعى باستى مىندەتتەردىڭ ءبىرى – حالىقارالىق جانە ايماقتىق قۇرىلىمدارمەن ىنتىماقتاستىقتى تەرەڭدەتۋ, ونىڭ ىشىندە ەقىۇ باسىمدىققا يە ەكەنىن اتاپ ءوتتى.
قازاقستان دەلەگاتسياسى باسشىسىنىڭ پىكىرىنشە, ەكسترەميزم مەن تەرروريزم قاۋپى ەقىۇ-عا قاتىسۋشى مەملەكەتتەردىڭ وسى قاتەرگە قارسى تۇرۋدىڭ ءتيىمدى ستراتەگياسىن جاساۋ جونىندەگى كۇش-جىگەرىن تەرەڭدەتە ءتۇسۋ قاجەتتىگىن تالاپ ەتەدى. بىرلەسكەن كۇش-جىگەردىڭ نەگىزگى ماقساتتارى راديكالدى يدەولوگيانىڭ تارالۋىن بولدىرماۋ جانە توقتاتۋ, زورلىقشىل ەكسترەميزمگە قارسى كۇرەسۋگە دايىن بارلىق سىندارلى كۇشتەرمەن ءوزارا ءتيىمدى ۇنقاتىسۋ ورناتۋ بولۋى ءتيىس.
بۇل تۇرعىدا ت. مۇقاشەۆ بۇۇ اياسىندا تەرروريزمگە قارسى جاھاندىق جەلى قۇرۋ جونىندەگى قازاقستان پرەزيدەنتى ن.نازارباەۆتىڭ باستاماسىنىڭ ماڭىزىنا نازار اۋداردى. پارلامەنت دەپۋتاتى شاراعا قاتىسۋشىلارعا بيىلعى 28 قىركۇيەكتە نيۋ-يوركتە بۇۇ باس اسسامبلەياسىنىڭ 70-ءشى سەسسياسى اياسىندا مەملەكەت باسشىسىنىڭ باستاماسىمەن بەيبىتشىلىككە قارسى بەيبىتشىلىك ءۇشىن مىنەز-ق ۇلىق كودەكسىنە قول قويۋ ءراسىمى وتكەنىن حابارلادى. قۇجات تەرروريزمگە قارسى كۇرەس بويىنشا ارىپتەس ەلدەردىڭ حالىقارالىق اۋقىمدى كواليتسياسىن قۇرۋعا جانە 2045 جىلى بۇۇ-نىڭ 100-جىلدىعىنا تەرروريزمنەن ازات الەمگە قول جەتكىزۋگە باعىتتالعان. كودەكسكە الەمنىڭ 70-تەن استام ەلىنىڭ سىرتقى ىستەر مينيسترلەرى مەن جوعارى وكىلدەرى قول قويدى.
سونداي-اق قازاقستان تەرروريزمگە قارسى كۇرەس جونىندەگى ەقىۇ پا-دا ارنايى كوميتەتتىڭ قۇرىلۋىن جوعارى باعالايتىنى جانە ول پارلامەنتشىلەرگە وسى ماسەلەنى بەلسەندى تۇردە شەشۋگە مۇمكىندىك بەرەتىنى اتالىپ ءوتىلدى.
ت.مۇقاشەۆ سونداي-اق ورتالىق ازياداعى جانە ودان تىس جەرلەردەگى ترانسۇلتتىق قاۋىپ-قاتەرلەرگە قارسى تۇرۋ ءۇشىن بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە قازاقستان قابىلدايتىن شارالارعا توقتالدى. سەناتور اقپاراتتىق كەڭىستىكتە كيبەرشابۋىلدار مەن قاقتىعىستاردى بولدىرماۋعا قارسى ءىس-قيمىلدا حالىقارالىق ىنتىماقتاستىقتى نىعايتۋعا شاقىردى.
