ماسەلەن, سوڭعى ۋاقىتتا ورىن العان ۇلتتىق ۆاليۋتانىڭ السىرەۋى اسىرەسە تابىسى تومەن حالىقتى قاتتى الاڭداتقان بولاتىن. وسى تۇستا ەلباسىنىڭ ەڭ تومەنگى جالاقىنى 28 مىڭنان 42 مىڭعا دەيىن ءوسىرۋ تۋرالى تاپسىرماسى 1 ملن 300 مىڭ ادامنىڭ ءال-اۋقاتىنىڭ تومەندەپ كەتپەۋىنە كومەكتەسەدى.
ەل ازاماتتارىن جۇمىسپەن قامتۋدا بيزنەستىڭ ءرولى جوعارى بولۋى ءتيىس. سول ءۇشىن ەلباسى جولداۋىندا ءوز تيىمدىلىگىن كورستەىپ جاتقان «بيزنەستىڭ جول كارتاسى» باعدارلاماسىن 2025 جىلعا دەيىن ۇزارتۋ ۇسىنىلدى. بۇل ماقساتتا بيۋدجەتتەن 30 ميللياردا تەڭگە قاراجات ءبولىنىپ, سايكەسىنشە, بيزنەس اشقان ادام ءوزىن جۇمىسپەن قامتاماسىز ەتىپ قانا قويماي, باسقا ازاماتتارعا دا جۇمىس ورنىن اشاتىن بولادى. سونىمەن قاتار, بيزنەستىڭ «قولما-قول اقشاسىز» ەكونوميكاعا كوشۋى كولەڭكەلى ەكونوميكانىڭ ۇلەسىن ازايتىپ, مەملەكەتتىك بيۋدجەتكە سالىقتاردىڭ ءتۇسىمىن كوبەيتەتىن بولادى.
ازاماتتاردىڭ ءال-اۋقاتىنا اسەر ەتەتىن تاعى ءبىر سالا – تۇرعىن-ءۇي كوممۋنالدىق شىعىندارى. وسى ۋاقىتقا دەيىن حالىقتىڭ باسىم كوپشىلىگى كوممۋنالدىق شىعىنداردىڭ جوعارى ەكەندىگىن, ولاردىڭ تولەپ جاتقان قاراجاتىنىڭ ناتيجەسىزدىگىن ايتىپ كەلگەن بولاتىن. سەبەبى, تابيعي مونوپوليستەر حالىقتان جيناعان كوممۋنالدىق تولەمنىڭ ءبىر بولىگىن توزۋ دەڭگەيى جوعارى قۇبىرلاردى جوندەۋگە ينۆەستيتسيالاپ, جىلۋ نەمەسە سۋدىڭ شىعىنعا كەتۋىن ازايتۋى ءتيىس بولاتىن. وسىعان وراي ەلباسى مونوپوليستەردىڭ قىزمەتىنە باقىلاۋدى كۇشەيتىپ, كوممۋنالدىق تولەمدەردىڭ جۇمسالۋ باعىتىن اشىق جاريالاۋدى تاپسىردى.
سونىمەن قاتار, الداعى ۋاقىتتا حالىق تۇتىناتىن تاۋارلاردى ءوز ەلىمىزدە ءوندىرۋ ءۇشىن كاسىپورىندارعا قولداۋ كورسەتۋگە باستى ءمان بەرىلەتىن بولادى. بۇل شارا ۇلتتىق ۆاليۋتانىڭ ەركىن اينالىمى كەزىندە حالىققا قاجەتتى تاۋارلاردىڭ باعاسىنىڭ تۇراقسىزدىعىن قامتاماسىز ەتۋگە مۇمكىندىك بەرىپ, يمپورتقا تاۋەلدىلىكتى ازايتادى.
5 جىل ىشىندە ءبىلىم, عىلىم, دەنساۋلىق ساقتاۋ سالالارىنا جۇمسالاتىن قاراجاتتى ىشكى جالپى ءونىمنىڭ 10 پايىزىنا دەيىن جەتكىزۋ قازاقستاندىقتاردىڭ ءومىر ءسۇرۋ ساپاسىن دامىعان ەلدەردىڭ ءومىر ءسۇرۋ ستاندارتتارىنا جاقىنداتا تۇسەتىنى انىق.
ايجان مۇقىشباەۆا,
تۇڭعىش پرەزيدەنت قورى جانىنداعى اەسي ساراپشىسى
