مەملەكەت باسشىسى بۇل جولداۋىندا ەلىمىزدىڭ ءبىلىم سالاسى ءۇشىن تۇبەگەيلى بەتبۇرىس كەزەڭىنىڭ باستالعانىن ناقتى ايتتى. مۇعالىمدەردىڭ كاسىبي مەرەكەسى قارساڭىندا ۇستاز مارتەبەسىن ايقىنداۋ تۋرالى ەلباسىنىڭ تاپسىرماسى اتاۋلى سىيلىق بولدى دەپ ەسەپتەيمىن. «كەلەسى جىلى «پەداگوگ مارتەبەسى تۋرالى» زاڭدى ازىرلەپ, قابىلداۋ قاجەت دەپ سانايمىن.
بۇل قۇجات مۇعالىمدەر مەن مەكتەپكە دەيىنگى مەكەمەلەر قىزمەتكەرلەرى ءۇشىن بارلىق يگىلىكتى قاراستىرىپ, جۇكتەمەنى ازايتۋعا, ءجونسىز تەكسەرىستەر مەن مىندەتتەن تىس فۋنكتسيالاردان اراشالاۋعا ءتيىس» دەدى پرەزيدەنت ءوز جولداۋىندا ۇستازداردىڭ مارتەبەسىن ايقىندايتىن زاڭ مۇعالىمدەردى جانە مەكتەپكە دەيىنگى مەكەمەلەردىڭ قىزمەتكەرلەرىن ىنتالاندىرۋدىڭ بارلىق تەتىكتەرىن قاراستىرادى. ۇستازداردىڭ جۇكتەمەسى قىسقارتىلىپ, ءتۇرلى تەكسەرىستەردەن ارىلاتىن بولدى.
سونىمەن قاتار, ەلباسى نازارباەۆ زياتكەرلىك مەكتەپتەرىنىڭ ءبىلىم بەرۋ ادىستەمەسى مەملەكەتتىك مەكتەپتەر ءۇشىن بىرىڭعاي ستاندارتقا اينالۋى ءتيىس ەكەندىگىن ايتتى. بيۋدجەتتىك سالا وكىلدەرى جالاقىسىنىڭ 35 % وسەتىنى, ءبىلىم سالاسىنداعى رەفورمالاردىڭ ساپاسىنا ءمان بەرىلەتىنى ۇستازدار قاۋىمىن قۋانتتى. وسىنىڭ بارلىعى كاسىبي مەرەكە قارساڭىندا جاسالعان تارتۋ دەپ ەسەپتەيمىز. تيىسىنشە مۇعالىمدەر قۇلشىنىپ جۇمىس ىستەيتىن بولادى. قازىر وبلىستا مۇعالىم ماربەسىن كوتەرۋگە باعىتتالعان جۇمىستار ناتيجەلى.
وبلىس اكىمىنىڭ قولداۋىمەن بيىل ايماقتاعى بارلىق پەداگوگتاردىڭ تەگىن مەديتسينالىق تەكسەرۋدەن وتكىزۋىنە قول جەتكىزدىك. كاسىپوداق تاراپىنان مۇعالىمدەردىڭ قۇقىن قورعاۋعا قاتىستى ءوتىنىش-تىلەكتەر قابىلدانىپ, وڭ شەشىمىن تاۋىپ وتىر. وسى باستالعان ءىستى جولداۋ جۇكتەگەن مىندەتتەر ودان ءارى جەتىلدىرۋگە جول اشادى دەپ سەنەمىز.
ەندىگى كەزەكتە ءبىلىم جانە عىلىم قىزمەتكەرلەرى كاسىپتىك وداعى تالدىقورعان اۋماقتىق ۇيىمى جانە ەنشىلەس اۋداندىق, قالالىق كوميتەتتەرىنىڭ الدىندا بۇل ماڭىزدى قۇجاتتىڭ ءمانى مەن ماعىناسىن جەتىسۋ ءوڭىرىنىڭ ء اربىر تۇرعىنىنا, ەڭبەك ۇجىمدارىنا جان-جاقتى ءتۇسىندىرۋ مىندەتى تۇر.
سادىق ابدىقادىروۆ,
ءبىلىم جانە عىلىم قىزمەتكەرلەرى كاسىپتىك وداعى
تالدىقورعان اۋماقتىق ۇيىمىنىڭ توراعاسى
