ءدىن جولىنداعى اداسۋشىلىق – قاي قوعامنىڭ بولسىن جان اۋىرتار قايعىسى. ءدۇيىم ەلدى دۇرلىكتىرگەن, بىرنەشە ادامنىڭ ءومىرىن قيىپ, 40-قا جۋىق جەرگىلىكتى تۇرعىندى جارالاعان قاندى وقيعا – 2016 جىلى 5 ماۋسىمدا بولعان اقتوبەدەگى تەراكتىنى نەگىزگە العان دەرەكتى تۋىندى اۆتورلارى مۇراعات ماتەريالدارىنا, جاپا شەككەندەردىڭ تۋىستارىنىڭ, لاڭكەستىكتەن امان قالعان جانداردىڭ ەستەلىگىنە سۇيەنگەن.
«قازىلار القاسى ءۇش ءفيلمدى ۇزدىك دەپ اتادى, ونىڭ ىشىندە ءبىزدىڭ دە ءفيلمىمىز بار. فەستيۆالدىڭ باس جۇلدەسى رەسەيلىك «فورساج» فيلمىنە بۇيىردى. «سەنىم جولىندا» ءفيلمىن كورەرمەن جاقسى قابىلدادى. ءتىپتى كەيبىرەۋلەرى وسىنداي جاعدايلاردىڭ ء(دىني ەكسترەميزم مەن تەرروريزم) قازاقستان جەرىندە ورىن العانى تۋرالى ەستىپ تاڭعالدى. فيلم ەكى جىل بۇرىن جارىق كورگەن-ءدى. فەستيۆالدىڭ ۇيىمداستىرۋشىلارى ءفيلمنىڭ ۇزىندىلەرىن عالامتوردان كورىپ, ماعان حابارلاستى. سول ءۇشىن دە ۇيىمداستىرۋشىلارعا العىسىمدى بىلدىرەمىن», دەدى رەجيسسەر ءاسيا بايعوجينا.
«ەۋرازيا.DOC» اتتى تمد ەلدەرىنىڭ دەرەكتى كينو فەستيۆالى وسىمەن ءۇشىنشى رەت وتكىزىلىپ وتىر. بيىل فەستيۆالعا قاتىسۋعا 23 ەلدەن 150 فيلم ءۇمىت بىلدىرگەن. ونىڭ ىشىنەن نەگىزگى بايقاۋعا 12 ەلدىڭ 24 دەرەكتى ءفيلمى ىرىكتەۋدەن وتكەن.
باعاشار تۇرسىنباي ۇلى,
«ەگەمەن قازاقستان»
