Zhanuar 4D – «KZ جاسالعان» تاڭباسىمەن ازىرلەنگەن ءجۇز پايىزدىق وتاندىق ءونىم. بۇل بالالارعا ارنالعان شىنايىلىقپەن تولىقتىرىلعان تانىمدىق كارتوچكالار. جوبانىڭ ماقساتى - بالانىڭ زەيىنىن اۋلاپ, وي-ءورىسى مەن شىعارماشىلىعىن دامىتۋ. كۇندەلىكتى قارا-الا كىتاپتاردىڭ بەتىن پاراقتاۋ, زامانۋي بالانى تەز جالىقتىرادى, ال AR تەحنولوگيالارىنىڭ كومەگىمەن كەيىپكەرلەرگە جان ءبىتىپ, بالامەن تىلدەسىپ, ماتەريالدىڭ كۇردەلى جاقتارىن ءتۇسىندىرىپ, ءتۇپ-نەگىزىن انىقتاۋعا كومەك كورسەتىلەدى. Augmented Reality (بەينە كورىنىستى 3D گرافيكا ارقىلى شىنايىلىققا وتكىزۋ), تاسىلدەمەسى ارقىلى الدەقايدا قىزىق ءارى تۇسىنىكتى, دەگەن پىكىردە ستارتاپەرلەر.
- «رۋحاني جاڭعىرۋ» باعدارلامالىق ماقالاسىندا ەلباسى رۋحاني جانە مادەني قۇندىلىقتاردى ساقتاۋعا ءارى تولىقتىرۋعا شاقىرادى. سونىمەن قاتار ەلىمىزدە ۇشتىلدىلىك ساياساتتى دامىتۋ كەزەڭىندە ءبىلىم بەرۋ سالاسىنا يننوۆاتسيالىق تەحنولوگيالاردى ەنگىزۋ قاجەتتىلىگى تۋىندادى. ال, قازىرگى تاڭدا باسەكەگە قابىلەتتى جانە پاراساتتى ۇرپاق تاربيلەۋ قوعامداعى وزەكتى ماسەلەلەردىڭ ءبىرى. وسىلايشا, مەملەكەت باسشىسىنىڭ باسىم تاپسىرمالارى بالالارعا ءبىلىم بەرۋ قۇرالىنىڭ تۋىنداۋىنا تۇرتكى بولدى. ءبىزدىڭ باستاپقى ماقساتىمىز – ويىن قوسىمشاسى ارقىلى بالالاردى ءتىل ۇيرەنۋگە باۋلۋ, سونداي-اق قازاقستاندىق جەتكىنشەكتەردىڭ پاتريوتتىق سەزىمىن وياتۋ, دەيدى جوبا اۆتورلارىنىڭ ءبىرى اسەل قابىلبەكوۆا.
جوبانى تولىق جۇزەگە اسىرۋعا ازىرلەۋشىلەرگە جارتى جىلعا جۋىق ۋاقىت قاجەت بولعان. قۇراستىرۋ جۇمىستارىنا وتاندىق انيماتورلار مەن بەلدى IT-ماماندار تارتىلعان.
ايتا كەتكەن ءجون, Zhanuar 4D سدۋ تۇلەكتەرىنىڭ العاشقى ءونىمى ەمەس. 2017 جىلدىڭ اقپان ايىندا جوبا جەتەكشىلەرى نۇرسۇلتان اجيمۋراتوۆ پەن ازامات تولەگەنوۆ 8-14 جاس ارالىعىنداعى جەتكىنشەكتەرگە ارنالعان ءبىرىنشى IT اكادەمياسىنىڭ تۇساۋىن كەستى. اكادەميا بازاسىندا بالالار: روبوتوتەحنيكا, باعدارلامالاۋ, گرافيكالىق ديزاين, بەينەمونتاج, انياماتسيا, ويىن قۇراستىرۋ جانە سايت جاساۋ, 3D مودەلدەۋ جانە ت.ب. كەشەندى كومپيۋتەرلىك ءبىلىم الادى. وسى ۋاقىتقا دەيىن اكادەميا تاربيەلەنۋشىلەرى 12 روبوت ءتۇرىن, 30 بىرەگەي ويىن ازىرلەپ, 600 بەينەروليك مونتاجداپ ۇلگەرگەن.
- ەڭ جاس IBM قۇراستىرۋشىسى 13 جاستا. 14 جاسار وقۋشىنىڭ Samoliotik اتتى ويىنى, وعان نەبارى ءبىر اي ىشىندە 4500 اقش دوللارى كولەمىندە قاراجات اكەلگەن, سونىمەن قاتار اقش-تىق 12 جاسار ءجاسوسپىرىم جەكە ويىندارىن قۇراستىرىپ, باعدارلامالاۋدان ءدارىس بەرەدى, - دەپ بولىسەدى جوبا اۆتورلارى.
ونەرتاپقىش توپتىڭ ەندىگى جوسپارى - «كوكونىستەر مەن جەمىس-جيدەكتەر», «كوسموس», «كازاقتىڭ سالت-داستۇرلەرى» اتتى بالالاردىڭ اقىل-پاراساتىن دامىتاتىن بىرقاتار ءموبيلدى قوسىمشالارىن قۇراستىرۋ. سونىمەن قاتار وتاندىق ءتۋريزمدى كەڭىنەن ناسيحاتتاۋ ماقساتىندا «ۆيرتۋالدى قازاق ءۇي» اتتى جوبا الداعى ۋاقىتتا حالىق نازارىنا ۇسىنىلماق. جوبانىڭ كونتسەپتسياسىنا سايكەس, كەز-كەلگەن قىزىعۋشى كيىز ۇيگە كىرىپ, VR كوزىلدىرىك ارقىلى 17-18 عىسىرداعى قازاق قونىسىن تاماشالاي الادى.
ال, Zhanuar 4D تۇڭعىش بالالار موبيلدىك قوسىمشاسىنىڭ تۇساۋكەسەر ءراسىمى الماتى قالاسىنداعى SMART POINT كوۆوركينگ ورتالىعىندا وتەدى.
