تاراپتار قازاقستان مەن ءۇندىستان اراسىنداعى ستراتەگيالىق سەرىكتەستىكتىڭ دايەكتى دامۋىن اتاپ ءوتتى. پرەزيدەنت نۇرسۇلتان نازارباەۆ پەن پرەمەر-مينيستر نارەندرا مودي تۇراقتى نەگىزدە كەزدەسۋلەر وتكىزۋدە جانە ولار ەكىجاقتى قارىم-قاتىناستارعا وڭ ىقپالىن تيگىزۋدە.
قازاقستان ءسىم باسشىسى بۇۇ قاۋىپسىزدىك كەڭەسى اياسىندا بىتىمگەرشىلىككە بەرىلەتىن ەرەكشە ماڭىزدىلىقتى اتاپ ءوتتى جانە بىرىككەن ۇلتتار ۇيىمىنىڭ ليۆانداعى ۋاقىتشا كۇشتەرىندەگى (بۇۇلۋك) ءۇندىستان باتالونىنىڭ قۇرامىندا قازاقستان بىتىمگەرشىلىك كونتينگەنتىنىڭ ورىستەۋىنە مۇمكىندىك تۋعىزعانى ءۇشىن ءۇندى تاراپىنا العىسىن ءبىلدىردى.
ن.سيتحارامان ءوز كەزەگىندە بۇۇ قاۋىپسىزدىك كەڭەسىنىڭ مۇشەسى رەتىندەگى, اۋعانستانداعى جاعدايدى قالپىنا كەلتىرۋدەگى جانە استانا پروتسەسىنىڭ شەڭبەرىندە سيرياداعى جاعدايدى رەتتەۋدەگى قازاقستاننىڭ ماڭىزدى ءرولىن اتاپ ءوتتى. ءۇندى ءمينيسترى قازاقستانعا بىتىمگەرشىلىك بويىنشا ارىپتەس ەلدى تاڭداۋدا ۇندىستانعا بىلدىرگەن سەنىمدىلىگى ءۇشىن العىسىن ءبىلدىردى. ء«بىزدىڭ ەلدەرىمىز تاريحتا العاش رەت بىتىمگەرشىلىك كونتينگەنتتى ورىستەتۋ ماقساتىندا باسىن قوستى جانە بۇل باسقا مەملەكەتتەر ءۇشىن ۇلگى بولۋعا ءتيىس. تاراپتار ءبىر-بىرىنەن كوپ نارسەنى ۇيرەنىپ, بىتىمگەرشىلىك ميسسياسىن كۇشەيتەتىن بولادى», - دەدى مينيستر.
ساپار بارىسىندا ءۇندىستان قورعانىس ءمينيسترى ءوزىنىڭ قازاقستاندىق ارىپتەستەرىمەن - قورعانىس مينيسترىمەن, قورعانىس جانە اەروعارىش ونەركاسىبى مينيسترىمەن كەزدەسىپ, قازاقستان مەن ءۇندىستان اراسىنداعى بىرىككەن ۇلتتار ۇيىمىنىڭ ليۆانداعى ۋاقىتشا كۇشتەرىندەگى (بۇۇلۋك) ۇندىستاندىق باتالون قۇرامىندا قازاقستاندىق بىتىمگەرشىلىك كونتينگەنتتى بىرلەسىپ ورىستەتۋدىڭ سالتاناتتى راسىمىنە قاتىساتىن بولادى.
