سوڭعى مالىمەتتەر بويىنشا وڭىردە 160 بۇلان, 140 مارال, 3356 ەلىك, 40857 قويان, 13 مىڭعا جۋىق تۇلكى بار ەكەن. ۇيرەكتىڭ بارلىق ءتۇرى بويىنشا 919,7 مىڭ قۇس تىركەلگەن. بۇعان قوسا 41 299 قاز, 157 مىڭداي قاسقالداق, 100 مىڭنان استام ءشىل سانالىپتى. باياناۋىلدىڭ بيىك تاۋلارىن مەكەندەيتىن 1195 ارقار بار.
ال, وڭىردە بار–جوق قالعانى 186 قاسقىر بار دەپ سانالادى. قۇرتا بەرسە قاسقىردى زووپاركتەن عانا كورەرمىز.
قازاق ء«يتتىڭ يەسى بولعانىمەن, ءبورىنىڭ ءتəڭىرىسى بار» دەگەن. قاسقىردىڭ كيەسىنەن قورىققان.
ەلىمىزدىڭ اۋىل شارۋاشىلىعى مينيسترلىگىمەن بەكىتىلگەن بۇيرىق بويىنشا ەل اۋماعىندا اڭ اۋلاۋ اڭشىلىق ەرەجەسىنە سايكەس وتكىزىلەدى. ءبىزدىڭ وبلىستا سونداي 38 شارۋاشىلىق بار, بىراق ولاردىڭ 25-ءى عانا پايدالانۋشىلارعا بەكىتىلگەن. قالعانى يەسىز, ياعني جەرگىلىكتى اتقارۋشى بيلىكتىڭ قاراۋىندا. زاڭ بويىنشا «بەلگىلەنگەن اڭشىلىق اۋماعىندا» ءبىر اۋماق ىشىندە عانا اڭ اۋلاي الاسىز. ول جەردىڭ كىرەبەرىسىندە بوگەتتەر, ارنايى بەلگىلەر جانە كارتا ورنالاسادى. رۇقساتى بار ازاماتتار سونىڭ شەگىندە عانا ارەكەتىن جۇزەگە اسىرادى.
بىلتىر كۇزدە وبلىستىق جەر قويناۋىن پايدالانۋ, قورشاعان ورتا جانە سۋ رەسۋرس-تارى باسقارماسىمەن ءوڭىر بويىنشا جالپى سانى 4187 ۇيرەك, 698 قاز, 935 قاسقالداق, 49 بالشىقشى قۇس, 582 ءشىل, 103 بودەنە, 94 دالا كوگەرشىنىن اتۋعا ليميت بەرىلدى. ليميت شارۋاشىلىق نىساندارى اراسىندا تەڭدەي بولىنەدى.
ءبىزدىڭ وبلىستا اڭ-قۇس كوبىنە باياناۋىل ۇلتتىق پاركى, «قىزىلتاۋ» قورىعى, «ەرتىس ورمانى» رەزەرۆاتى, ەرتىس وزەنىنىڭ جايىلمالارى جانە وزگە دە قورعالاتىن اۋماقتاردا اۋلانادى. باسقارمانىڭ مالىمەتىنشە,ولاردىڭ ارقايسىنىڭ ەرەكشەلىگى بار. ينسپەكتورلار بىلتىر 22 زاڭ بۇزۋشىلىقتى تىركەپتى. ەلىكتى زاڭسىز اتقانى ءۇشىن 250 ايلىق ەسپتىك كورسەتكىشى, ال, كيىككە-350 اەك. سالىنعان ايىپپۇل مولشەرى 100 اەك-تەن اسسا, ول قىلمىستىق ءىس بولىپ سانالىپ, قۇقىق قورعاۋ ورگاندارى تاراپىنان ءتيىستى شارالار قابىلدانادى.
فاريدا بىقاي,
«ەگەمەن قازاقستان»
پاۆلودار وبلىسى
