وندا دەپۋتاتتار اسكەري قىزمەتشىلەردىڭ تاماقتانۋىن قامتاماسىز ەتۋ بويىنشا كورسەتىلەتىن قىزمەتتەردى «مەملەكەتتىك ساتىپ الۋ تۋرالى» زاڭنىڭ قولدانىلۋ اياسىنان شىعارۋعا باعىتتالعان تۇزەتۋ ەنگىزگەن بولاتىن.
ونىڭ ورنىنا مۇنداي كورسەتىلەتىن قىزمەتتەردى قازىر مەكتەپتەردە وقۋشىلاردىڭ تاماقتانۋىن قامتاماسىز ەتۋ پروتسەسىندە جاسالىپ جاتقانداي, ەرەكشە تارتىپپەن ساتىپ الۋ ۇسىنىلدى.
وسى ورايدا, ءماجىلىس توراعاسى ن. نىعماتۋلين بۇل ۇسىنىستىڭ اسكەري مەكەمەلەرگە لايىقتى ەكەنىن العا تارتا كەلىپ:
- بىراقتا, بۇل جەردە ءبىر ۇلكەن ماسەلە بار. ول دەمپينگ ماسەلەسى. مىسالى, تاجىريبە كورسەتكەندەي, بىرقاتار اۋرۋحانالاردا, مەكتەپتەردە وسى دەمپينگ باعامەن الىنعان تاماقتاردا ەشقانداي ساپا جوق. ەرتەڭ اسكەري مەكەمەلەردە وسىنداي جاعداي بولۋى مۇمكىن. سوندىقتان, وسى مەكەمەلەرگە (مەكتەپتەرگە, اۋرۋحانالارعا, اسكەري ورىندارعا) ەشقاشان دەمپينگ باعانى قولدانۋعا بولمايدى,-دەدى.
اتالعان الەۋمەتتىك نىسانداردى تاماقپەن قامتاماسىز ەتۋدە الدىمەن ساپاعا, ودان كەيىن, باعاعا نازار اۋدارۋ كەرەكتىگىن باسا ايتقان ن.نىعماتۋلين ايتىلعان ۇسىنىستى ەكىنشى وقىلىمعا دەيىن تاعى ءبىر مارتە تىڭعىلىقتى قاراۋ كەرەكتىگىن ەسكەرتتى.
