ولاردىڭ اشقان جاڭالىقتارى لازەرلى فيزيكادا توڭكەرىس جاساعان بولاتىن جانە بۇگىن «وتە ۇساق وبەكتىلەر مەن اسا جىلدام پروتسەستەردى جاڭا جولمەن بايقاپ كورۋگە بولادى».
ەشكينگە ماراپاتتىڭ جارتى بولىگى «وپتيكالىق قۇرالدار مەن ولاردىڭ بيولوگيالىق جۇيەدە پايدالانىلۋى» ء ۇشىن, قالعان بولىگى مۋر مەن ستريكلاندقا «جوعارى قارقىندى ۋلترا-قىسقا وپتيكالىق يمپۋلستاردى گەنەراتسيالاۋ ءادىسىن ازىرلەگەنى» ءۇشىن تابىستالدى.
ەشكين – امەريكاندىق فيزيك, وپتيكالىق تۇزاقتار جاساۋ سالاسىنداعى العاشقىلاردىڭ ءبىرى, 47 پاتەنتتىڭ اۆتورى.
مۋر جانە ستريكلاند – فرانتسۋزدىق جانە كانادالىق فيزيكتەر. 1985 جىلى ولار جوعارى قۋاتتى لازەرلى ءيمپۋلستىڭ جاڭا تەحنولوگياسىن ۇسىنعان.
لاۋرەاتتاردى ماراپاتتاۋ ءراسىمى ءداستۇرلى تۇردە 10 جەلتوقساندا, ياعني نوبەل سىيلىعىنىڭ نەگىزىن قالاۋشى, شۆەد ونەرتاپقىشى الفرەد نوبەلدىڭ دۇنيەدەن وتكەن كۇنىنە بايلانىستى وتەدى.
