شەكارانى شەگەندەۋ تۋرالى شارتقا 2017 جىلعى 25 جەلتوقساندا استانادا قول قويىلعان بولاتىن. شارتتىڭ نەگىزگى ماقساتى قازاقستان رەسپۋبليكاسى مەن قىرعىز رەسپۋبليكاسى اراسىنداعى مەملەكەتتىك شەكارا سىزىعىن شەگەندەۋدىڭ قۇقىقتىق نەگىزدەرىن حالىقارالىق-قۇقىقتىق بەكىتۋ بولىپ تابىلادى.
شارتقا سايكەس قازاقستان, قىرعىزستان جانە قىتاي شەكارالارىنىڭ ءتۇيىسۋ نۇكتەسى شەكارانىڭ باستاپقى نۇكتەسى بولىپ تابىلادى, ال قازاقستان, قىرعىزستان جانە وزبەكستان شەكارالارىنىڭ ءتۇيىسۋ نۇكتەسى شەكارا سىزىعىنىڭ سوڭعى نۇكتەسى بولىپ تابىلادى.
شەگەندەۋ ناتيجەلەرى بويىنشا مەملەكەتتىك شەكارانىڭ ۇزىندىعى 1257,07 كم قۇرادى. شەكارا سىزىعىندا 1055 شەكارالىق باعانا (533 – قازاقستان تاراپى, 522 – قىرعىز تاراپى) ورناتىلدى.
وسى شارت كۇشىنە ەنگەننەن كەيىن تاراپتار 10 جىلدا ءبىر رەت مەملەكەتتىك شەكارا سىزىعىنىڭ بەلگىلەنۋىنە بىرلەسىپ تەكسەرۋ جۇرگىزەدى.
تاراپتاردىڭ ەشبىرى مەملەكەتتىك شەكارا سىزىعىندا وسى شارتتا ايتىلماعان, مەملەكەتتىك شەكارانى بەلگىلەيتىن شەكارالىق نەمەسە وزگە دە بەلگىلەردى بىرجاقتى تارتىپپەن ورناتپايدى. سونىمەن قاتار ءاربىر تاراپ شەكارالىق بەلگىلەردى قورعاۋ جونىندەگى شارالار قابىلدايدى, ولاردىڭ ءب ۇلىنۋىنىڭ, ورنى اۋىستىرىلۋىنىڭ نەمەسە قيراۋىنىڭ الدىن الادى جانە ولاردى كۇتىپ-ۇستاۋدى قامتاماسىز ەتەدى.
كوميتەت وتىرىسىندا سونداي-اق «قازاقستان رەسپۋبليكاسى, تۇرىكمەنستان جانە وزبەكستان رەسپۋبليكاسى اراسىنداعى ءۇش مەملەكەتتىڭ مەملەكەتتىك شەكارالارىنىڭ ءتۇيىسۋ نۇكتەسىنىڭ اۋدانى تۋرالى شارتتى راتيفيكاتسيالاۋ تۋرالى» زاڭ جوباسى دا قارالدى.
شارتقا 2017 جىلعى 10 قاراشادا سامارقاندتا قازاقستان رەسپۋبليكاسى, تۇرىكمەنستان جانە وزبەكستان رەسپۋبليكاسى اراسىندا ءۇش مەملەكەتتىڭ مەملەكەتتىك شەكارالارىنىڭ ءتۇيىسۋ نۇكتەسىنىڭ اۋدانى تۋرالى قول قويىلعان جانە قازاق, تۇرىكمەن, وزبەك جانە ورىس تىلدەرىندە جاسالعان.
شارتتىڭ نەگىزگى ماقساتى – ءۇش مەملەكەتتىڭ مەملەكەتتىك شەكارالارىنىڭ ءتۇيىسۋ نۇكتەسىنىڭ ورنالاسقان جەرىن ايقىنداۋ جانە ءتۇيىسۋ نۇكتەسى اۋدانىنداعى مەملەكەتتىك شەكارالاردى دەليميتاتسيالاۋ.
تاراپتار وسى شارتتىڭ اجىراماس بولىگى بولىپ تابىلاتىن, ءۇش مەملەكەتتىڭ شەكارالارىنىڭ ءتۇيىسۋ نۇكتەسىنىڭ ورنالاسقان جەرىنىڭ جانە ءتۇيىسۋ نۇكتەسى اۋدانىنىندا مەملەكەتتىك شەكارالار سىزىقتارى ءوتۋىنىڭ سيپاتتاماسىن جاسادى.
وسى شارتتى قابىلداۋ قازاقستان رەسپۋبليكاسىنىڭ مەملەكەتتىك شەكاراسىن رەسىمدەۋدىڭ حالىقارالىق-قۇقىقتىق پروتسەسىن اياقتاۋعا, ءۇش مەملەكەتتىڭ مەملەكەتتىك شەكارالارىنىڭ ءتۇيىسۋ نۇكتەسى اۋدانىنداعى اۋماقتىق داۋلاردىڭ تۋىنداۋى ءۇشىن ىقتيمال العىشارتتاردى بولدىرماۋعا جاعداي جاسايتىن بولادى.
زاڭ جوبالارى پالاتانىڭ قاراۋىنا جىبەرىلدى.
سەناتتىڭ ءباسپاسوز قىزمەتى
